شنو تعلمتي من محيط العمل ؟

السلام عليكم و رحمة الله و بركاته

موضوع مهم ممكن يفيد غيرنا خصوصا اللي على وشك التعيين

سؤال حابه أوجهه لكل موظفه ..

شنو تعلمتي واكتسبتي من محيط العمل ؟

وما هي المحضورات اللي مو من المستحب عملها في الدوام ؟

/

بالنسبه لي أهم نقطه نبتعد عن القيل و القال .. وهذي الشغله بكل مكان نسويها لكن بالدوام أكثر

واذا سمعت كلمه من اهني أو هناك .. ولا كأني سمعت شي

ثاني نقطه ما أدخل بمواضيع المذاهب .. سنه وشعه .. نهاائياااااااا

وإذا وحده اقعدت اتحاول اتنغزني أو تبي توصل حق شي معين .. أمشي على اللي يقول " إذن من طين .. وإذن من عيين "

غير جذي الريوق الجماعي كلش مو حلو .. ميخالف نقعد وناكل مع بعض

بس مو بطريقه انه نقعد ونفرش الاكل جدام الرايح والراد

ناكل مع بعض في حالة وجود غرفه صغيره نقعد فيها .. أو زاويه صاده

انا قسمي مافيه مكان نتريق فيه

القسم مفتوح على بعضه ونظام بارتشن .. فكل وحده تقعد بمكانها وتاكل ..

/

الضحك والسوالف بصوت عالي جدام الموظفين عيب ومو من أخلاقياتنا

جم مره أمر يم الاقسام واسمع سوالف وضحك البنات واصل لي آخر الاداره

وين الأدب ؟

/

آخر نقطه ما أتكلم عن ضروفي الخاصه ومشاكلي .. حتى المواضيع الماديه ما أدخل فيها

___

ناطرتكم تقولولي شنو تعلمتوا من الدوام ..

أنا مدرسه

*تعلمت ان اللي تناجرني وتناشبني محتره ومنقهره لآني احسن منها

وااايد صادفت ناس من هالنوع حتى كنت ازعل وآخذ على خاطري واستغرب
انا حدي هاديه ومااحب ااذي احد ولما اسولف مع المشرفه عرفت انها مادحتني جدامهم
ولا يايبه سيرة بالطيب عند الناظره وانها راضيه عني

*تعلمت مااجامل على حساب راحتي ومصلحتي
قبل اذا وحده تبي مني شي وعندي شغل او تعبانه اهد شغلي واساعدهم من كل قلبي
واجاملهم علشان اكسبهم واتعاون معاهم واهما يصيرون الزينين وانا اتاخر بشغلي وياريت يبين بعينهم
واذا انا ابي شي محد يعبرني

* اذا الابلات قاموا يحشون مااعلق ولا اقول رايي ولا اشاركهم

*الابلات زميلات عمل وبـــــــــــس الزميله عمرها ماكانت صديقه ولا راح تكون
لانهم مصلحجيات كل وحده تبي مصلحتها اهم شي مصلحتها حتى لو على حساب غيره
وعمر الصديقات مايكون بينهم مصالح ا

*تعلمت شلون أوقف الوحده عند حدها اذا حاولت تستغلني علبونه ابله يديده

وااايد ابلات لما يشوفون ابله يديده وعلى نيانتها وطيبه يستغلونها
ويخلونها تساعدهم في شغلهم وياخذون وسايلها وشغلها بارده مبرده

* تعلمت اللي تقدرني وتسأل عني أسأل عنها واقدرها واللي ما تقدريني مااقدرهاا ولااعطيها اي اهتمام ولا اهميه
قبل كنت اسأل واقدر كل من هب ودب وياريت يبين بعينهم الحين بس اللي يستاهلونى اقدرهم

*تعلمت مااسكت عن حقي والكلمة اللي تستحي منها بدها
قبل كنت استحي واقول فشله الحين لا والله مااخاف اروح واتكلم واناقش

*تعلمت الصبر وطولت البال

تصدقين قبل ماكنت صبوره كل شي ابيه مالي شغل لازم يصير يعني يصير
وبسرعه انفعل ومااتحمل

*تعلمت ان مشرفتي اهيا مرجعي الاساسي لاي استفسار
اذا عندي اي سؤال او استفسار مااسأل الا مشرفتي او الادارة واذا مالقيت احد من هالااثنين
اسأل ابله خبره وكبيره وتخاف ربها ومحل ثقه لان في ابلات حسبي الله عليهم يعلمون غلط
وتتنيحس وماتعلمج فشحقا انزل نفسي واسئلهم

