|
|
السلام عليكم
ماشاء الله في فالقسم هني مبدعات في الهدايا والتغليف واشوف عندكم اشياء مب متوفرة عدنا فياريت ادلوني على اماكن تبيع سوالف التغليف وتزيين الككاو لاني اشتغل في هالسوالف وانشاءالله بي الكويت في الصيف( مشتهية برد شوي) فابا اشتريلي شوية اغراض….
ولا تردوني
هذا إلي أعرفه وإن شاء الله البنات ما يقصرون معاج
وحياج الله بالمطعم بس لا تنسين قولي للمسؤول إنج من الويب سايت علشان يسويلج خصم تستاهلين
مثل ما قالت الأخت سرابيل في محل بسرداب عمارة بياع الورد اسمه زهور الشرقية
في منطقة حولي مقابل مستشفى دار الشفاء الجديد كله شغل تزيين كاكاو ز هدايا مواليد و قرقيعان و هدايا ….الخ
وفي بعد محل في بلوكات الصفاة اسمه باريس فاشن هم هذا في سوالف بعد .. و حياج الله اختي في ديرتج الثانية الكويت…
والله يهنيكم بحلاة دبي الصراحة رووووووووعة
فديتج ما تقصرين بس ما قلتيلي وين المطعم
|
المشاركة الأصلية كتبت بواسطة srabeel
 أم الحلوة أي صوب بالبلوكات أنا ترى ما ادل عدل إذا تعرفين ما عليج أمر تدليني عدل وأسعاره إشلون صايره
|
هذا الله يسلمج صوب التراث الهندي تعرفينه؟
قبل لاتدشين المبنى اللي فيه التراث الهندي تشوفين عند البوابه على طول محل يبيع كلف وشباصات وهالسوالف
هذا باريس جاليري وعنده فرع ثاني لما تدشن المبنى اللي فيه التراث الهندي تلقينه وراه صوب محلات الكلف وبوغازي
أسعاره اعلى من السرداب اللي بحولي
تلقين عنده بين فترة وفتره شغلات حلوه بس مو على طول
هذا العنوان :
المنقف
مجمع الساحل التجاري رقم (5)
الدور الاول
مقابل المدرسة الباكستانية
وهذا العنوان بالتفصيل ، شوفي عزيزتي إذا كنتي يايه من الديرة على خط فحيحيل السريع رجعي فوق تحت عند جسر نادي فحيحيل بعدين أول لفة يمين راح يصير على يمينج مطافي المنقف ومحطة تناكر عقبهم مدرسة ياسيين الطبطبائي وعقب المدرسة لفي يمين وكملي سيده راح تشوفين على يسارج مركز سلطان أول لفة فوق تحت لفي فيها وبعدين إخذي أول لفة يمين تمشين شوي على يمينج المدرسة الباكستانية وعلى يسارج مطعم بهارات محل المطعم صاير فوق مطعم دومينوز بيتزا .
توني ياية ارد عليج ولا ماشالله عليها ام بدير دايما سابقتني لا و دلالتها احسن مني
لو انا اللي بوصفلج جان ماوصلتيله مثل ما قالت ام بدير لما تدشين بلوك الصفاة من الباب اللي جدامه البلوكات اللي فيها أمادور و عماد و الجذور راح تلقينه برة يم الباب على ايدج اليمين
و صح مو دايما تحصلين عنده من فترة لفترة ينزل شغلات حلوة
انا كنت ماخذة منه على ولادتي الأولى علب خشب على شكل قلب و غطاهم فضة محفرة والله كانت حلوة و فخمة حطيت داخلها ورد مجفف و كاكاو .