عمليتي لتكبير الصدر !!

السلام عليكم ورحمه الله وبركاته

شلوونكم بنااات ؟؟

طبعا قبل جم شهر .. نهايه شهر 1 2024 سويت عمليه بصدري ..!

لأنه كان عندي صدر اكبر من الثاني ادري الكل بيقول هذا شيء طبيعي !! بس الطبيعي يكون شيء بسيط مو ملحوظ حيل

يعني لي درجه !! كان جنه واحد فيه صدر والثاني مافي ولا شيء نهائيا فكان شكله حيل يخرع واذا سألتوني من شنو !! خلقه من الله والحمدالله على كل حااال

طبعا بعد حنه خواتي وامي !! فكرت اني اسوي العمليه عند دكتور جراااحي اسمه سامح صادق في عياده خاصه المنار كلينك عند دوار البدع .. طبعا الدكتور ما شاء الله عليه شاطر بس العمليه سوولي اياهاا بمستشفى مركز زهير الطبي

قال لازم انشق الصدرين ومكان الشق يكون حق اللي مو متزوجه تحت الصدر والمتزوجه من مكان ثاني ….

علشان قناه الحليب ما تنقطع عند المتزوجه المهم …! واخيرا صليت استخااره وقررت اني اسويهاااا

طبعا بوقت العمليه للأمانه ما حسيت بولا شيء لانه كانوا معطيني بنج كامل , بعد العمليه بجم سااعه تقريبا بديت احس انه مثل درام طايح فوق جسمي وكان حيل شكله يخرع وكبير !! ووراام جنهم قنابل @@ !! هههههه وخواتي ميتين ضحك

بس قال الدكتور هذا شيء طبيعي بعدها بديت احس وانتوا بكرامه باللوعه ورجعت يمكن مرتين واحس جسمي كله متكسر !! وقعدت يوم كامل بالمستشفى وكنت اكثر شيء كله ناايمه المهم صار يوم الثاني من العمليه طبعا رديت البيت

والله احلف لكم !! والله اقل حركه اسويها والله اقل حركه كنت امووت امووت من العوااار واتألم حيييل لي درجه ما كنت اقدر اركب السياره المهم بعد معاناه طويله رديت البيت وتعب تعب حيل تقريبا خلال اسبوعين !! وانا كله اناام على ظهري بحاول اشوي انام على جنب احس انه جسمي كله قاعد يشد ويتقطع !!! وكان ظهري يتكسر من العوااار يعني صج تعب وبالذات اول 4 ايام ..! بعد اسبوعين رحت المستشفى مره ثانيه على يشيلوون اللزقه اللي حاطينها بجسمي
طبعا لمن شالوها احس روحي طلعت :'( من مكانها والله !! من كثر ما اهوا يذبح لي درجه يلدي طلع منه دم المهم بعد هذا عطوني ستيان طبي قالولي لازم تلبسينه خلال 4 اشهر جداام ..! وبعدين صار الوضع الحمدالله كل ماله ويصير احسن وقمت اقدر اشوي اتحرك معنى كنت احس شيء مو طبيعي فيني لكن الحمدالله على حااال وبعد فتره بدى شكله طبيعي وفش اشوي الحمدالله .. يعني الحمدالله كانت العمليه نااجحه

طبعا صار شكله ما شاء الله وايد حلو ومتناااسق وواقف وملفت بعد ههههههه
وما يحتااج حتى البس ستيااان ههههههه >> خارتهااا هههههه

المهم بعد العمليه طبعا كلش كلش ما ترقعت اولا : زدت 14 كيلو من العمليه
ثانيا : هرمونااتي انعفست 180 درجه صار عندي هرمون الmaile اكثر من ال Female : وسبب السيلكون

وعطوني حبوب منع حمل ولويه ونفسيتي اتعبت حيل حيل ومن مستشفى لي مستشفى طبعا هذا بروحه صار قصه !!

