|
|
بنات انا مابي اطول عليكم
انا من يومين رحت شاليه كتغيير جو وياريتني مارحت
المكان راقي وايد والمفروض البشر اللي بالمكان يكونون بنفس رقي المكان على الاقل
موضوعي اني شفت المكان مترووووس قطاوة وايد موشويه
ولفتت انتباهي وحده منهم تتوقعون شنو لقيت بحلجها ؟؟؟؟
ميدار مال السمج اخيه بنات قلبي تقطع على المنظر ياعمري واحطلها الاكل تاكل بيدها واهي متألمة
حاولت امسكها ماقدرت تنحاش قلت بوديها المستشفى يشيلونه حتى لوعمليه بتكفل بكل مصاريفها بس ماقدرت
بنات اوجه ندائي لكل وحده تقدر تسوي شي موبس كلام ابي نتعاون مع بعض لونقدر نشيل كل القطاوة اللي بالمكان نوديهم ملجأ او
نحاول نسوي شي لهم
تخيلو ان صاحب المكان قالي ان جارهم حط شبكة الصيد مالت السمج وحط اكل لهم بالشبكة وسكرها عليهم وقطهم بالبحر
كل هذا عشان كان صايد سمج وكلوه حسبي الله عليه الله ينتقم منه
واهو نفسه اللي حط الميدار بالاكل حق القطاوة ودش بحلج هالمسكينة شهرين واهي تتالم الله يرحم حالها
اختي تقول لو الله ياخذها احسن وارحم
اقولها ليش حرام دام صاحية وتاكل وتلعب وتركض ليش تموت حرام ليش نطلب تموت عشان ترتاح واحنا وايد بيدنت اشياء
نسوبها ابي جم بنت نفسي قول وفعل خلينا نحاول نسوي شي ناخذ اجره من رب العالمين بالاخرة مو الدنيا الفانية
نرحم عشان الله يرحمنا
احنا مسلمين احنا مسلمين بالاسم بس
والله العظيم اوكانت هالقطوة بأمريكا ماكان هذا حالها الحين وكان هالحقير انسجن وخذى جزاءه بس حقها مايضيع ربي فوقه
موضوعي الحين اللي جاده وتقدر تسوي شي تكلمني خاص ونتفق على كل شي
الله يوفقها دنيا واخرة اللي تساعدني ويحقق كل امانيها
ادري طولت عليكم بس من حرة قلبي والقهر اللي فيني طلعت بريح نفسيتي وبرد بيتنا نفسيتي زفت ساعدوني الله بخليكم ويعافيكم
اللي تعرف اي حد يقدر يساعد او اهي تقدر تساعد بهالشي
ومشكورين ♥♥
انا قاياه احنا مسلمين بالاسم محد يقدر يسوي شب
ومشكورين مابي مساعده احد انا راح اسوي كل شي لها
ولا احد يحط رد
لاني ماراح اقدر انطر اكثر يامسلمين
ماقدرت اكمل موضوعج صراحه ماقريت الباجي ..
حسبي الله ونعم الوكيل ..
اعتقد في ملجأ لهم حق وحده اسمها عايشة نسيت اسم عايلتها
بس والله جد على التطور الي احنا في لي الحين في ناس متخله عبالها حيوان يعني عادي مايحس ..
