تقييم الكفاءة الجديد من ديوان الخدمة المدنية!!

مادري شقول صراحة صعقت ببنود التقييم اليديد!! اذا صارتلي فرصة اوريكم اياه حق اللي ما شافوه

مسوين تقييم دقيق وحالته حاله قبل لا يعدلون القوانين الخاصه بمجريات العمل .. وللاسف الديوان مو قاعد يستحدث قوانين تحل سلبيات القوانين الاقدم..

واللي لاحظته بالتقييم حاطين المظهر العام!! بالذمه شلون يقيم الشخص بهالناحيه ؟ السفور بتحط على ام عبايه والدينين بيحطون على السفور واللي يزعجه لون لبس معين بقيم ضده وهكذا!! مادري ليش حاطين مجال للتقييم على اساس نسبي!! المفروض التقييم يكون على اساس ملموس بحيث يكون ظلم الموظف شي صعب بدال لا معطين الخيط والمخيط بايد المسؤول

يعني يفترض قبل هالخطوه يكون في تنظيم دقيق للشغل باصدار قرارات حول التكاليف بالاسبوع تكون بعدد معين والدورات بالسنه بعدد معين وسرعة الانجاز تقاس بوقت محدد وان الاوامر تكون خطية وغير شفهيه مهما كانت بسيطة وتوفير متطلبات الموظف بصوره كامله وضمان صحة اجواء العمل والزام المسؤولين بالرد على الكتب بفترة معينه وحل المشاكل الادارية بسرعه بدال لا تنزرع بالديوان وحق الموظف يضيع وغيره من امور تفصلية مهمه قبل التقييم.. وان يكون في تقييم للمسؤول من قبل موظفينه مثل ما كنا نسوي بالدكاتره ايام الجامعه! معتبرين المسؤول معصوم عن الخطا ومفروض على الموظف الانصياع التام له مهما كان على خطا يعني فاتحين المجال للتسلط على الآخر!

المفروض نطلع بمظاهرة (من طقة نبيها خمس) ضد قوانين العمل لان هالشي جدا مهم وينعكس اداء الموظف على ديرتنا ككل.. والا اشرايكم خواتي ؟

والله للحين ماشفت التقييم اليديد

بس اعتقد بند السلوك العام تكفي لانها تشمل كل شي

خير أن شاءالله تقييم المظهر العام!!!!!!!!

عيل آنا آخذ صفر لاني سواده ما أبين الحمدلله

ana asht`3l bdewan el khedmaa!!!
m7d sem3 3nna wala shfna!!
akhaf esha3at!

والله عاد هذا اللي ناقص !
اخاف باجر يصير الحجاب قضية !! بعد !!
ياربي لك الحمد ديرتنا من سئ لأسوأ !!
عش رجب ترا العجب!

سوبر ماركت – سبائك
حياكم الله خواتي

ٍٍٍٍSuwi لا شنو اشاعات اختي انا وين والاشاعات وين!! الظاهر انتو اخر من يعلم لول! .. واذا مو مصدقه جيكي قرارتكم رقم 36 لسنة 2024

الواصلية لا اختي فهمتي غلط لول انا قاعده اقول ان تقييم المظهر بيكون نسبي وبناءا على نظرة المسؤول وهالشي سلبي بالتقييم

خواتي ما اعرف شلون انزل الفايل اهني القرار كاهو عندي حاولو ترجعون له بالديوان زز بس ضروري تعرفونهم لان في مسؤلين فيهم نحاسه وما يقولولكم عنه علشان بالاخير تنصدمون بتقييمكم

حبيت اقولكم ان صار اكو جيد جدا بالاضافة لضعيف وجيد وامتياز

عموما اكتب لكم البند الخاص بالمظهر وكيفية تقييمه

1) المظهر العام ومدى الالتزام بالسلوك الوظيفي الحسن:
(3-4) غير ملتزم دائما
(5-6) ملتزم الى حد ما
(7-8) ملتزم بدرجة معقولة
(9-10) ملتزم بدرجة عالية

اما باجي البنود بحطلكم اياهم بدون الخيارات واذا تبون خيار لبند محدد قولولي

بنود تقييم الموظفين اللي بدون وظائف اشرافية:
– مدى الالتزام بالدوام الرسمي
– حجم ودقة العمل (انجاز العمل)
– تحمل المسئولية والقدرة على التصرف والعمل بادنى حد من الاشراف
– العمل تحت الضغوط والظروف الاستثنائية
– الالتزام بالتعليمات الادارية والانظمة
– التعامل مع المراجعين
– الحرص على الممتلكات العامة
– الالتزام بشروط الأمن والسلامة
– تقديم اقتراحات ودراسات لتطوير العمل
– مدى التعامل مع الزملاء وأعضاء فرق العمل
– مدى فاعلية الاتصال الشفوي التحريري
– التعامل مع الرؤساء
– العمل على نقل الخبرات للآخرين
– المظهر العام ومدى الالتزام بالسلوك الوظيفي الحسن
– مدى تقبل النقد والاقتراحات
– الطموح والعمل على تنمية الذات
– القدرات اللغوية الخاصة واستخدام الكمبيوتر (حسب حاجة الظيفة)

اما اللي وظائفهم اشرافية فيكون التقييم:
– القدرة على قيادة المرؤوسين
– تقسيم وتوزيع العمل
– تطوير وتدريب المرؤوسين
– الدقة في تقييم كفاءة المرؤوسين