بعدها ارتفع عندي هرموون الحليب وااايد وكنت احس بعوااار مو طبيعي !! وصار فيني ضغط

ثالثا : شعري من جدااام نصه راااح :'( وسبب يقوول من البنج يطيح الشعر وااايد

رابعا : بشرتي !!!!! صارت اتخرع وايد طلع لي حبوووب مره وحده ويهي بق ويقولون السبب من الهرمونااات

كل هل معانااه للحين اعاني منهاااا وسبب العمليه :'( لكن الحمدالله على كل حاااال على قووله المثل اللي يبي الدح ما يقول اح هههههه

وبس لكن اقتنعت بشغله انه ماكو مشكله مالها حل !!!! بس الوااحد يبيله طوله بال وصبر !!

هاذي تجربتي العوييصه مع عمليه تكبير الصدر ..

ولأي استفساااار انااا حاااظر ويعطيكم العاافيه وسوري على الاطاااله

حمدلله ع السلامه وأجر وعافية وتتهنين إن شاءالله،،، بس تجربتج إتخوف وإتخلين إلي ناويه إتسويها إتهون خخخ
على العموم كل وحده وجسمها ومو كل الناس مثل بعضهم..

الف الحمدالله على السلامه بس غريبه كل هالمضاعفات ؟؟

شنو قالج الدكتور عن الهرمونات ليش جذي

الله يسلمج حبيبتي والله يعافيج يارب اهوااا ايه وانتي الصااجه !! بس شنسوي يااا ام مياسه مو بأيدي والله اللي صاار

الله يسلمج حبيبتي من كل شر

!! سالته قال شيء طبيعي تتغير هرمونااتج لانه دخل شيء غريب دااخل جسمي !! فلابد انهاا تتغير الهرموناااات

بس ابشرج الحمدالله وايد تعدلت .! واحسن من اول لانه صارلي الحين تقريبا 5 شهور وانااا اعاالج الهرمونااات بحبوب منع الحمل ( دايان ) .. والحمدالله على كل حاال

الف الحمدالله على سلامتك وتتهني فيه يااااااااااااااارب ..بس حبيت اسألك كم حطلك مقاس للحشوة ؟ومكان العملية من وين حول الحلمه ولا من تحت ثنية الصدر؟؟ والف سلامه عليك

الله يسلمج حبيبتي وتسلمين يارب ..

امممم على حسب حجم الصدر اذا كان وايد صغير لازم اتكون الحشوه متوسطه واذا كبير لازم اتكون الحشوه كبيره ..

طبعا حق اللي مو متزوجه من ثنيه الصدر اتكون من التحت والمتزوجه من الحلمه ..

والله يسلمج حبيبتي

الحمدالله على سلامتج
وماتشوفين شر وان شالله تتهنين بالنتيجة يارب

حمدلله علي السلامه حبيبتي والله يهنيج باللوك الجديد ياااااااارب

حبيبتي بجم سواها لج وباي مستشفي ؟؟؟؟؟؟؟؟؟؟؟؟؟؟؟؟

يعطيج الف عافية
الصراحة خرعتيني
انا صدري صغير بس مو واحد كبير وصغير
كنت مفكرة اسوي
بس من شفت قلت مالا داعي
الحمدلله على كل حال
انطره من يكبر بروحه

الله يسلمج حبيبتي والشر ما ييج يااارب مشكوره يالغلا وما اتقصرين

الله يسلمج يااارب حبيبتي وتسلمين يالغلا

ايه اتفضلي ..!

اول شيء سواهاا لي عمليته ومع المستشفى كله كلفتني 1400 دينار …

طبعا اهوا عيادته بالمنار كلينك بالسالميه

بس العمليه سوولي اياها مركز الزهير الطبي ..

الله يعافيج حبيبتي ..!!
لا حبيبتي لا تخترعين ترى من جسم لي جسم يفرق اهيا العمليه ما شاء الله كانت وايد زينه والنتيجه بعد بس المشكله !! صار فيني مضاعفاات : بس الحمدالله على كل حااال

حبيتي كيف هاالحين إن شاءالله تمام وأمورك زييييييينه؟؟
أختي كم كان مقاسك قبل المحيط والكب وكم صار الحين ؟؟
والف سلامه عليك مره ثانيه..

قبل العملية كنت البس b 36

الحين 36 c

والحمدالله على كل حااال …

والله يسلمج يالغلاااااا