توني متخرجه من الثانويه ومحتاجه نصيحتكم

حبيبتي نصيحة سمعي كلام امج ودرسي دورات خاصة سنتين تتخرجين على الدرجة الخامسة ومعاشج زين
حتى لو بالانجليزي ميخالف تتعلمين محد طلع من بطن امه فاهم
هني عندج خواتج بالمنتدى يساعدونج اي شي يستصعب عليج سألي عنه بقسم الطالبات واكيد ان شاء الله بتلقين من يساعدج ويفهمج
والكمبيوتر تخصص حلو وكل مكان ياخذونج

الخوف حاله طبيعية بس لاتخلين هالخوف يردج عن دراستج
الا الدراسة تمسكي فيها بايدج وضروسج شوفي اللي ماعندهم شهادات ماكلينها
واللي عندهم شهادات تعبوا بالموت يالله حصلوا وظيفه
لازم تدرسين شهادتج تنفعج
وصدقيني احسن تخصص الكمبيوتر لان ماكو مكان مايبونه ولا اشتغلتي ان شاء الله واستلمتي المعاش بتنسين التعب كله
وكلها جم سنه وتييج الدرجات ومعاشج يزيد ان شاء الله

وبالتوفيق حبيبتي

مشكووووره يااا عمري على النصيحه الحلوووه

اسعدني مرورج يا قلبي

حبيبتي دخلي دورات خاصه احسن سهله كلش مادة الانجليزي سهله

اتصالات وملاحه اخوي فيها كله انجليزي يقول ورياضيات

انا عن نفسي بدخل دورات خاصه مع انه نسبتي 64,2

انا احترت

خالتي كانت تدرس دورات خاصه تخصصها صيانة كمبيوتر تقول صعب

قالتلي باتصالات وملاحه ودورات خاصه لازم تدرسين يعني نفس الشي وانا صج توهقت

تاجر الزين حبيبتي

شنو تخصص اخوج ؟؟

اختي نصيحتي لج دخلي دورات خاصه

اسهل والانجليزي حده سهل وتخصصات حلوهوتوظفين بعد ماتخرجين عقبها بشهر

وبعدين اتصالات والملاحه شهادتها دبلوم والدورات الخاصه شهادتها دبلوم

يعني بالعربي :

درستي اتصالات وملاحه وبكل صعوبتها راح تتوظفين على الدرجه الخامسه وشهادتج دبلوم

او

درستي دورات خاصه بكل سهولتها راح تتوظفين على الدرجه الخامسه وشهادتج دبلوم

وبالاخير الهدف من هالوظايف المعاش

يعني المعاش واحد وبالضبط نفسه

ومن المنطق تختارين الاسهل

والله يوفقج

اذا بتدشين دورات خاصه اختاري تخصص قــوي ومطلوب .. مثل : محاسبة .

رفيجتي دورات خاصه وتخصصها محاسبه اتقول صج صعب بس ماشيين فيها عاادي ..

ولا تفكرين بالدراسه صعب او سهل لان بكل تخصص يبيلها دراسه ومجابل ..!!

اهم شي التخصص يكون مطلوب ومعاش قوي ..

.
.

انا ادرس بالاتصالات وملاحه بس كله انجليزي واذا انتي مو شاطره بالانجليزي دشي دوراات خاصه
والحلو بالدورات انه فيها وااايد تخصصات واسهل من الاتصالات

بس ترى الاتصالات وملاحه مو صعب

اختي الغاليه جيكره مزيونه

قبل لا تسوون أي شي شووووفي نتي شنو تحبين شنو ميوولج .. شوفي شي ما تملين منه

مو تدورين شنو السهل !!!
انتي بعد ما تخلصين من الدراسه راح تتوظفين مو معقوله من بعد سنتين ثلاث بتملين ؟
عشان جذي شوفي شنو تحبين ان كان اتصالات او دورات او سكرتاريه
مو مهم اذا تعرفين انجليزي ولا ما تعرفين
اغلبنا ما نعرف … بس مع الوقت نتعلم نراجع ندور نترجم … مع الوقت نتعود وتتحسن لغتنا

الله يوفقج حبيبتي

حبوبة اول شي الف الف مبرووووك التخرج ….

أما بالنسبة للراسة انا شخصيا انصحج بمعهد الاتصالات والملاحة . اول شي دراستهم صج بالانجليزي بس حدها سهلة

واول كورس يكون تمهيدي ومن خلال هالكورس اذا يبتي معدل امتياز او جيدجدا تقدرين تتخصصين كمبيوتر او صيانة كمبيوتر

ولاتحاتين من ناهية اللجنة التدريسيو وااايد زينين من خلال الدرجات والمعاملة . وفي بعضهم حتى بالغياب يطوفون لج

والله يوفقج حبيبتي

تسلموووون حبيباتي على مروركم العسل

والله يبارك فيج حليمة حبيبتي

وانا الصراحه احب دراسة صيانة كمبيوتر

والحين مادري وين اسجل

مبروووك حبيبتي على التخرج
انا انصحج بمعهد الاتصالات والملاحه .. و اذا بتدرسين صياانه كمبيوتر راح تتخرجين على 5 و3 علاوات ..
والانقليزي مو صعب .. لان اكثر البناات ماايعرفوون انقليزي عدل .. والاساتذه يرااعون هل شي ويسااعدوون
وموفقه ياااااارب

والله ما عندي فكره عنهم بس انصحج تدورين التخصص المطلوب و القوي لأن صح راح تحصلين تخصصات سهله بس بتتعبين على ما تحصلين وظيفة و المعاش ما تدرين شلون

انصحج بتخصص طلوب و خلي السهل و الصعب اهم شي الشهادة و الاماكن هذي دراستهم حتى لو انجليزي بس اكيد سهله

نصيحتي لج دشي دورات خاصه لان عندهم تخصصات حلوه وبالعربي تاخذين اشياء بسيطه بالعربي

مثل دورة تخصص سكرتاريه

ومنفذ معاملات

وتخصص خدمة اجتماعيه اغلبيته بالعربي