|
|
أيدت محكمة الاستئناف امس برئاسة المستشار فيصل خريبط وعضوية المستشارين نجيب الملا ومحمد فريد وبحضور رئيس الدوائر الجزائية سامي العنزي حكم محكمة اول درجة القاضي باعدام المتهمة نصرة حارقة خيمة عرس الجهراء.
وصرح المحامي زيد الخباز «باننا سنقوم بتمييز حكم محكمة الاستئناف وسنركز على عدم وجود نية القتل العمد». وكانت محكمة الاستئناف قد وجهت اسئلة للمتهمة نصرة وجاءت اجاباتها عنها بالايماء بالرأس ولم تتكلم مع هيئة المحكمة نهائيا رغم محاولة هيئة المحكمة اقناعها بالحديث لان السكوت لن يكون في صالحها.
https://www.alraimedia.com/alrai/Arti…&date=27052010
صرااااااحة هذا الحق
هذا بلاء من رب العالمين
حسبي الله ونعم الوكيل
والله يكسر الخاطر مشوه مسكين من الحروق ومره يتكلم ومره يبجي يعور القلب بس اثنين شيوخ من الاسره الحاكمه ماقصروا جزاهم الله خير عالجوه بلبنان بس محتاج بعد علاج باوربا او امريكا لان هناك العلاج احسن بس محتاج فلوس بس ادري عيال الخير ماراح يقصرون
ياربي هذا الحق تستاهل الاعدام لو ذابحه زوجها بالطقاق ولو انه ماتسوى ان الوحده تدخل السجن عشان واحد مايستاهل امرمطه بالمحاكم واخذ حقي بالنفقات واعيش حياتي
بس هالناس شذنبهم ؟لاحول ولا قوه الا بالله
الحمدلله الذي عافانا
لازم تاخذ جزاها لأنها اذا طلعت من السجن راح تصير مذبحة بالكويت بسبتها أهالي الضحايا والله ماراح يخلونها
شفت صورة رشدي أباظة الي حرقت عيال الناس عشانه على شنو اهي سوت كل هذا والله ماكو رياااال بالدنيا يسوى ان أضيع عمري وشبابي له شنو استفادت ضيعت عمرها واعيالها تشتتوا وريلها ولايدري عنها ولاهي مع العروس اليديدة
اهي كاسره خاطري لانها ملقوفه وما فكرت وبالعواقب الغيره عمت عينها عن الحق واهل ريلها بعد حسبي الله عليهم لهم يد بهالمصيبه
ومحد اكلها غيرها وغير هالمساكين إلي راح ضحية زوج وزوجه مستهتره … وفوق هذا كاسرين خاطري عيالها الله يسامحها بهذلتهم وافضحت اهلها معاها .. والله يا بنات مافي وحده تبي تحط نفسها بهالموقف بس قدرها جذي .. الله يرحم حالها وحال الناس إلي راحو بسببها
تترقب الأعدام بأي لحظه .. ويلها على نفسها وويلها على عيالها وويلها على غضب رب العالمين ..
تلاقونها فكرت بهالشي مرات ومرات .. وتخيلت عذابها وتخيلت لحظة ما يلفون حبل المشنقه على رقبتها وتخيل دمعة ولدها
الله يعينها على بلوتها ويغفرلها ربنا
اللهم لا شماته
المفروض يعدمونها اهي وزوجها واهل زوجها بعد
الحق حق
هذا جزاها في الدنيا بالاخره شلون!!