|
|
شلونكم خواتي وحبيباتي كويتيات
طبعا اغلبنا تمر علينا مواضيع يسير فيها نقاشات هذي سنيه وهذي شيعيه وهذي بدويه وهذي حضريه
اللي ياب هالطاري لمن كنت اقرا موضوع بالمنتدى وكل ما اسأل احد من جيل قبل يقولون جيلكم هذا يخرع قبل ماكنا تعرف الفرق بين بدوي حضري سني شيعي الشي الوحيد اللي نعرفه انه كويتي وبس وانه اهل ديره وحده يجمعنا الوطن وحب الوطن هو صلة القرابه بينا الحين الواحد شايل بقلبه على الثاني ترى هالحقد كله منو اللي زرعه بينه غير اهل الفتن اللي هدفهم زرع الفتنه وتركها موقده
ترى احنا اهل الكويت قلوبنا على بعض ونحب بعض مافي احد احسن من احد الحضري والبدوي والسني والشيعي = اخوان وعلى قلب واحد لحد يفر راسكم على ديرتكم ومو اي كلام ينكتب بالمنتدى يخلي قلوبنا فيها حقد على بعضنا ترا اللي يكتبون هالمواضيع ماتربطهم صله فينا وناس يبون يفرقونا مرات اقرأ مواضيع عن المظاهرات والاضراب ليش احنا بديره فيها قانون
ودوله ديمقراطيه لها حريه بالراي بس مو لدرجة انا نهدم ديرتنا بايدينا
اسفه عالاطاله بس هدفي من الموضوع ان نبقى على قلب واحد ومانسمع اي احد هدفه التفرقه بينا وان نحافظ على ديرتنا ومانعطي مجال لاهل الحقد والفتن بهدم ديرتنا
ونبي الكويت عاااااامره باهلها الطيبين واللي على قلب واحد
وعماااااااااااااار ياكووووووويت 
وادري الموضوع المشاهدات اكثر من المشاركات بس عادي اهم شي توصلكم الفكره وهذي لكم 
وربي كلامج كله صح
أحيانا ادش الموضوع والقاه نار حاميه من الردود افكر شنو اكتب ياربي مااقدر أجاري هالكلاام اطلع من الموضوع مقهوره على اهل ديرتي
الله يهديهم يارب
اجمعييين ياقلبي وانا ماكتبت هالموضوع الا من غيرتي على ديرتي مابي اصحاب النفوس الدنيئه تلعب بمشاعرنا وتخرب بينا
واسعدني مرورج
الله يعطيج العافيه
وحبيت اصلحها بعد اذنج
[ الفتنة نائمة لعن الله موقظها ]
الفتنة الحالية بسبب خلل في السلطة الحالية كحكومة
ميزان العدل مايل فطبيعي طبيعي يتدخل ابليس و اعوانه ويثيرون الفتنة والمشاكل كل شوي
لكن احنا كشعب كويتي بشكل عام ماعندنا هالخطوط الفاصلة الي نسمع عنها بوسائل الاعلام
احنا نلاحظ الخلل بالبعض ولكن كل انسان وطبيعته وتربيته
وبهالمسألة يتعادل الكل
سواء حضري او بدوي او ايا كان مذهبه او اصله او مسكنه او نوع سيارته هههههههههه الي يركبها
الكل خلينا من الاسم والشكل واللبس وحتى لون البشرة
الانسان من داخله شنو اهو كإنسان يبين عدل شخصيته في تعامله اليومي
و يمكن هالاختلافات تظهر بين ابناء اللقب الواحد او المذهب الواحد او الطبقة الواحدة
انا ممكن اكون سنية بدوية لكن من داخلي انا شنو
وممكن اكون جدا راقية بتعاملي او جدا منحطة
حسب انا شنو تربيت وشنو طبعي
مو على حسب اي شي ثاني
الشكليات تسقط وتبقى الاخلاق العالية الراقية الحميدة
و قدوتنا الرسول صلى الله عليه و سلم
عاشر كل من كان بعصره حتى شهد الكل له عدوه قبل صديقه
وشكرا لج حبيبتي
"الفتنة نائمة لعن الله من أيقظها"
|
المشاركة الأصلية كتبت بواسطة عهود الحب
 لفت انتباهي العنوان مكتوب فيه غلطة
وحبيت اصلحها بعد اذنج [ الفتنة نائمة لعن الله موقظها ] الفتنة الحالية بسبب خلل في السلطة الحالية كحكومة انا ممكن اكون سنية بدوية لكن من داخلي انا شنو الشكليات تسقط وتبقى الاخلاق العالية الراقية الحميدة و قدوتنا الرسول صلى الله عليه و سلم وشكرا لج حبيبتي |
العفو حبيبتي ومشكوووره على التعديل وماشاء الله تفكيرج حيل رااقي للامام دائما ان شاء الله
ولايهمج مره ثانيه اغيره
مترجمه
مشكوره على التعديل
يمه يادلبي
اسعدني مرورج