|
|
السلام عليكم
شلونكم بنات شخباركم
انا بنتي السنة الياية بأذن اللة بدش اولى ابتدائي ومحتارة وين اوديها
بصراحة انا ابي مدرسة ثنائية لغة ومثل ما انتم عارفين التسجيل راح يبتدي فيي اغلب المدارس الخاصة من شهر فبراير
خذيت جولة عالمدارس باختار شي يناسبها
خل اقولكم عن جولتي
رحت مدرسة اجيال اللي بالرقعي بحكم انها اقرب شي لبيتي قالولي اولي روضة سعرها 1600 دينااااااار وهذا السعر حق السنة هذي السنة الياية راح يرتفع السعر بصراحة حسيت ان السعر مبالغ فية على قولة ريلي عاد شبيطلعون عبقرينو
ومريت مدرسة المعالي بالرميثيةر قلت بدخل اشوف المدرسة خلوني اشوف بس الساحة بصراحة انصدمت طلعت المدرسة مشتركة والبنات يلعبون مع الصبيان كرة قدم لاويسابقونهم ويطقونهم بعد بصراحة انا بنتي تعلم الانوثة مو جذية وكأني لمحت ريال واقف شكلة مدرس
جان تقولي الموظفة اهي مدرسة مختلطة لحد 3 ابتدائي والسنة هذي يمكن ما يخلونها مختلطة بس هم ساحتهم وحدة فصرفت نصر
روض الصالحين دقيت عليهم ابي العنوان قالولي احنا مكتفين
بطلبتنا
الرؤيةاخوي بناتة فيها ومستواهم عادي حتى لما طلعهم وداهم حكومة وحدة طلعت الرابعة والثانية الثالثة
المدارس الانجليزية كلش ما مريت صوبها لاني افكر ادخلها خاص بس ابتدائي ابي مدرسة تاسسها زين وارتاح امي تقولي دخليها حكومة وانا محتارة
اشرايكم اش تنصحوني فية ووين بدخلون عيالكم
ومشكورة حبيبتي shestyle
أسعارهم سارت بالهبل
اذا دخلتي البنوتة من الروضه مستواها وايد زين
يعني بالروضه تقرا و تكتب و تتكلم انجليزي بطلاقة ( بس مو مثل لكنة الانجليز ) و هذا الشي اللي مخلي بعض الناس ما يودون اعيالهم يبون اللكنه بس مو الكلام و يبون اعيالهم مايعرفون عربي للأسف
عربيتهم حلوة و انجليزيتهم حلوة
و سعرهم زين
و اذا خليتيها بالرؤية لي الثانوية يعني لما تتخرج راح تكون حافظه 12 جزء من القرآن
و اكو مدارس على بو ان بيريحون الام . . . يخلون الياهال يسوون شغلهم كله بالمدرسة و الام ماتدري شالسالفه
اللي لاحظته بخواتي انهم متصلين حيييييييييييييييل بابلات اعيالهم و يعرفون كل شي عن دراسة اعيالهم
من الابتدائي يعلمونهم على البروجكت و البرزنتيشنات
بس واجباتهم وايد و هالشي فيه فايده اكيد
و المدرسه مو مختلطه و من صف سادس او سابع لازم البنت تلبس الحجاب على الاقل بالمدرسه
و فيه عندهم اليوم الرياضي و اليوم المادري شنو يعني يونسونهم و يعلمونهم بنفس الوقت يعني هالشي اتوقع بكل المدارس الخاصه موجود بس هم البنات بروح و الصبيان بروح ماكو خلط
و بصراحه اكثر المدارس الخاصة مصخوها ! يعني 2400 و 1500 على ابتدائي ؟؟؟
يعني باقي العيال وين اوديهم ؟
الظاهر ادخل البجر بس و الباقي حكومة 
بالنسبة للرؤية اهي زينة بس موعاجبتني ليش ما ادري
بدور لاحرام عليج لازم تعدلين بين عيالي اما بالنسبة للأسعار ناااااااار بكل المدراس
خل اقولكم ن جولتي اليوم مريت مدرسة القطوف بصراحة حسيتها شديدة حيييييييل ويركزون عن الدين ومو مختلطة كتبهم نفس الحكومة ومبناهم نفس الحكومة اغلب اللي مدرساتهم اللي شفتهم سوريات
يقولون انهم اقوي بالعربي والدين والصف فية 30 طالب ومن جميع الجنسيات
وما ادري انا ما ارتحت لهم لاتقولولي ليش من اللة
بسألكم احد مدخل عياله اهناك؟
و دقيت على القطوف قال لي باجر اخر يوم دوام و يمكن اقول حق زوجي يمر عليهم يشوف الوضع
اي الصف فية30 ويمكن بعد زياااااااااااااااادة لاتنسين عشان سعرها رخيص وتعتبر افصل من الحكومة حصة موسيقى كلش مافي بدالها حصة تجويد ابرك بدال تفاتيفي تاااااااااا اللي ما ستفدنا منها شي