الهامستر فااااااار صح ؟

بس انا ما اعرف شي عن الهمستراات

واصلا لا ينتمي لفصيلة الفيران ..

الهامستر يعتبر نوع من السناجب النادره .. او الي كانت معرضه للانقراض لولا المحافظه عليها وتكاثرها

حتى شكله مو شكل الفار .. بس الناس تحكم على الشكل الخارجي بدون علم وبدون خبره في الموضوع .. فلا تاخذين بكلام احد الا الي يعطيج معلومه علميه صحيحه

وانا مو قاعده اتكلم من عندي هالكلام موجود بكل الدراسات العلميه الي سووها على الهامسترات ودوري بقوقل و بأي مكان تبينه والكل بيقولج نفس كلامي ^^

المهم ..

الهامستر ما له ريحه .. بس كل شي تهملينه وتهملين مكانه اكيد بيطلع منه ريحه

في ناس يربونه واتقوليلهم ترا لازم تنظفون القفص بالاسبوع مره .. وما ينظفون

بعدين يتحلطمون يقولون ريحته خايسه واهمه اساسا مو مهتمين فيه وفي نظافته !!!!!!

عموما حبيبتي انا انصحج بتربيتهم وايد بنات مربين هامسترات بالقسم وانا اولهم ههههههههههه

اموت بشي اسمه هامستر ..

وكاني اربيهم وما اشم ريحه ولا شي .. النوع الي اربيه روسي

بس السوري ممكن تطلع منه ريحه لان اساسا لازم السوري تنظفين القفص كل ثلاث ايام مره بالاضافه الى انج لازم تحطين له طاسه فيها رمل داخل القفص علشان الهامستر يتعود يبول فيها تكرمين .. والرمل يتبدل كل يوم ..

اما الروسي لأ ما يحتاج كل هذا مجرد نشارة خشب و بس .. بالاسبوع مره تنظفين القفص وتحطين نشارة يديده وبس
وهاذي الميزه الي تميزه عن باجي الهامسترات ..

بالنسبه للأكل .. ياكل كل شي .. واهم شي تحطينله الاكل الخاص فيه ( حبوب جافه ) لانها مو معرضه للتعفن

والهامستر بطبعه يخزن اكل .. فا اذا حطيتي له اكل فرش راح يخزنه ويتعفن .. وهم لان الحبوب تكفيه وتغطي كل الاقسام الرئيسيه الي يحتاجها الجسم من دهون فيتامينات كربوهيدرات وشنو بعد في شي رابع من هالاقسام نسيته هههههههه

ووووو ما يتسبح الهامستر لان حساس وان حاشه برد بيموت .. فا الافضل انج تحطين له ( حمام رملي ) اهوه مثل ما قتلج فوق .. طاسه فيها رمل واهوه يتقلب فيها .. علشان يقتل الجراثيم او اي شي ..

و شنو بعد :>

احسن نوع بالنسبه لي اهوه الروسي .. بتقولين ليش ..؟ بقولج :
1- حجمه صغير
2- شكله احلى
3- يعيش بمجموعات ( منتي مضطره تفصلين الذكر عن النثيه كل واحد بقفص مثل السوري )
4- متوالد … يعني يتكاثر بسرعه
5- ما يطلع ريحه
6- يتعود عليج بسرعه
7- نشيط .. ويحب يلعب

عكس السوري بالظبط .. كسول ويحب ينام وياكل .. و ريحته زفـــره .. و عكس المزايا الي كتبتها لج فوق ..

بالأخير الاسعار :

عندج السوق ( سوق الحمام ) يبيع الزوج بـ 7 والحــــبه بـ 4

وعندج تربية منازل شوفي دوري بالمواقع و راح تلقين .. خاصه بمزاد وايد بنات يبيعون

السناجب والارانب والقنادس وإلخ كلها قوارض بس مو فيران ..

الفار نجس وياكل الجيثه حيوان مترمم ..

اما القارض نظيف نفس الجربوع ياكل الخضروات والفواكه والحبووب ..

هو نظيف واتوقع هو يسبح نفسه .

هذا الفار شفتي الذيل شطوله

[IMG]https://www.becomingdomestic.co.uk/wp-*******/uploads/2008/05/rat2.jpg[/IMG]

و الهامستر الكيوت جنه كرة صغنونه متفووخ و متبتب و صغنونو و اذنه صغيره و ذيله حيل قصير