|
خواتي خريجات الأدب الانجليزي بغيت اعرف شنو الوظايف اللي تطلب هالتخصص ؟؟؟؟
انا ادرس ادب انجليزي فحبيت اعرف منكم تخصصي وين مطلوب وبرايكم شنو أنسب وظيفة له ؟؟؟
انا محتارة بصراحة لأن معاي دبلوم سكرتارية طبية وتعييني نازل بالصحة من زمان بس مادوامت
اخواني يقولون لي روحي للتدريس وانا بصراحة محتارة التدريس متعب حيل خصوصا الحين كل يوم لهم قرار جديد وانا عندي اخواني 2 مدرسين وشايفتهم منهد حيلهم منه واحيانا اقول التدريس مناسب للمرة حيل خصوصا وانه مافيه اختلاط
فمادري انتم شرايكم
لاتبخلون علي بالرد
وشكرا
لان بصراحه ادب الانجليزي مهضوم حقه بزود
كلهم قاطينهم الداخليه
انا صارلي سنتين متخرجه وليلحين ماني لاقيه وظيفه
يا الداخليه يا ما تلقين
بصراحة حبطتيني الظاهر مافي فكة من التدريس
عالعموم مشكورة على الرد أختي
وقاعدة أنطر ،،،، اذا تبين تدريس يقبلونج على طول بس غير التدريس اذا ماعندج واسطعة بتقعدين ،، الله يوفقج يارب
مكانهم راقي نفس مبنى الوزير مترجمــات
بس كلهم قدم الحين ما ادري يقبلون او لااا
الله يوفقج اختــي
انا ودي مكان مافيه اختلاط غير التدريس
مادري التدريس كارهته بصراح خصوصا وان كل يوم لهم قوانين جديدة وقرارات مادري من وين يطلعونها والضحي المدرسين الله يعينهم
وصدقيني هالتخصص مرغوب بكل الوزارات
بس راتب المدرس يفرق
صج تعب بس عندج ثلاث شهور وعطل كثيره
مو إحنا 35 يوم
عاد آنا مساعد مهندس
ومفكره اكمل إذا ماقبلوني هندسة
دشيت أدب انجليزي
أحسه بريستيج
وتخصص وايد راقي
بالتوفيق حبوبه
من قال ان عطل المدارس 3 شهور
كلهم شهرين بلمح البصر يمرون
وماتسوى الكرف اللي يكرفه اولاحد طول السنة
الله يعين
انا خريجة انجليزي من الجامعة
و مت بالتدريس كليت هوا محترم فيها و كلة بجي و كلة صياح
وحطي في بالج انج اذا دشيتي التدريس ماكو طلعة لو تموتين
حتى بالواسطة, واذا على المعاش ترا معاشهم مافيه بركة, طاير طاير
لانج انجليزي مو مادة ثانية
نصيحتي نطري وشغلي واسطات
او قدمي على الجامعة شغلهم حلو و مكانهم حلو
او سألي قبل لا تقدمين على الوزارة التربيه اذا تتوظفين باليونيسكو
ترة وظيفتهم وايد حلوة و مكانهم على البحر و راقي.
Good Luck
يعني جنج بالثناوي
و لاتفكرين انة عطلة لانة هذة العطلة راح تعيشينها بالمستشفيات ترقعين بروحج عقب التدريس
و على اخر العمر ماراح تلاقين فيج شي صاحي
والي ينصحونج فيه ماجربوا
والي ايدة بالماى مو مثل الي بيدة بالنار
التدريس يبيلة وحدة تموت عليه و حلم حياتها انها تعيش داخل سور المدرسة
اذا انتي مو جذي
لاتظلمين نفسج ولا تظلمين المساكين الي بدرسينهم
بالتوفيق