إلي يسبون ويلعنون الجلاب . تعالو .

shayo0oma مشكووورة اختي العزيزة ^_^ بس ودي أقولج إن الجلب مو بس هو الوصخ قولي كل الحيوانات الي ما تلاقي لها أتحد يرعاها أكيد بتكون وصخة ومو بس الجلب الي يحتوي على جراثيم ومرض حتى باجي الحيوانات وخصوصا في زمنا هذا الأمراض زادت وكل يوم يطلع لنا مرض يديد اللهم احفظنا أجمعين والجلب يتعود يسويها في مكان معين وكل الحيوانات حتى وأكيد الحيوان الي مو متدرب أكيد بيسويها في كل مكان ووايد تشوفين في القسم بنات يشتكون يقولون قطاوتهم يسوونها على الفراش أو في حضنهم أو أرنب أو طير .. إلخ، وأعلق على نقطة بسيطة وهي أنا ما قلت دخلو الجلاب في بيوتكم بشكل دااااااااااائم ! لا أنا كتبت بحالات معينة، مصلا الجو حار حيل ولقيتي جلب عند الباب يلهث حيل حيل وتعبان أكيد بتعطينه ماي وأكل بس مارح ياكل ويشرب عدل إلا إذا جسمه شوي خففتي عنه الحرارة، هل تخلينه يموت ؟؟ انتي بس تدخلينه البيت علشان شوي يحوشه شوي هوا ويتصحصح وياكل ويشرب ويسير تمام بعدين تطلعينه برا مرة يعني رأفتي في حاله وهو كان لا حولة ولا قوة … وأكيد محد ما يبي الملائكة ما تدخل بيته وأكيد محد يبي يعصي النبي الحبيب عليه الصلاة والسلام بس الي تسوينه هذا من باب الرحمة وتاخذين أجر فيه ومو قصدج تعصين كلام النبي الحبيب أو إنج ما تدخلين الملائكة البيت ^__^ بس هذا كان قصدي في حالات تدخلين الجلب والباجي أكيد لا برا البيت لكن إنج توفرين له كل شي محتاجة، وفي شي ثاني عندج قلبي مفتوح للكل حبوبة …

بنت حلال مشكورة على الرد الطيب اختي، ولي جم تعليق، انتي تقولين منو يحلق الجلب ؟؟ خبرج ما شفتي الي بعض الناس شافوه، ياختي يروحون ويمسكون عصايا وروحو ورا الجلب وما يرجعون إلا وباطين راسه أو يحذفونه بصرخ وشكثر ناس من تشوف جلب خواف علطول رفسة في بطنه …. إلخ، يعني تسير وااااااااااااايد في مجتمعنا والجلب بالعكس ما يخور اللهم الجلب المسعور أكيد بيخوف ههههه ^_^، وصحيح، الجلب حاله حال القطوة، وإذا بتدخلين جلب أكيد بتدخليم قطوة وغير يعني على حسب إذا تبين تدخلينهم انتي ولا لا، لكن انا ما قلت خسري دخلت الملائكة لي البيت علشان جلب، انتي مو قصدج تطردين الملائكة من البيت ولا قصدج تعصين ربج ورسوله، لكن من باب الرحمة وأنا قلت ندخل الجلاب في البيت في حالات مثل ما ذكرت للأخت shayo0oma، والواحد يفكر بالأجر وإنما الأعمال بالنيات، وانتي تقولين إن الله خلقها تدور على ملجأها وأكلها في الفطرة، صحيح، لكن … تكفين أي ملجأ في زمنا ؟؟؟ أي أكل ؟؟ أي شرب ؟؟ حاليا مافي ملجأ عدل للحيوان وخطر عليهم 100% حتى ما يعطونهم لا أكل ولا ماي … إلخ، وفي زمن الرسول لا ننسى إن هناك كان "المحتسب" وهو من بين وظائفه إن يرفق بالحيوانات وما يخلي أحد يحملها فوق طاقتها وبإن يعتنون فيها ويسقونها ويطعمونها واحنا في زمنا هذا قومو فقصو القطاوة أو الجلاب وبطو روسهم مثل السلام عليكم … وأي نقاش سدري مفتوح لج اختي وحياج في أي وقت ومشكوووورة على المشاركة الطيبة ^__^

