آلـ خ ـبيرآت بالقطط، يـآريت تسآعدوني

تسسلمين يآ قلبي..

لـولـو الصغيرة:
ممكن بآلخآص تقولينلي جم آعمآرهم وتوريني صور وتقولينلي جم سعرهم؟
وفعلآ سوق الحمآم مو ششي..

شلونج اختي شخبااارج ؟؟

بالنسسبه حق القطاوة في وايد اماكن نضيفه مثل موقع المزاد و هني بعاد في بنات يبيعون قطاوة
امن انا قطوتي ليلحينها حامل باول شهر فـ مطوله على الولادة شوي واول ما تولد بنزل صورهم
وابيعهم بعاذ 50 بوم من الولادة اذا الله سهل لانه الكل يبي قطاوة صغيرة ..

اختي القطوة تبـــين اذا نضيف ولالا جيكي عليها قبل لا تشترينها جيكي صوب اذونهااا و بطنها
وصحتها .. والاشياء الازمة اهما شامبو مو شرط للقطط بس انا عن نفسي استعمل نوعين
واحد مخصص للقطط والثاني جونسون مال اليهال حلوة ريحته .. فوطة مخصصه لها ولازم ستشوااار
مهم الاشتشوار لانه عقب سباحه القطوة لاتعرضينها للهوا لانه بتمرض على طول .. و اكلها يكون دراي
فود او يفضل اكل بيت و وخري عنها السمج لا توكلينها الا اذا صارت كبيرة بالشهر مرة عشان يقوي جسمها

جو الكويت خيسه حر سبحيها بالشهر مرة اذا كانت كله بالبيت كافي .. امن اذا تتعرض للشاارع جم مرة سبحيها كل سبوعين واحسن ننضافه افيدلهااا..

الالعاب حطيلها اي شي تلعب فيه سلاسل خيوط او كرة اي شي اهيا تلعب فيه.. بالنسبه حق الليتر بوكس
تقدرين تدربينها عليه واهيا صغيرة اذا كبيرة وماتعرف شوي صعبه ..

مثـــال ..

اذا سوت شي برة اللتر بوكس وانتي بكرامة شيلي وصاختها وحطيها داخل الليتر بوكس وخليها تشمة
وكل ما تسوي برة شيليه وخليها تشمة داخل وبجذي مع الوقت بتعرف ان هالمكان لازم تدش فيه ..

وفي شي مهم مو وايد ناس يأيدونه بس انا شخصيا جربته وسويته ونفع معاي .. (تدريب القطوة )
بشي معين مثلا انا قطوتي كل ما ادش غرفه امي وابوي تدش وراي بسرعه وامي تعصب
وتتنرفز تقول طلعيها طلعيها واذتنــي بهالحركة ومشيت عليها بعقاب .. صرت اطقها على راسهاا
(شوي شوي) مو الطقه القطوة الى تسببلها خلل ولا الطقه الخفيفه الى تنسي بسرعه وماتعور ؟؟

سويتها و مع التكرار صرت ادش لو الباب مفتوح ماتدشه تقعد تنطرني برة و فاد فيها التعليم
عشان جذي اذا بتعلمينها مشيها بالطق الخفيف بس كثرته مو زينه ترا .. و القطــوة يعني
مثل ما تطقين الياهل عشان تعلمينه الغلط هم القطوة جي .. بالنسبه للنثيه لكن الذكور مودري
اذا نفس الطريقة ولا عنيد هههه

واتمنى اني قدرت اوضحلج الاشياء المهمة و ساعدج فيها و اذا تبين اي شي موجودة بالخاص شكرااا
تقبلي مروري