استفسار خريجة كلية الدراسات التكنولوجية ضروري

السلام عليكم …
حبيت استفسر عن حالتي و الرجاء مساعدتي

انا من ام كويتية واب غير كويتي ولدي معاملة كويتية لكن منتهية لان بلغت سن الرشد وفي انتظار الجنسية قوولي امين
تخرجت من كلية الدراسات التكنولوجية 2024 بتقدير امتياز تخصص معدات طبية , صراحة عيزت و انا اقدم اوراقي في الشركات الكل ما يبي بنات ما ادري وين اروح المهم الحين اخر امل قدمت في وزارة الصحة بس مو لوعو جبدي لا طلعو روحي من شهر 6 و انا فراره في الوزارة لا كل هذا بواسطة مو جذي بس الحين كتاب توظيفي عند الوكيل صارله تقريبا شهر لا راضي يوقعه و لا راضي يرفضه ما ادري شنو فلمه ؟
منو منكم عنده فكرة اذا احد مثل حالتي قدم من قبل و اشتغل في وزارة الصحة ؟ وشنو اسوي عشان تمشي اوراقي ؟ اللي عنده فكرة عن موضوع المعاش والدرجة لا تخلوني بلغوني ……….
دمتم سالمين

والله ما عندي اي فكره بس الله يوفقج
ما حبيت ادخل واطلع بس جذي

يااارب تنحل هالمشكله

حبيبتي شوفي يا قلبي عموما بعض المرات التوضيف يطول انا ويا بنات تخصصي اللي نقبلنا بالتربيه
وكيل الوزاره خذاله شهر وجم يوم من وقعه مادري ليش يمكن كان يدور قلم ماعنده

فتقريبا من طلع اسمي بالجريده اول 7 وماتوضفت الا اول 9 شهرين بالبيت الله وكيلج
هذا وانا ابوي كويتي وامي كويتيه

فحبيبتي نطري وكلتاخيره فيها خيره
وربي اللي يوفقج ويسرلج دربج يااااااااااااااااااارب

السلام عليكم ……….كل المشاهدات و ما في ردود محد عنده فكرة عن الموضوع ؟((

تسلمون حبايبي مجروحة و لولو ….
مجروحة الظاهر صج يدور قلم ههههههههههههههههههههههه