أبي أسأل عن معاشي عند وزارة المالية

ممكن إذا أحد منكم يعرف رقم المالية
أو بالأحرى أبي رقم على طول أدق عليه يرد علي ويناقشني بتفاصيل راتبي لأن راتبي كل شهر غير وغير عن شهادة الراتب وزميلتي متوظفة بعدي ونفس مسماي راتبها أعلى من راتبي فلووويه الموضوع كله
وقاعده أدق على 2486000 مجمع الوزارات محد يرد
وقاعده أدق على رقم الماليه 2486774 محد يرد
لاعت جبدي
وساعدوني

ما له علاقة بالمالية لازم تروحين قسم العلاوات في وزارتج وتطلعين شهادة راتب بعديت تراجعين قسم الحسابات اذا فيه اي اختلاف

أمي كل تقول : ربع تعاونو ما ذلو

انا محاسبية بوزارة المالية انتي ليش تتصلين احسن انج تراجعين وهذا اول شيئ بعدين ان كنتي باجازة فالمعاش نقص 10 دنانير الشهر اللي طاف بسبب التأمينات زادو الخصم للتأمينات .
المعاش يخصم لعدة اسبا بيمكن : كتني بانتداب عند جهة فيخصمون منج البدلات بس بعدين – يمكن خصم لتكرار الغياب – يمكن صديقتج معطينها درجة وهي خاشة عنج فيصير المعاش غير

المهم

اذا انتي ما تداومين او مستحية تحاجين احد فراسليني على الخاص وحطي رقم تلفونج اكلمج او بياناتج اذا حابة اسأل لج
احنا كلنا بنات : منتدى كويتيات : ولازم نتساعد

حبيتي دقي على البداله 2480000 وسألي عن قسم الشئون الاداريه لوزارة الماليه ..

ودخلي على السايت : www.mof.gov.kw
وروحي حق الهواتف في الهيكل التنظيمي وراح تشوفبن الاقسام كلها وارقام المختصين .

حبيبتي دقي على 2481705 او 2481775 او اخر شي 6 ان شاء اللة يفيدونج