|
|
بنات سمعت من رفيجتي
ان العمر له دور في قبول الوظايف
يعني
اذا كان العمر من 30 سنة وما فوق ديوان الخدمة يتجاهل الطلب …………….
صح كلامها واللا غلطانه
بصراحة صكت فيني الدنيا
تقول
هم بس جذيه ياخذون الطلب بس محد توظف عن طريق الديوان وهو فوق الثلاثين
انا 31
بس من كلامها كبرت 20 سنة
شرايكم
اصلا الاولوية حق الاكبر بالسن والمتزوجين
لاتحاتين قدمي وان شاء الله لا صار لج نصيب بوظيفه راح تاخذينها
وتأكدي ان هالكلام غلط ماله شغل اذا كنتي 30 او فوق
انا معاي حريم اكبر منج توهم متوظفين وماطولوا لانهم كبار بسرعه طلع ترشيحهم
وبالتوفيق يارب
بنت العديلية
لوووووووووووووول الصورة اللي تحت اسمج تحفه ههههههه كرهت اليهال ويييييع
وزوجي عمره 38 كان عنده شركه والله ماوفقه وقدم على الديوان وخلال شهرين نزل اسمه حتى كان اول اسم بالجريده مت من الضحك
وبعدين حتى اذا الديوان رفضت روحي للقطاع الخاص
وشوفي شنو الله كاتب .. انتي حاولي وتوكلي على الله
حبيبتى جذب سالفة اكبر من 30 ماتوظف لاتصدقينهم قدمى طلبج وخلى الواسطه تتدخل وراح تشتغلين فى غمضت عين
|
المشاركة الأصلية كتبت بواسطة Mis$ LeO
 اذا شهادتج جامعيه وفوق اكيد راح يقبلونج بس اذا ثانويه واقل تكون الفرصه ضعيفه الا اذا عندج واسطه
وبعدين حتى اذا الديوان رفضت روحي للقطاع الخاص وشوفي شنو الله كاتب .. انتي حاولي وتوكلي على الله |
حبيبتي من قالج هالكلام!!!!
بالعكس اللي شهاداتهم اقل هم اللي ينقبلون بسرعه لان في وظايف وايد محتاجتهم
وتبين تتأكدين سألي الديوان
انا عمري 28 قدمت شهر 2 وطلع اسمي شهر 5 وانا بس ثنوي شهادتي
بالعكس ياخذون الشهادات الاقل اكثر من الجامعيين لان الجامعي مايحطونه بأي مكان
يعني مايحطونه سكرتير ولا منفذ معامله ولا شي جذي
|
المشاركة الأصلية كتبت بواسطة ^^rose^^
حبيبتي من قالج هالكلام!!!!
بالعكس اللي شهاداتهم اقل هم اللي ينقبلون بسرعه لان في وظايف وايد محتاجتهم وتبين تتأكدين سألي الديوان انا عمري 28 قدمت شهر 2 وطلع اسمي شهر 5 وانا بس ثنوي شهادتي |
انا قلت جذي من واقع تجربه لان شغلي لنا تعامل مع التوظيف وسوالف التوظيف
وفي عندنا بنات معاهم دورات خاصه دبلومات للحين ما توظفوا وعندنا بنات شهادتهم متوسطه عندهم دورات للحين ما توظفوا … انتي حظج حلو وتوظفتي
انا مو بس قصدي الثانوي حتى المتوسط والابتدائي