yassoo مشكوووورة على ردج العسل والي صج صج استمتعت وأنا أقرا وحمدت الله وشكرته إن لي الحين في ناس مثل نوعيتج ^_^ والله العظيم كل كلمة قلتيها جنج أنا على كل صغيرة وكبيرة، واستمتعت بالقصص الي ذكرتيها واااايد واااايد بصراحة حيل حيل تدل على شخصج الطيب وأخلاقج العالية وحنية قلبج ورقته، "ليش مانصير مثل الاجانب والغرب بهالشي ليش بس نقلدهم بالاشياء اللي تفشل وتسود الويه" >>> واااااي قلبي فيه حجي لي الراس ولي تحجينا قالو لنا انتو تقلدون الأجانب الحمدلله والشكر بس وانتي الصاجة منو يقدر ويفهم ؟؟؟ ليش ما نحط قانون إن من يأذي حيوان علطول مخالفة !!! نسو إن الإسلام أكرم الحيوان في كل صغيرة وكبيرة وبالتفصيل وعطاها حقوق !!! لكن .. وين الي يسمع ؟ لا حياة لمن تنادي !!! حدهم يقولون لج هالجملة "أقصاه حيوان ترى" .. خليها على الله احنا نسوي الي علينا بس حبوبة والبجي على الله ^_^

حضرمية اصيلة أجمعين يارب ومشكورة على الرد الطيب ^_^

^جوجو^ وااااااااي فديتج العفو حبوبة وانتي مشكورة على الرد الطيب والصورة الروعة ^_^

عود ومسك مشكووووورة على الرد الطيب حبوبة، وااااي وديري بالج على الجلبة فديتها واعلي عورت قلبي في مسألة الماي، حاولي تحطين لها حوض ماي في الحديقة أو وديها البحر استانسي مع بنتج والله وناسة أو أكو مثل الجاكيت ((في منه سرير)) يبرد على جسم الجلب أو خليها تعضض مكعبات ثلج وبين فترة وثانية رشي عليها ماي أو خليها تنام على السراميك يبرد عليها فديتها مشالله ربي يحفظها لج اللهم آمين ويخلي بنتج لج يارب ويسعدكم ويفرحكم ^_^ ومعاج في كل كلمة قلتيها، وحرااااااااااااااااام شنو هذا حرام قعد يتزواجون حسبي الله عليهم والله حرام الله ما يرضى ! وأنا معاج من أشوف جلب والله قلبي ما يسمح لي أوقف في مكاني لازم أروح وأمس عليه وصح وااااايد على مسألة العيون واااي فديت العيون مادري أحس ياختي عندهم كلاام واااااااااااايد ودهم يقولونه بس ما يعرفون لغتنا فديتهم والله سبحان الله، ومثلج عندي حجي وايد لي تكلمت مارح أصك حلجي لي الاسبوع الياي هههههه

cramela مشكوووورة اختي على الرد الطيب ^_^ وأكيد بعد ما نجيس الجلب أكيد بنغسل 7 مرات ووحدة بالتراب وإذا الحين نقدر نستبدل التراب بأدوات التنظيف الثانية يعني في ناس مرات ما تحصل تراب وأكيد داخل البيت لا إلا في حالات مثل ما ذكرت فوق في ردودي ^_^ ومشكورة حبوبة

honeylust مشكورة حبوبة على الرد، وأنا ما أفتي ترى ولا لي بالفتوى شي بس دامها مو داخل البيت فعادي لإنها برا وبالحديقة مو داخل معاكم ^_^ هو يختلف على حسب الأحاديث لإن في أحاديث مكتوب بالتراب وبعضها مو مكتوب مع تراب فالله أعلم انتي الي عليج غسليها 7 مرات وأنا ما أفتي اختي أقول رايي ^_^

التنينs مشكووووووووووورةمشكوووووور على الرد الطيب وأنا قريت قصة الجلبة مراقش قصة مشوقة صراحة لكن أكيد ما تحصل في ناس وايد يعني في ناس جلابهم وفاءها وصل إلى الموت وهم يدافعون على أصحابهم وفي جلاب لا بس الجلب معروف أكثر شي بوفاءه وأكيد شي طبيعي إذا شاف عدو أكيد بينبح ويعوي وأتقبل وجة النظر وأتمنى تقبل وجهتي كذلك ^_^