|
|
السلام عليكم ورحمة الله وبركاته
حبيت اسئل عن الكلية الأستراليه وابي احد يفيدني بليزز
كنت بسئل اذا في مجال يقبلون معدلي عندهم"..وجم رسوم دراسه عندهم؟كم تبلغ؟
معدلي 1.83 سو ابي بعض معلومات الي تعرف تساعدني ولكم جزيل الشكر
الرسوم اتوقع 1600 بالكورس يعني السنه 3000
وجنه يقبلون الثنويه العامة 60% والمقررات نقطتين
بس انتي روحي سأليهم لان معدلج قريب على النقطتين
وشغله ثانية تقدرين تسوينها
في معهد يعطي دورات دبلوم بالرايه بالفندق نفسه الطابق الثالث
هو وايد زين ومعروف وله افرع بكل العالم
اذا خذيتي دبلومهم اللي ب 9 شهور تقدرين تقدمين على جامعه خاصة ويعادلون لج مواد الدورة جنج دارسة اول سنه
روحي المعهد وسأليهم عدل وشوفي شنو الجامعات بالكويت اللي تعادل دورتهم
اي وبعد دورة نيو هورايزن الدبلوم الادارة انا ماخذتها الحين هم 9 شهور
تقول المس اللي تدرسنا ان في طالب اخذها وعادلها بكلية يديدة فاتحة بالكويت اسمها الجامعه الامريكية بلندن اذا ماني غلطانة
تقول مكانهم بالسالمية والولد عادلوله المواد وراح سنه ثانية دايركت والدراسة بالانتساب
بس ماعرف مكانهم بالضبط ولا رقمهم سألي عنها وشوفي وترى تنقبل شهادتها بالتعليم العالي هي قالتلنا هالشي
وادعيلي اتوظف ان شاء الله
الكلية الاسترالية عندهم دفع على دفعات بس مو مبلغ ثابت
لا جنه اول شي 350 وبعد شهرين 600 وبعد جم شهر الباقي شي جذي
ومادري اذا عندهم كلاسات العصر للموظفين انا مرة سألت قالوا لازم يصير في عدد معين عشان نفتح لهم الكلاسات
وتدرين دوام البنوك متأخر متى يمدينا نداوم عندهم!
يارب يقرون تغيير موعد الدوامات ويصير من 9 لي 5 عشان نقدر ندرس
وابي رقم نيوهرايزن بعد
وانشالله يقبلونج وتتوظفين
رقم المعهد اللي بالراية مو عندي والله
انا قالي عنه اللي معاي يوم الخميس الساعه 7 وهم يسكرون 7 ولا كنت بمرهم
فقلت الاحد اروح ان شاء الله
اما نيو هورايزن هذا رقمهم
2240190
ومشكورة ياقلبي على الدعوة الحلوة