شنو نسبة الذكاء اللي يبين ان ولدي عنده بطء تعلم

السلام عليكم

انا ولدي ذكي و لهلووب بس احس ان وقت الفهم اذا بحاول افهمه جمله او اي شي احاول افهمه بالبطئ احسه ما يستوعب يضحك يسوي نفسه فاهم و ياخذني على قد عقلي

و اذا مثلا بجى ما يحاول يفهم او يخلينه انفهمه يفصل يعني اللي حاطه في باله مايتغير صعب انغيره

و غيرها وايد اشياء ملاحظتها عليه بس مادري هل هذا يعد بطئ تعلم او صعووبه؟

و شنو نسبة الذكاء اللي تبين ان ولدي فيه صعوبه او بطئ ؟

و شنو العمر اللي مفروض اسوي له فيه اختبار الذكاء اللي يبين اذا فيه شي؟

بالنسبه للمدرسه اذا اهو في مدرسه خاصه امريكيه لكن ما تدعم صعوبة التعلم هل اقدر استمر فيها ؟ ولا لازم اطلعه ؟

ياريت تفيدوني محتاره وايد

ياهلا اختي وحياج الله بينا

اول شي ياليت تعرضين هالموضوع بهالرابط يمكن يفيدج: الأستاذ أحمد البرماوي يرد على استفساراتكم (https://www.q8yat.net/showthread.php?t=431987)

وثاني شي الإختبار يعمل في سن دخول الطفل الحضانه .
وبالنسبة للمدرسة المفروض تختارين المدرسة اللي تقبل بطيء وصعوبة التعلم.

مشكووره عرضت المشكله في لنك الدكتور

بالنسبه للمدارس الامريكيه .. هل عندج فكره شنو المدارس اللي تدعم صعوبة التعلم ؟ و اذا ما نقلته و ظل في نفس المدرسه هل ولدي يخسر حقووقه ؟

العفو يالغالية
شوفي اذا طلعت النتائج ان ولدج من ضمن صعوبات او بطيء التعلم وان شاءالله لآ… تحتاجين اطلعين شهادة اثبات اعاقة اذا اهو كويتي حتى تضمنين حقه من التعليم على حساب الدولة وبقية التسهيلات وبخصوص المدارس تفضلي أرقام المدارس العربية وثنائية اللغة التي تندرج تحت مظلة المجلس الأعلى &&& (https://www.q8yat.net/showthread.php?t=284520)

تسلمين يابعد عمري كلج خير و بركه

العفو وطمنينا اول بأول

واااااااااااااااي اقري قصصي مع ولدي

بمواضيعي بنفس القسم

اكيد رح تستفيدين منها

اكيد راح انقل لكم شصير وياي اول اب اول ماتقصرين

ان شاء الله بشوووف مواضيعج و تسلميـــــــــــــن

من 70 بالمائة الى 75 بالمائة تقريبا هي درجة مقياس ذكاء بطئ التعلم

اليوم رحت الطبيب طلبت تحويل علشان يسون حق ولدي اختبارات

طبعا انا مو بالكويت بسويهم بره … و قالي في حوالي ٧ اختبارات يسونهم

هل التقارير اللي اب تطلع تعفي عن اختبارات الكويت ؟ و هل اقدر افتح حق ولدي ملف عن طريق هالاختبارات و لا لازم اعيدهم بالكويت ؟؟

و بعدين اذا اقل من 90 شنو يعني اذا ياب ٨٥ يعني فيه بطء تعلم ؟؟

في ناس يقولون اقل من 90 و ناس تقول اقل من 70 شنوو الصح و شنووو اللي يحتاج علاج ؟؟

شووفي حبيبتي انتي لما تخلصين الامتحاناات رااح يعطوونج تقرير والتقرير مدته 5 سنين وتقدرين توثقينه من السفااره الكويتيه في الدوله اللي انتي فيهاا…

وعن المعدل مثل ماقلت لج من 90 وانتي ناازله يعتبر بطئ تعلم بس مثل ماقلت لج في 4 اقساام وكل قسم له معدل….

فيعني مثلا في القرااه يكون 85 والكلام يكوون 71 الكتابه 60 وجذي…..

انا اقوولج من القرير مالي واللى قاالو لي ايااه الاخصائين …وشغله ثاانيه مع التقرير رااح يكون في طرق تسااعد الشخص….مثلا اذا بطء التعلم في القرااه شنوو الشغلات اللي تسااعد

مثلا اعطيج مثااال حق اناا كان مكتوووب عن براامج تساعد في القراه والكتاابه..اوقاات اطوول حق الامتحاناات والبحووث….

ان شااءالله فهمتي علي ومداام انتي بتسوينه بره لا تحاتيين بقوولون لج عن كل شيء ويفهموونج

ان شاء الله … الله يسهل يا رب .. والله احاتي هالولد
و ماقصرتي وضحتيلي وايد اشياء ما اعرفها و ان شاء الله اتم على اتصال وياكم اخبركم عن حالة ولدي

لا يبه شكوو تحااتيين الله يهدااج…كاان الحمدالله مشااءالله الله واكبر عندي شهاده جامعيه وقااعده اكمل بثاانيه…لا تحاتيين ولا شيء….

السالفه يبيلها مجاابل وطولت باال وبس….

وطمنيناا وقولي شنو يصير…..