انا توني يديده توني متعينه وتعينت بمدرسه وخالتي وكيله فمن خبرتها قالتلي اذا الشغل مو شغلج وطلبوه منج لا تعطينهم ويه ولا تسوينه
وقولي بصريح العباره هذا مو شغلي

طبقت هالشي كنت اقول مو فاضيه لي ما الوكيله قالتلي عااادي خلييه عندج لي ماتفظين يوم يومين على راحتج " يعني بتطلع عيارتي "

عاد بالاخير قتلها مو شغلي شغل السكرتاريه

وتنرفزت مني ودخلتني على الناظره وقتلها اييبلج كتاب رسمي شنو وضيفتي لاني انافني حاسوب

ووقفت عند حدها وماقامت تعرضلي الوكيله

فاللي يتعدى على حقوقج وقفيه عند حده من اوووووووووووووووووووول يوم

لانه الحريم ماينعطون ويه وخاصه نوعيت الوكيله اللي بمدرستنا لا مهتمه بدوام ولا حظور ولا بطيخ

يعطيج الفففففففف عافيه حبيبتي
نصاايحكم من ذهب
وانا معاكم وقت الشغل شغل
ومالج شغل بأحد

تعلمت ان اللي يشتغل ويكرف حقه ضايع

يعطيكم العافيه خواتي

و عساكم عالقوه

كلامج صح

متابعتكم

موضوعج حلو

يطيج العافيه

راح اتابعكم

ليما اشتغل اشاركم

ان شالله

انا اول ماداومت كأني من كوكب ثاني ماحب الضحك العالي والمصخره والطنازه على خلق الله كل من قال هذي مغروره وشايفه نفسها بس مع الايام اعرفو ان هذا ادب واحشمو نفسهم وقامو يعاملوني بالمثل

تعلمت بعد مااتكلم عن خصوصياتي نهائيا واتمنى من كل موظفه لا تجييب طاري مشاكلها جدام الموظفين لان بيجي يوم بيعايرونها بمشاكلها

تعلمت احقر اي وحده تقعد تقط نغزات وبالعكس امشي بثقه واضحك واهم شي خل اتكون ثقه الموظفه بنفسها قويه

مشكورين حبيباتي على النصايح الحلوه,,,,ومنكم نستفيد

تعلمت اني كثر ما اعطي راح القى الي عطيته

اذا مو بنفس السنه القاه بالسنه الي وراها واذا مو وراها القاهاه بعدين

وغير هذا كله القاه عند الله وببيتي وعيالي

يعطيج العافيه على الموضوع الهادف

اذكر اول ما اشتغلت ماكنت اجتماعية! بس عقبها بفترة صرت احسن شوي!
قمت اسولف مع الموظفين والموظفات واعرف اخذ واعطي معاهم
تعلمت ما احكم على انسان الا عقب ما اعرفه عدل! قصدي ما اعتمد على كلام الناس شنو بيقولون عنه ! انا اللي احكم عليه من اخلاقه وتصرفاته !
قبل ماكنت اتنرفز بسرعة بس عقب ما اشتغلت وواجهتني مشاكل وضغوطات العمل صرت اتنرفز بسرعة
ما اتكلم عن احد يعني ابتعد عن القيل والقال
ما اسكت عن حقي

وين موظفة حبوبه

خليــــــــــــــــــــــــــج مستمعه

يعني لاتتكلمين الا اذا طلب منج الكلام

ومو اي كلام المفيد وبس وخلي لج خطوط حمرا بالحجي مو اي شي تتكلمين عنه

أول أيامي كنت حبوبة مع الكل ووثقت ببعض البنات لكن بعدين عرفت كل وحده على حقيقتها و انصدمت فيهم بس بعدين اعرفوني على حقيقتي
وما قمت أثق بأي أحد بسهولة و اسلوبي تغير و الله وكيلكم لحد الحين قاعدة أشوف عندي بالاوي بالبنات اللي تحش بفلانة و علانه و بعضهم شايفين نفسهم على غيرهم و غير اللطنازه
بس الحين كله بروحي و ماهمني الا شغلي و بس
عندي مثل كل ما داومت احطه قدام عيني < من حجالك حجا فيك > و هاذه اللي قاعد يصير
ما قول مافي أحد زين بس الشر قام يعم وايد