شوفوا شغلي فن الديكوباج ؟ سهل جداً

بوريكم شغلي البسيط في فن الديكوباج , هذي بدايتي مع هذا الفن السهل ,والممتع ما أخذ مني وقت

الأدوات المطلوبة :

1-غراء

2-ورنيش

3- فرشاة

4- شوية ماي لتخفيف الغراء ( كمية قليلة جداً ) عشان ما يتكتل الغراء

[IMG]

5- أي ورقة فيها رسمة عاجبتج , أنا استخدمت ورق هدايا بو 100 فلس

[IMG][/IMG]

6- القلاصات اللي بشتغل عليها

[IMG][/IMG]

الطريقة :

ناخذ ورق الهدايا ونقصص الورق على الأشكال اللي نبيها

[IMG][/IMG]
بعدين بالفرشاة نستخدم الغراء المخفف بالماء نلصق القصاصات على الكأس

[IMG][/IMG]
بعد ما ينشف الغراء ننطر شوي ونحط الغراء المخفف مرة ثانية على القصاصات من بره يعني فوق القصاصات عشان أثبت الصورة عدل

بعدين عقب ما ينشف الغراء من فوق القصاصات أمسح الغراء الزايد على القلاص بفوطة صغيرة وماي

[IMG][/IMG] بعدين بنفس الفرشاة اللي عندي ( عقب ما أغسلها عن الغراء ) استخدم الورنيش وامسح فيه فوق القصاصات اللي لزقت بالقلاص راح يحافظ على شغلي حتى لو غسلت القلاصات بعدين

[IMG][/IMG] وهذا شكلهم بعد الشغل

[IMG][/IMG] شرايكم بشغلي

ترى سهل وممتع وفكرت أسوي أكثر من جذي لأن أدوات الشغل متوفرة عندي
وممكن تستبدلين ورق الهدايا بأي صورة عاجبتج من مجلة أو انتي ساحبتها من الكمبيوتر أو مناديل ملونة أو غيره

وبس