|
|
مرحبااااااااااااااااااااااااااااااا
بنات اشرايكم قبلوني في الصحة والداخلية شنو اختر ولا انتظر انا معي دورة سكرتارية سنة كم المعاش ممكن تفدوني الموظفات وشكراااااااااااااااا
بس اتوقع الصحة فيها حريم اكثر وشغلها معروف ..
احنا مسمينها الوزاره الميته لا حوافز لا ترقيات لا مكافئات بس يعطون العسكريين وانتي موتي حره مع ان شغلج اكرف منهم وهم بس سوالف وقرقه والله العظيم حره ..
ولو شنو لازم مسؤلج عسكري حتى لو مو فاهم شي يصير مسؤلج يصير ..
الصحه مادري عنها بس هم ما يمدحونها احسلج رفضي الوزارتين وروحي الماليه كلمن يبيها ولا شوفيلج مكان ثاني التربيه مثلا ولا الشئون ولا التجاره معاشاتهم زينه ..
بالنسبه للمعاش اذا انتي دبلوم سنتين معاشج اول ما تتوظفين 350 مع ال 50 زيادة المعاشات هذي 400
والحين يقولون زادو موظفين الداخليه بس ليلحين ما شفنا شي فما ادري .. اذا انتي طموحه وتبين تترقين وتصعدين فالداخليه مو مكانج ..
تخيلي انا دبلوم تجاري انا ورفيجتي معاي بالقسم وظيفتنا وحده الي هي تسويه انا اسويه وتدرين شنو شهادتها .. هي متوسط ..
يعني دراستي راحت علي انا اسوي شغل حتى الي متوسطه يسوونه روحي شوفي باماكن ثانيه الي دبلوم جنهم جامعيين يحلون ويربطون ويترقون ويصيرون رؤساء اقسام ومدراء ..
انا كلش ما انصح بالداخليه وترى المكان اغلبه بنات لا يقصون عليج يقولوج رياييل وايد بس هم ما انصح فيها انا انطر اخلص دراستي بالجامعه وافرنقع من الداخليه بكبرها ..
هذا رايي فتحتي جروح مسدده الله يهداج :d
وتسلمين
الله يوفقج
ومو عاجبها المكان اللى اهي فيه
بس انشااااء الله يحطونج بمكان أحسن
واستخيري ربج 
والله ييسر امورج ان شاالله
قال طلقها و خذ اختها قال الله يلعن الثنتين الحكومه و خاصه الوزاراه كرف على الفاضي على الاقل روحي قطاع خاص كرف بس في مجال اترقين و تصيرين شي و حتى المعاش يسوى
طبعا صلى استخاره و الخيره فيما اختاره الله