اذا عندكم خبره بهالرجيم جم سعره فيه باليوم ؟؟؟؟ ضروري ؟؟

السلام عليكم ورحمه الله وبركاته ..

بنات اذا عندكم خبره بالسعرات الحراريه ابي اذا تعرفون جم سعره تقريبا باليوم حق هالرجيم ؟؟

(( رجيم عبدالله المطوع )) ..

الفطور :

2 توست أسمـر أو نصف خبزه سمره + جبنه او لبنه قليله الدسم
أو بيضه مسلوقه +( خيار + طماط )+ كوب حليب خالي الدسم أو نسكافيه .

الضحى :

استكانه مكسرات (جوز- فستق – حب بيذان) أو 2 حبه فاكهه أي
نوع ماعدا الموز و المانجا + شاي أو قهوه .

الغداء :

سلطه + 2 همبورجر لحم او دجاج أو صدر دجاجه مشوي او مسلوق
أو علبه تونا + دايت أو ماء .

المغرب :

كاكاو وسط او 2 فاكهه أي نوع ماعدا الموز والمانجا + شاي او قهوه

العشاء :

سلطه خس (ملعقه زيت زيتون + ليمون +خل ) + 2-3
شرائح جبن مالح او حلوم + 1 ملعقه زيتون + دايت او ماء

والله مدري يالشيخة بس
حبيت ارفع موضوعج

فديتج رفع الله مقداااارج يالغاليه ..

وياج يالغاليه

حبيبتي انا الي اعرفه ان الجسم يحتاج 2500 سعره حراريه تقريبا
لو تشوفين على جيس الاشياء مكتوب السعره حق لغوام
انا من ناحيتي اخفف من اللحم و الدجاج اذا باكل عن خاطري نص صدر او همبرجره وحده
وكثري من الفواكه و السلطه و الروب
وانشاءالله توصلين للوزن المطلوب

افضل الفطور حليب ة كورن فليكس مال الرجيم تلقينه بمركز سلطان

افضل الفطور حليب و كورن فليكس مال الرجيم تلقينه بمركز سلطان

كانت عندي مواقع وايد فيها السعرات بس مسحتها قبل مده ..
بس اعتقد ومومتأكده كلش ..

يمكن الفطور 150 سعره , والضحى نفس الشي 150

والغدا يمكن بين 300-350

والمغرب على حسب فيه كاكاوات سعراتها اقل , بس اعتقد بين ال 100 و150

والعشا ماادري يمكن 150-200

طبعا هذا مو من موقع او مكان مضمون لا هذا من مخي بس مو تشيير او تخمين , بس حاولت اعطيج سعرات تقريبيه ..
وان شاءالله يكون صح ..

2500 راااح انفجر انا قاعده احاول اقلل كميه اكلي ..

مشكووره حبيبتي يعطييج العافيه ان شاءالله راح امشي على نصايحج

مشكووووووووره بعد عمري فديتج والله ..

اي انا قايله ببلش ريووقي جذي لان يشبع ويشد النفس ..

حبيبتي رجيم مستشفي الصبااح 1500 سعريه حراريه

وصحي بس هاه ماتنزلين بسرعه يعني كيلو بالاسبوع بس وزنج مايرجع

اذا تبينه قوليلي اكتبه لج تقريباا مشاابهه للر جيم للي كتيبته

الفطور

توست أسمر شريحه واحدة 61 أو خبز أسمر واحده 50جرام 130
جبنة قريش 100 جرام 99 أو لبنة 155 جرام 105 أو بيض مسلوق سلق كامل 1 كبيرة 79 س
خيار مقطع نصف كوب 7 س طماطم حمراء واحدة متوسطة 26 س حليب خالي الدسم 1 كوب 86
أو قهوة نسكافيه بدون سكر ملعقة شاي 5 س

تقريبا 350 سعر حرارية

الغداء :
فتوش 100 جرام 125
سلطه خيار مقطع نصف كوب 7 س طماطم حمراء واحدة متوسطة 26 س خس نصف كوب 4 س
+ 2 همبورجر لحم بقر 42 جرام تقريباً 142 او صدر دجاجه مشوي بدون جلد نصف صدر 142 س أو مسلوق
أو علبه تونا + دايت كوكا كولا كوب واحد (240 مليليتر) 97 س
بيبسي كولا كوب واحد (240 مليليتر) 100 س
أو ماء .
سلطة تونا نصف كوب 192

تقريبا 500 سعر حرارية

العشاء :

سلطه خس (ملعقه زيت زيتون + ليمون +خل )
فتوش 100 جرام 125
سلطه خيار مقطع نصف كوب 7 س طماطم حمراء واحدة متوسطة 26 س خس نصف كوب 4 س
زيت زيتون ملعقة طعام واحدة 120 س ليمون واحدة 60 جرام 17 س خل100 جرام 4
+ 2-3شرائح جبن مالح اوجبنة فيتا 28 جرام 75 او حلوم جبن حلوم 100 جرام 363
+ 1 ملعقه زيتون زيت زيتون ملعقة طعام واحدة 120 س+ دايت كوكا كولا كوب واحد (240 مليليتر) 97 س او ماء

تقريبا 600 سعر حرارية