|
|
بنات أنا كثير اسمع فتاوى الدكتور النشمي بس احيانا الفتوى ماتعقل يعني مو منطقيه فياريت اللي معانا بكلية الشريعه تسأل أساتذتها ,الموضوع سأل شخص طالب الفتوى (يقول السائل) ان ابوه وصى لصديقه بعد وفاته ببعض المال والحين الرجال يبي يرجع بالوصيه ,لي هني الوضع أوكي والدكتور أفتاه بجواز العوده عن الوصيه لان الموصي بارادته أوصى وبارادته بيغير وصيته ,لي هني الوضع أوكي وبعده سأل انسان ثاني يقول السائل ان أبي وصى لصديقه بمبلغ من المال وأبي حاليا فاقد للاهليه يعني مخرف ونحن نريد أن نغير الوصيه خصوصا وأن علاقة ابي بهذا الشخص شبه منقطعه من زمان تتوقعون شنو رد الكتور (وهذا الرد اللي أنا مو مقتنعه فيه) قال يجووووز ترجعون عن الوصيه !!! سؤالي كيف يرجعون وأصلا صاحب الحق بالرجوع مو صاحي واصلا هم مايعرفون ليش ابوهم وصى بهالشي مو يمكن ابوهم كان ناصب عالرجال ويبي يبرئ ذمته مو ممكن هالرجال كان له فضل على ابوهم وكسب من وراه ؟؟ في أكثر من احتمال فياريت تسئلون اساتذتكم هل فتوى الدكتور صحيحه ماادري ليش انا مو مقتنعه .
ومره في شخص سأله قال له انا كذبت وتبليت على انسان ونتيجة كذبتي ان هالشخص انسجن ومات بالسجن من القهر والموضوع فيه فلوس .والرجال حاب يبرئ ذمته لقيت الدكتور يقول له (اذا ماني غلطانه لأن هالموضوع من سنه تقريبا)ان حاول تتصدق عن الرجااااال واااااااااااااااااي مو داشه بمخي فتواه يعني الرجال انفضح بالمجتمع وعياله أكلهم الخزي والعار والرجل مات مقهور واسمه حرامي عند الناس والدكتور ماجاب طاري ان لازم تبرئ ذمة الرجل بعد وفاته عند اهله ومجتمعه ,ماأدري اذا قدرت اوصل لكم الموضوع والا لأ فياريت اللي بكلية الشريعه يعطوني فتوى تدش مخي وتقنعني ان كلام النشمي صح.
فاذا أنا غلطانه اللهم اعفو عني وعن الدكتور النشمي.
https://www.dr-nashmi.com/fatwa/index…=fatwa&id=2488
والله ينورنا بالعلم والمعرفه.