كيف تعتنين بسرتك الجديده وجرحك بعد عمليه الشد

مرحبا بنات
الحمدلله على سلامتكم كلكم والله يهنيكم باللوك اليديد
ودي الكل يتعاون ويكتب شلون تهتمون بالجرح بعد ما الدكتور فك الغرز
يعني في اللي منكم تمسح السر بالكحول بس
وفي اللي منكم تحط ميبو
وبالنسبه للجرح الكبير في اللي تحط له scar gel وفي اللي مخليته
الكورسيه في اللي ماتنتظم بلبسه

الله يهدي اللي فبالي
وفي اللي تلبسه بالنهار وتخليه بالليل
ياريت كلوحده تكتب طريقتهاىبالعنايه بنفسهاىبعد العمليه عشان الكل يستفيد
وشكرا

السلام عليكم انا سويت شد للذراع والبطن بصراحه شى خيال على يد الدكتور المبدع محمدالجارالله من عشرين يوم نصحنى الدكتر المساعد ان استعمل ميبو بعد فك الجرح وkelo-cote على الجرح لاخفاء اثر الجروح وعند استشارة الدكتور محمد بخصوص الكورسيه طلب منى الالتزام بلبسه على مدار 24 ساعه الشهر الاول لعدم تجمع السوائل وارتدائه طوال النهار ويمكن خلعه ليلا خلال الشهر الثانى بعد زيارت الدكتور -وانا التزمت حتى ما اضيع هذى الفرصه الروعه والرشاقه باى مضاعفات لان الرشاقه حلوه وخاصه من تحت يد الدكتور محمدالجارالله وان شاالله اسوى الباقى عنده لانه روعه وانا مستعده لاي استفسار

لوووووووووووووووووول
عرفت منو اللي ابالج وانه معاها بعد
بالنسبه لي ما احط شي عالجرح
لان الدكتور اباول ايام اهو كان ايغيرلي عالجرح وايصكره
بعدين انه قمت احطله بيتادين واحط شاش معقم وبلاستر
سرتي خفت اني ايي صوبها اخاف تلتهب علي
وسالت الدكتور قالي ابعدي عنها ولاتحاولين تلعبين فيها
فمسكينه هادتها وعالسباحه بس
والكورسيه حليا قمت التزم فيه
بس كورسيه الصدر ذبحني ايحز صوب الجرح وكل ساعه تعالي
سحبيه فشله جدام الناس
ياساحبه ال bra
يا الكورسيه اصعده لان وسع علي شوي فينزل
فارد اصعده
وحاليا انه متابعه مع الدكتور واهو ايسويلي كل شي

بصراحه بالنسبه للسره والجروح كل يوم اروح للمستوصف لعمل الغيارات للجروح التى احس مازالت رطبه لان تحت عينهم احسن لاى تغير فى الجرح لحد ما يصير طبيعى تحت اشراف طبي فاكون متطمنه

تسلمين عالمشاركه والله يهنيج باللوك اليديد
ود الجار الله اكثر من رائع انا تدربت عنده لما كنت بسنه خامسه كان مدير مركز مكي جمعه
وزين تسوين
الميبو عالسره صح

هههههههه
معاي عالخط ام فطوم
الله يعافيج التزمي فيه
السر بس نشفيه عقب السبوح بشاش عن الماي
وماتمسحينه بكحول بين فتره والثانيه
الجرح الحين مفتوح ولا مسكر
وما تستعملين شي يخفف الاثر
شكثر صار لج من العمليه

ممتاز هالموضوع

بكون متابعة

وكلها ايأم واكون مشاركة

الله يتمم لج على خير
يا سكر زياده

انا كنت اتسبح واغسل الجرح والسره بجل ديتول وبعدها انشف الجرح بشاش عن الماي واعقمه واحط الكريم المضاد واحط فوقهم قطع شاش والبس الكلوت ومخصصه كلوت لفوق السره هههههه والبس عقبه المشد عشان مايتوسخ واضطر اغسله كل يوم وظليت ع هالحال شهر كامل بعدها وقفت كل هذا والحين صار لي 3شهور والحمدلله كب شي اوك بس سؤال من استخدمت scar gel وجاب معاها نتيجه حلوه لاخفاء اثر الجراحه؟ لاني توني سامعه عنه وودي اجربه

والله دكتوره حبيبتي اليوم ايصيرلي ٣ اسابيع من سويت العمليه
واليوم رحت فجيت الغرزه الاخيره والحمدلله
وقالي المره اليايه لاييتي ررح اطيج كريمات لاخفاء الجروح
وندبات الشفط
ايقولي احنا ايهمنا الشكل الخارجي للجسم
وهدفنا تجميلي موبس بالجسم من ناحيه الضعف
لا حتى من ناحيه اخفاء اثار الجروح
وانشالله باذن الله ايكون في نتيجه
قاطه ٤ الاف موووشويه
خخخخخخ 

بغيت اسالج دكتوره
انتي دكتوره شنو متخصصه بشي
والا عام؟
لقافه صح
خخخخخخخخ 

اي والله
الله لا يخسر التعب

لا بعد قلبي لا لقافه ولا شي
تخصصي اشعه

العفو قلبي
ناطرين اسم الكريمات
متا مراجعتكم انتي وام فطوم