|
|
قـــوة بناات .gif "Eh S(7)")
مشكلتي عويصة جدا والله 
عندي قطوتين ,, وحده عمرها الحين 4 شهور و وحده خذيتها من العضوة عنكوشة قبل شهر تقريبا والحين عمرها اتوقع شهرين ونص و اول ما يبتها على طووول اندمجت مع قطوتنا وصارو كله يلعبوون مع بعض ويحبون بعض
وقبل 3 ايام يتلي هدية .. قطوة شيرازية عمرها 8 شهوور بس اتيننننن حلووووة عاجبتني وايد
بس هالقطوتين الشياطين ما يحبونها وكله خايفين منها وبس تقوم من مكانها ايون لي ينخشون او يدورون اي مكان ينخشون فيه واهيا مسكينة فقيرة ما تسوي شي مؤدبة كله قاعده حتى ما تلعب واهما حييييييييل شياطين ما يقعدون بس كللللللله مخترعين منها صار فيهم قلق و الحين من امس منخشين ما يبون يطلعون !!
سؤالي : شلوووون اعودهم عليها؟ شلون اخليهم يحبوونها لانها حرام اتينن وهاادية حيل بس يمكن اهما ما يحبونها لانها اكبر منهم اب واايد؟ و اهما حيل شياطين واهيا كله قاعده وساكتة ودي اعودها عليهم واخليهم يلعبون مع بعض بس شلووون؟؟!!
بس شوفي انا كانت عندي قطوة شيرازية كبيرة ويبت قطو فرنسي كان وايد صغير
همن جذي كان ينحاش و يخاف حيييل بس شوي شوي تأقلموا مع بعض وقاموا يلعبون .. حبيبتي نطري عليهم اهي مسألة وقت لحد ما يتعودون عليها و يتأقلمون معاها لانج توج يايبتها مستغربين منها انا اقولج شتسوين حطيهم مكان بروحهم ثلاثتهم مع بعض بس شوي شوي مو بسرعة بيتعودون عليها
وانشالله اخرشي راح يتأقلمون كل الي بسالفة ومافيها انهم مستغربين منها بس
تقبلي مروري
صح شوي شوي بعدين يتأقلمون
اهما راح يعودون مع الوقت برحهم عادي انا كان عندي قطوة ويبت قطوة ثانيه بالبدايه كله يتهاوشون ووحده ما تخاوف والثانيه كله خايفه وتنحاش بعد اقل من شهر صارو عادي وكله يلعبون مع بعض ويمكن لان اكبر منها فا عادي فديتتتتتتتتج
الله. يخخليلج قطاوتج وما شاء الله على شطانتهم
حطي لنا صور لهم. حيااتو
مسكيهم ثلاثتهم وحطيهم بغرفه وخليج معاهم
قربيهم من بعض ولعبيهم بخيط كلهم او اي شي المهم يلعبون مع بعض حاولي تقربين الخيوط للكبيره عشان يقربون منها
بيقربون بس خليج يم الكبيره ولاتخلينها اطقهم عشان مايزيد الخوف شفتيها تحركت ثبتيها
ممكن تكون الكبيره معصبه عليهم وطلع منها الصوت مثل صوت الاسد كككك اتخوف
عاد بهالوقت قربيها يمج ومسكي اصغر وحده وحطيها فوقها لووووول
كنت اسوي جذي مع قطوتي الكبيره اسنعها لوول مسكينه
ممكن يصير طق قصي اظافرهم كلهم.
وبعد كل هذا بتلقينهم يلعبون مع بعض ويلاحقون بعض
بعدين حطيلهم صحن واحد وراح يجون ياكلون مع بعض
لكن اهم شي انج تجوعينهم اكثر من 12 ساعه
لان الجوع ينسيهم الهواش وبيفكرون بالاكل بس
وهم مع الايام بيتعودون لكن الاكل اسرع طريقه
والعبي معاهم حطي خيط والعب معاهم وابعدي التوتر عنهم
ممكن فتره تطول وممكن لا فتره ماتتعدى اسبوع وخلاص
وياليت تطمنينا بردج شنو صار بالضبط