|
|
السلام عليكم يا خواتي العزيزات
من أسماء الله سبحانه و تعالى المنتقم.. و في شغلة قاعدة أسويها يا بنات مو حاسة إذا كانت صح ولا غلط!!
أنا مريت بظرف جايد من إنسان كان متقدملي قبل فترة.. و هذا الإنسان علقني فيه و قطني و راح حق وحدة ثانية.. و المشكلة لآخر مرة كلمناه أنا و أمي, كان شايف حاله علينا و إن كل شي يسويه هو الصح, و كل الناس عنده ولا شئ و هو أحسن واحد بالكون!!
و الله يا بنات من الصدمة أنا طحت مريضة شهر و كله بالمستشفيات.. و هو مستانس بإلي صارلي 
فكل ما أصلي أو أدعي ربي دايما أقول إن إنشالله يجي اليوم إلي ربي سبحانه ياخذ بثأري منه.. و ينتقملي منه و يحرق دمه و أعصابه نفس ما حرقني و مرضني 
والله يا بنات أنا مو شريرة ولا قلبي أسود.. بس إلي سواه فيني مو شويه و ما أقدر أقول أكثر من جذي.. فبالي ما راح يرتاح إلا لما يجيه اليوم إلي يندم فيه على كل كلمة قالها عن أعراض الناس و كل أذى سببه حق الناس و خصوصا البنات.
و تراه إنسان ما يصلي ولا يعرف ربه كلش.. و الشيطان ماسكة من عرجة.. و وايد يستانس لما يأذي الغير و يحس بالآخر إن هو إلي إنتصر.. و أنا يوميا أدعي إن الله ينتقملي منه و أقول حسبي الله و نعم الوكيل عليه.
إلي قاعدة أسويه أنا صح ولا غلط؟؟ هل يجوز إني أطلب ربي الإنتقام من إلي أذاني و ظلمني؟؟ و هل التحسب على الظالمين حرام؟؟
أتمنى إنكم تفيدوني يا بنات و لكم جزيل الشكر.
انشاء الله يرزقج بالاحسن
انا بقول رايي بهذا الشي مادامه لا يصلي ولا يخاف ربه قولي الحمدالله ان ربي اصرفه عنك واكيد ماراح يخاف ربه فيك بعدين وصدقيني خيره لك وهذا امتحان من رب العالمين يشوفك تصبرين وتثبين ووقت الشده والضيق بتلجاين له ويقوى ايمانك بربك ولا بتنحرفين وتروحين للانتقام او الانتحار مثل بعض الناس اللي يأسو من رحمت ربهم وفي الاخر الجأو لهذا الطريق المعتم اللهم لا شماته..
وانتي حاولي تنسينه ودايما ادعي ربك انه يعوضك باللي احسن منه وعيشي حياتك عادي وحاولي تنسينه وللجأي لربك وتقربي منه اكثر وصدقيني راح يزول هذا الهم وسلامتك..
بس قولي حسبي الله ونعم الوكيل و صدقيني الكلمه هذه راح تريحج وااايد
وما تدرين يمكن البعد عنه غنيمة … و انتي المستفيده الكبيره من الشي هذا
فلا تحطين في بالج .. توج اول الطريج .. باجر ياما بتنطقين وتاخذين درووس من الناااس
بس والله صدقيني الله سبحانه سمى نفسه المنتقم لأنه ينتقم لعباده المظلومين ممن ظلمهم… اصلا هالشخص
ظالم نفسه قبل لا يظلمج كافي انه هانت عليه نفسه و مايصلي الحمدلله اللي عافانا !! و البعد عنه غنييييييييمه
و صدقيني بتشوفين فيه يوم بسبب ظلمه بس حمدي ربج الف مره تخيلي لو انه تقدملج و تم الزواج وعقب فتره حملتي و
قام هدج و راح تزوج وحده ولا يمشي ويخونج مع البنات!!! والله شنو بيكون وضعج و فعلا ذيك الساعه بتقولين قطني على
صخر .. ترا هذا ماله امااااان و الله افتكيتي منه و صدقييييني انشالله بييلج واحد احسن منه بوااااايد وراح تضحكين تقولين
اشوا ان ماخذيت ذاك بس احنا مشكلتنا مستعيليين نبي كل شي زين يصيرلنا بسرعه…
و الله ما الومج بس عليج بالقرآن وقيااام الليل و بتشوفين فرج ورحمة من الله سبحانه و بنصحج اشتري كتاب واايد
بيهون عليج لأن حداااااا عجيييب و مقنع اسمه (نداءات الإستيقاظ) حق جوان لوندن تلقينه بمكتبة جرير
اقريه و بتشوفين تغيير جذري بحياتج ونفسيتج انشالله لأن صج نفع واااااااايد معاي ومع ناس اعرفهم…
الله يوفقج و يفتح عليج و يجبر قلبج… و راح توصلين مرحله بتحسين ان هالشخص ماقام يهمج كلش
وبتنسيينه…
كله ادعي بإسم الله الجبار ان يجبر قلبج و يجبر كسرج
لاتدعين عليه
أكثري من:
*حسبي الله ونعم الله الوكيل
*اللهم أجرني في مصيبتي واخلف لي خيراً منها
وتوكيلي على الله
والله يعينج وانسيه او تناسيه حاولي تشغلين نفسج بالاستغفار عشان ماتفكرين وايد فيه
لكن رب العالمين شنو يقول ؟ " ادعوني استجب لكم "
ولا تنسين حبيبتي ان دعوة المظلوم مستجابة مابينها وبين رب العالمين حجاب حتى لو اهو كافر
انتي انسانة مسلمة مؤمنة نظيفة والحمدلله صدقيني ربنا ماراح يخليج
لا تنسين ايضا .. اليقين في الدعاء
لان دعاء للمظلوم يستجاب وهذا ينفعك اكثر