|
|
السلام عليكم
بنات معاناتي كبيره 
مع المفترس الي ببيت خالتي
والله من يطلعونه من القفص يتسحب و يمشي جنه حرامي و يعضني
كاسكو رمادي من النوع الي يتكلم ذبحني
بغيت اجهض منه من الخرعه !!
محد كان مصدقني بس بعد مده الكل صدق ان هالخايس ما يحبني و بس يبي يعضني
شسوي وياه مع اني اوكله و العب معاه و اناديه
والله ما عرف بالكـآسكو بس خليه يولي لا تجينه
أتمنى يفيدونج خواتي ..
مو عاجبته لووووووووووووول
لااتخليينهم يطلعوونه وانتي قاعده
لا تطلعونه من القفص
والله السالفه تبجي و تضحك بنفس الوقت بس والله اخاف منه و ما احبه
و كل ما كنت اقول لهم محد يصدق لااااااااااا و ريلي يموت فيه و يحبه و كله يقول لانج ما تحبين الطيور تتبلين على هالكاسكو
بنات والله والله والله يراقبني !!
امبيه ما اتخيل ولا اتوهم بس يلف ويهه و يكسر رقبته معاي اذا رحت يمين يكسر راسه يمين و اذا رحت يسار يكسرها يسار !!
و يخزني من طرف عينه لو معطيني ظهره
واااي يا قلبي
والله انا صاحيه و ماقاعد ابالغ والله
ساعدوني ما احبه و لا يحبني
بس تبين نصحيتي لاتخلينهم يطلعونه على الأقل لين تولدين بالسلامة .. مايسوى عليج اخاف يسوي لج شي وتروحين فيها
وبالمناسبة اخوي شرى لنا واحد من نفس النوع ووايد غالي وكلنا مدلعينه اخر دلع .. وقعد عندنا 6 اشهر وبعدين مات
جان نشتري واحد ثاني بس للأسف هم مات مادري ليش يموتون ؟؟؟؟
الا اقولج Diva وشرايج تقولين لخالتج تبيعه لنا كود نفكج منه …ههههههههههه
تحياتي لج والله سالفتج تونس
لا خلاص خالتي اصدرت هالقرار فديتها
لان مره و احنا ناكل على طاولة الاكل الاخ اللطيف هجم على ريلي فكتيت الكولا على خالتي و ريلي !!!!
اااخ يالفشله و مره خالتي علبالها طحت من الكرسي بغت تغشي من الخوف اسم الله عليها
لووووووووووووول اهم بعد كان عندهم واحد بس صار شايب و مات و الحين عندهم هذا الي ما يتسمى يحبونه واااااااايد
خاصه ريلي اذا مو كل يوم يتحرش فيه مو يوم بالنسبه له !!
بس يبيله احاول علشان افتك منه
طبعه عصبي وحيييييييييل ذكي وإذا حقد على الواحد يااااااا ويله ويلااااااااه
عاد تصدقين نفس سالفتي كان عندنا واحد حاط علي من أعطيه شي يقطه ما ياخذ مني
بس أدبته قللت عنه الأكل إلى يااااااااااع
وبعدين أنا عطيته تأدب قام ياخذ من إيدي حتى 
شوفي حبيبتي الحيوانات كلها تعرف الشخص الخايف منها
الأن سبحان الله إذا خاف الشخص تطلع منه إحساس وريحة الخوف وأكثر واحد يميزها الحيوان
فا يستغل بتخويفه
الحل إستسبعي جدامه وعطيه نظره حاده والله جد راح يخاف
فديت قلبج اول حل منطقي
تدرين يوقف على باب المطبخ ما يخليني اروح
يحرس الباب و يخاف يطلع من المطبخ فيوقف لو ساعات ما يمل بس ما يخليني ادخل
انزين انا ما ضايقته ليش يضايقني ؟
و عمري ما اذيته او تحرشت فيه
اممممممم
باجر افرد صدري جدامه لوووووووول
و اسوي روحي قويه و اشوف شنو يصير
بس استقوى عليه و اهو بالقفص ولا بره ؟
شنو يستغل خوفي منه
وااااااااااي احس اني كرهته اكثر
بس ترى هالكاسكووو يحقد و يكره . و يعرف الناس الي ما يحبوونه
قطيـــعه قولي لهم لا يطلعوونه و اذا طلعووه زنطيـــه وعطيــهم يــاه علشـان ما يطلعوونه .
صج شريرة