|
|
بناات حدي مكتابة
مشكلتي اني من اكثر من سنه سويت رجيم دشتي-بوعباس وكنت انزل بالاسبوعين 4 كيلو .(للعلم ماكنت متينه ولا متروسه ) وصرت عصلة معااه.. المهم حملت وولدت ورجعت سويت الرجيم(بلشت بنفس الوزن اللي بلشت اسوي فيه رجيم من سنتين قريبا) الحين مااقط الا كيلو خلال اسبوعين!! مو قهر؟ حارمة نفسي من الاكل وهذي اخرتا؟؟ صارلي 3 شهووور على هالحالة ورحت الطبيب قالي يمكن جسمج تعود على النظام ولاقام ياثر فيييج، كسري الرجيم ورجعيله(يووم) انا كسرته اسبوووع ورجعت مره ثانيه عليه ، وعطاني حبوب ريدكتيل… بس والله ماكو فايده حدي متازمه وتعبانه نفسيا .. شتتوقعوون الحل؟؟ خصوصا ان ضعفي صعب ومافاد فيني الا رجيم اتكنز والحين شكلي بفلس منه….
بنات ترا صج قهر تحرمين نفسج من الاكل وتييج دووخة وتقطعين الرضاعه عشاااان تبدين الرجيم وه ماكو فايدة
الحين صارلي 7 شهووور من ولدت ،مومعقوله للحين تاثير الهرمونات !! اسفه على الاطاله والبدليات بس واسوني
اهم شي انج ما تتحبطين و اذا ما نزل مثل اول عاااااااااااادي يكون بسبة التغييرات اللي صارت فيج
استمري و لا تحاتين و قوي ارادتج
موفقة حبوبة 
نصيحة من مجرب
كنت اسوي ريجيم القوات المسلحه
ماقصرتو حبيباتي على الرد …جربت رجيمات غيره بس ماينفع معاي الا اهو..والصراحة ودي اقط وزن لان وراي سفره واعرف نفسي وااايد اسمن مع السفر.. هذا غير الاحباط اللي يايني ان الدورة مو منتظمة من ولدت وطبيبي الحمدالله والشكر كل مره ارووح له له كلمة مرة يقولي مو قاعده تضعفين لانج كبرتي بالعمر!! وانا باول العشرينات ومره يقووولي اوعدج راح تضعفين والزياره اللي بعدها يقووولي مافيج زيادة وزن فصعبه انزلت اي كيلو!! والله حيرني