|
|
اشلونكم
يعطيكم العافيه
انا بصراحه ودي افاجا بناتي بقطوه ومو عارفه اشلون اختارها
يعني ما اعرف احسن عمر للقطوه ولا اعرف عن الاشياء اللي اسويها بعد ما اشتريها مثل
هل انظفها يعني اسبحها عادي يعني لو يجي الصابون بعينها عندها عادي ولا لا
وعن الاكل هل هي تاكل ثلاث مرات نفسنا وهل هي محتاجه لوجبات معينه بين الاكل !
وبالنسبه بالعيادات اشلون اسوي لها كرت وهل لها مده معينه اوديها للعياده ؟
وهل هي صح اتسبب العقم؟
مو عارفه لاني انا ما اعرف لهم وبناتي لهم سنه يحنون علي يبون قطوه
علمووووووووني
وما قصرتوا
.gif "Eh S(6)")
اولا افضل العمر ثلاث اشهر اتكون القطوة اعتمدت على نفسها وتاكل بروحها ومتعودة بعد اتوصخ الله يعزج بالمكان المحدد لها وبخصوص السبوح الافضل اتسبحينها ابشامبو جونسون للاطفال حتى الدكتور ينصح بجذي ،ما الاكل عادي ثلاث وجبات لانها ابفترة نمو ولاتنسين اتخلين الدراي فود على طول مع الماي ممكن تتسلى فيه وتاكل
وسلامتج
واخذيه تربيت بيوووت
واشتري لهاا رمل تايدي كات والاكل اليومي داري فوود
ومره او مرتين بالاسبووع (فانس فيست) الي هو الاكل المعلب
وتسبحينهااا مره الي مرتين بالشهرررر وسبحيهااا بجونسون للاطفال وحاولي الصابون مايقرب صووب عيونهاا وذوونهااا
بعدهااا نشفيهاااا عدل وشتشووار خفيف ومشطيهااااااااااااا
اماا بالنسبه لتطعيم لازم يكون عمرهااا ثلاث شهوووور تودينهاا للبيطري ويطعمهاااااا
واول ماتشترينهاا افحصيهااا وخليه يقص لج اضااافرهااااااا
وافضل النثيه عن الذكرررررررر
لام الذكر وايد يحن اذا جاء وقت التزاووج
ومبرووووك مقدمااا وان شالله قدرت افيدج ^_^
وانا بعد ابي تكون نثيه مو ذكر
ماحبيت اطلع من الموضوع من غير ما اعلق بس رايي نفس رااي البنات
ما قصروا والله
و طلعيله كرت طبيب ودفتر التطعيم
الدكتور بنفسه يسويلج
انا كل شهر اودي قطاوتي مره اجيك عليهم
امي تقول والله لو عيالج ما اهتميتي فيهم جذي هههههههههههههههههههههههههه
و مبرووك مقدما عالبنوتات
و انا ادور نثية بس ابي نوع همالايا
انا اقول اشتريلهم من شهرين ليما اربع اشهر احلى راح يكونون حلوين وراح تتربا عليكم
ومشكوره
ما قصرتي
وانا الظاهر لو اجيب لي قطوه يمكن انسا عيالي واربيها هههههههههههههه
يعطيج العافيه
ما قصرتي
ويعطيج العافيه
اول شي من ناحية القطو او قطوه انتي واختياارج يعني النثيه هاااديه وتتلزق بالراييل اكثر
اما لذكر نشييط ولعوووب ويلزق فيج اكثر ^_^
ومن ناحية السباحه يفضل كل اسبوع او كل 4 ايام
والعمر يفضل تاخذين من شهرين لين 4 اشهر لانه بهالعمر يكون صغير ولعوووب ويتعود عليكم اسرررع
والاكل في اكل خاااص للكتنز لان لو عطيتيه اكل الادلت راح يصير معاه اسهال واني بكرامه او عسر هضم
الاشياء الي لازم تشترينها قبل لا اخذينه
اهم شي اللتر بوكس +الرمل +الاكل =بسكوت ومعلبااات
ومكان عشان تنام فيه القطوه ومشط خااص لها فوطه وشامبو وبودر ومناديل للاطفال
تأكدي قبل لا تاخذينها ماتكون خاامله وجنها بتموت
فتشي بين شعرها يمكن يكون فيها فطريات او اي شي ثاني
والاهم تاخذينها واهي عاجبتج ^_^
لا تاخذين من اي احد لان كل وحده بتقولج قطوتي وقطوتي اكييد لانها بتبيع بس نصيحه عشان تكون خاليه من الامراض لا تاخذين من اي احد
انا بصراحه انصحج عند ثنتين تاخذين منهم ام رضا او لوجين بصراااحه ماجربت اخذ منهم بس مبين عليهم الاهتمام
ملااااااحظه اغلب الي يبيعون قطاوتهم بعد مايشترونهم بجم اسبوع السبب الرئسي يكون فيها اسهال وانتي بكرامه عشان جذي اقولج لا تاخذين من اي احد ^_^
وشنو بعد
اي الاكل توكلينها 3وجبات باليوم وتعطينها بسكوت بين الوجبات وطبعا الماي ماينشال كلش كلش
وديها البيطري يفحصها ويقرض اضافرها
واي شي ثااااني انا والبنات مانقصر ^_^
واذا محتاجه شيئ احنا بالخدمه حبيبتي
و عـ البركه مقدما
بس عندي سؤال
وانتم بكرامه اشلون اعلمها ع تروح الحمام وتعملها
تكون مدربه وانتي تشترين الصندوق الرمل يكون ملون الغطا علشان تميزه القطوه
واتعرفه بس اول ماتجيبين القطوه خليها دايما تشوفه علشان لو تبي تقضي حاجتها تروح له واتعرف مكانه لانه اول يوم لها
ماتعرف ممكن تسوي على الارض نادرا اذا ماعرفت المكان
لاني توني نازله بيتي
وما قصرتي