ترهل الزنود

السلام عليكم ورحمة وبركاته

شلونكم يا بنوتات

بصراحه ابي اشكركم من كل قلبي

لانه بعد الله ومن نصايحكم بالمواضيع

قدرت انزل من وزني 15 كيلو ولله الحمد

وبعدي طمعانه بستمر ان شاء الله

بس عندي مشكلي اشوفها مصيبه

انا عندي الغده وجالسه اعالج فيها

ومع الرجيم والرياضه نحفت وجسمي شاد

بس المشكله زنودي مترهله حيييييييييييييييل

تكفون انصحوني

فكرت اروح للطبيب بس اخاف يقول ليزر وانا خوافه حدي

وما ابي العب بنفسي اذا وحده تعرف كريم يشد او شي اسوية يخفف من هالترهل لانه غاثني وشكله مره بشع

جزاكم الله كل خير

وانا بانتظاركم لا تفشلون اخت تطلب مشورتكم

ياحياتي والله ماعرف دكتور او علاج ، بس انا اعرف ان اذا سويتي رياضه راح تنشد ايدج،انا خالتي جذي جسمها حلو بس عندها زنود كبيره واحتمال تسوي شفط دهون بمستشفى الشركه وهي خايفه ومحتاره ، بس

ان شالله البنات يفيدونج

حبيبتي زنودج تنشد تشترين من مركز سلطان حديد لليد وزنه 5 كيلو او كيلوين ونص
وتلعبين تمارين لليد اليوم الاول كل تمرين 10
ونفس الشي لمدة 4 ايام تالي تزيدين 20 واليوم الثاني كل تمرين 30 وليمن توصلين 100 بس استمري عليه 3 الي 6 اشهر وراح تشوفين زنودج احلي من زنود اليسا