|
|
بسم الله الرحمن الرحيم
والسلام عليكم ورحمة الله وبركاته
في يوم من الايام
سمعنا صوت احد يكسر باب بيتنا ايده عالجرس ويرفس الباب
ولما بطلنا الباب
لقينا ولد عمره 5 سنين او اكثر الله اعلم كان مرتبك ومايدري شيقول ويتكلم بسرعه
يقول
( أمي تبجي واخواني يتهاوشون منو يقعد جدام )
فلبسو اخواني الرياييل وراحو مع الولد بينما احنا ( الحريم ) قمنا نضحك
شنو امي تبجي وشنو تتهاوشون على جدام
حسبناها هوشة يهال
وبعد فتره دخلو اخواني منصدميييييييين وضايق خلقهم
فسالناهم شالسالفه
وقالو لنا الاتي
وحده ( مره كبيره بالسن شوي ) صار عندها نزيف نتيجة مرض معين الله اعلم شنو هو وعندها عيالها الصبيان بالبيت
فقالت لهم الاخت فتهاوشو الاخوان ان ليش الاخت قالت حق كل الاخوان ماقالت حق شخص واحد وكل واحد يقول لها ليش قلتي حق فلان وصارت بينهم وعقب ما خلصت هوشتهم فكرو بالام المسكينه الي قاعده تبجي وحطوها بالسياره وبينما واحد من عيالها ركب جدام عشان يوصلونها تهاوش معاه الثاني وكل واحد يبي يسوق
والام تنزف وتبجي وعلى ما وصلو خواني لقو المرا مغمي عليها وعيالها واحد لاعن خير الثاني طق ولما اخواني فظو النزاع كل واحد لم اغراضه من الشارع وركبو مع امهم وودوها المستشفى
المفاجأه ان الام ماتت بالطريج
وحالتها ماكانت جايده بس النزيف كان قوي
وهالسالفه من زماااااااااااااااااااااااااااااااااان
مادري ليش مع الاحداث اللي صارت مؤخرا
تذكرت هالسالفه وللاسف هذا اللي صاير بديرتنا كل واحد همه نفسه اللي يقول عايلتي واللي يقول مذهبي وديرتنا صايره طماشه للحاقدين
هذا بدال ما نفكر شلون نعدل الديره بدال لا يفكرون النواب يسوون ندوات بالشوارع ويطقون فيها خلق الله ما فكرو بحال ديرتنا اللي من سيء الى اسوء بسبب احقادهم الشخصيه
ليش كل واحد فينا يفكر بنفسه
وامنا اللي قاعده تبجي وتنزف متى بنلتفت لها
شوفو حال ديرتنا عقب ماكانت دره الخليج صرنا جذي نتذابح بينا وبين بعض ؟؟؟
بدال لا نحط ايدنا بايد بعض قاعدين نعادي بعض
حملات مقاطعه وناس مع وناس ضد يبا كلنا عيال ديره وحده شتقولون حلو مشاكلكم بحكمه اختلفو برحمه
لا تلهونا بمشاكل تافهه عشان لا يانا الجايد نقدر نواجهه
كل واحد يقول اصلي وكل واحد يقول مذهبي
اللي يبي اصله خلاص لا تقول انا كويتي لان الكويت هي البيت العود وهي امنا واذا اخوانك الكويتين مو عاجبينك تذكر انهم اخوانك وتعاملو مع بعض على هذا الاساس
كلنا اخوان سني شيعي حضري وبدوي
واللي يبي يخرب ديرتنا اله يحط كيده بنحره ويجعل هذا البلد امنا
وسلامتكم
من زمان عن الدرر
والله يحفظ الكويت من كل شر
يعطيج العافيه والله يحفظ الكووويت
و بارك الله فيج يا راعيه الموضوع
والله ملينا وللحين في ناس واقفين ومتعصبين حق أراء
بغض النظر أرائكم صح أو غلط بسسسسسسسسسسسسسسسس كافي حراام عليكم هالديرة الطيبه
الله يعزج ويحفظج يا الكويت
الكويت الكويت
الكويت الكويت الكويت
الكويت الكويت الكويت الكويت
الكويت الكويت الكويت الكويت الكويت
الكويت الكويت الكويت الكويت الكويت الكويت
الكويت الكويت الكويت
الكويت الكويت الكويت
الكويت الكويت الكويت
الكويت الكويت الكويت
الكويت الكويت الكويت
الكويت الكويت الكويت
محتاجين مثل هالمواضيع
لانه الوضع صار يخوووف
اي والله صاجه
محد يفكر بالديره كل واحده همه وكل واحد يزيف المعلومات ماندري منو الصاج ومنو الجذاب
ويعطيج العافيه والله يحفظ الكويت
يعطيج العافية ..
موفقه كل خير ..
وصح لسآنج حبيبتي :**
الحين كل من يدآفع عن آصله ومذهبه ونآسين آمنآ "الكووويت" فديتهآ !
نآسين مصلحتهآ على حسآب مصلحتهم الشخصيه ،،
مهما اختلفنا بالاراء نظل كويتيين !
مايسير يشككون بوطنيتنا وحبنا للكويت بس لنه نختلف معآهم ،،
والله هالعقليآت المتحجره اهم اللي بيخربوون الكوويت ،، !
الله يهدآهم بس ..
والله يحفظ الكويت وآهلهآ من كل شر إن شآلله :*