وربي الحيوان احسن من بعض البشر
لا حول ولا قوة الا بالله
انا وايد متضايقه ونفسيتي تعبت من اللي شفته
معقوله جذي في ناس ماترحم
يعني حيوان لاحول ولا قوة يسوون جذي فيه
مايقدر يقول اي ولا يقدر يقول شنو يعوره
فعلا بشر متخلفين وبعيده كل البعد عن التحضر
الواحد ماراح ينقص شي لو حطلهم الاكل الزايد بدل ماينقط بالزبالة
او ابسط شي نحط ماي هذا اللي مايقدر يحط اكل
بس وين الناس اللي تفهم حسافه علينا والله يويلنا من غضب ربنا علينا يوم الحساب
اشلون نبيه برحمنا واحنا مارحمنا اضعف مخلوقاته مارحمنا السائل المحروم
حسبي الله ونعم الوكيل اقولها من كل قلبي على كل انسان يظلم هالحيوانات المسكينة ويعذبها
روح من لحم ودم تحس ولها مشاعر مثلنا بالضبط
يحسون بكل شي حتى الام لمن تولد تحس بمشاعر الامومة وتخاف على اعيالها
اتمنى يوصا صوتي وموضوعي لناس او قروبات من برا الكويت وبااكويت ونحاول نسوي شي لازم نلفى حل
لان الموضوع ماينسكت عليه
لازم يكون في حقوق للحيوتن بالكويت احنا دوله متطورة ومتحضرة شنو فيها امريكا ودول غيرها زود عنا احنا
اتمنى اني ماكنت ثقبلة بردي بس والله من القهر اللي فيني مليت وزهقت صج خلص لى متى يعني الواحد يشوف جذي ويسكت
مشكورين
طيب جان حاولتى باى طريقه تصيدينها وتودينها الطبيب
انا بكل صلاة ادعى ربى يرزقنى واشترى مزرعه واجمع فيها هاللقطاوه اللى بالشارع
والله يعورون القلب
والله حاوات وماقدرت ومابي اعورها كافي اللي فيها
الله يرحم حالهم
قصدج شاليه منتجع ولا خاص؟؟؟؟
ياليت لو تصيدينها القطوه ام ميدار ترا وايد سهل على البيطري انه يعالجها بس تتخدر و يقص الطرف اللي فيه الخطاف و يسحبه بدون الم و انتي واقفه ما راح تاخذ الا كم يوم و تطيب و تعتمد على نفسها
رد علي الريال لسانه ثقيييييل ( سكرآن ) قلت له البابي بكم ؟ قالي المزعجين عيال الكلب حطيتهم في كيس و حذفتهم ف البحيره انا طقتني البوهه @@ , قلت له شنو ؟ قال يوصخون و مزعجين و كله يبون يلعبون وافتكيت منهم
انا على طول صكرت منه دقيت حق مكان نفس حماية الحيوان و قلت لهم اللي صار وعطتهم الرقم , دقوا له وقالهم نفس الكلام , ثاني يوم راحو له يجوفون اذا سكران يجذب ولا لحين عنده , طلع صج قطهم و دفعو غرامه و سجنوه جم شهر وامنعوه يقتني اي حيوان و ياخذ اي حيوان
هاي صار في ( لندن )
ياليت عندنا جذي ف الخليج والله الحيوانات عندنا تخاف حتى تقرب منا ماتلقين جذي برع
معنه صج ما ربيت قطاوه ولا احبهم بس كسرت خاطري وتخيلت منظر عورني قلبي *
بس مو لازم نسكت عن هالشي هذي حيوانات ضعيفه رغم قوتها , الانسان يقدر يتغلب عليهم بسهوله مثل ماصار مع هالقطوه …
تخيولو قبل فتره وانا على الخط السريع شفت قطوه ياقلبي خايفه وقاعده بنص الشارع ومحد من السيارات وقف لها خليت السايق يوقف ورجعت اخذتها ويبتها البيت ووكلتها حرام والله
واليوم لمن رحت بودي ارنبي الطبيب تخيلوا الاستهتار اللي صار بالبشر
واحنا نمشي بالسياره قام واحد من الصبيان توه شاري كتكوت ولا يقطه تحت سيارتنا بيشوف شنو يصير
طبعا طقينا بريك ونزلت تهاوشت مع الصبي وكنت باخذه بس الصبي قام يضحك واخذه بسرعه وراح…
المشكله ابوه كان واقف ويضحك معاه فقلت له بصوت عالي: بدال ماتضحك معاه علمه شنو الصح وشنو الغلط وهذي روح ربك بيحاسبكم عليها باجر اثبت دورك كأب مو بس تضحك ونت ماتقدر على ولدك …..وخليتهم ومشيت
مشكلة الاستهتار صار شي مو طبيعي لازم ان نسوي شي ياجماعه نوعي المجتمع ونذكرهم فيه ان هذي حيوانات بريئة مالها اي ذنب …..