|
|
كيفكم بنااات
انا طبعاً مسويه موضوع بحساب غير هذا واستفسرت منكم عن الدهون بس محد عبرني
غير كوكوشانيل وبعد الحقن ردو جم وحده الله يجزاهم خير
المهم حبيباتي
انا بقولكم تجربتي وبحط صور قبل وبعد بس الصور اللي قبل مو حييل جديده يعني بقولكم انا من النوع اذا مابتسمت تستوي حفره تحت الجفن وماتنترس الا اذا متنت او ابتسمت
بعد عذاب نفسي من اهل زوجي اللي يحبون الدبه ودوم يقولون انتي احلا حريم عيالنا بس مافيج خدود
والاغلبيه يقولون الجمال مايكمل عشان جذي مافيج خدود .. ولما انتفخ الكل يمدح بس يقولون هم بعد يبيلج اكثر خدود تعبت نفسياااا سنين
وقريت تجربه وحده هنا مع برفسور وتشجعت وحجزت عنده
طبعاً سوالي اياه بـ 4500ريال يعني 450 دينار او اقل
رحت له السبت وحطت المساعده حقته ابره مضاد حيوي بيدي وبعدين رحت داخل وفسخت عباتي وانسدحت وغطت جسمي ماعدا فخوذي وحط لي بنج بفخذي لين تحت الخلفيه ورسم بالازرق عالمكان المخدر واللي بيشفطه ودخل زي الصيخ كبير
انا بغييييت امووووت ماغير اصيح واروح فوق اوخر عن الدكتور وهو يضحك
يقول ماتتحركيش ماتهزيس الطربيزه وانا احاول اتحمل طبعا كل مكان يجيه بنج يخف الوجع فيه
بعدين خلاني نص ساعه لين يتخدر كل شي
ورجع وقام يشفط ويدخل ويطلع بالصيخ بس ماكنت احس
كنه احد يدلكني او جنين يرفس
بعدين
خيط المكان بغرزه وحده بس ولفو علي زي الشاش
والممرضه نظفت الدهون نفس اللي باليوتيوب
وحطته بابر وخلته بالمكينه وبعدين نظفته مره ثانيه ولما جا الدكتور
خدر لي مكان حقن الوجه جنب العيون بس بعيد يعني قريب من الاذن
وهو يدخله انا متتتتتت
اصيييييح وهو يقول تحملي عشان اعمل لك شغل كويس
والله عذااااب
صح في اماكن ماتعور بس ماقدرت ودموووعي تنزل
قال الدكتور خلاص خلصنا.. ايكتب ولا حضربك ويضحك
راح للخد الثاني وقمت اسولف معه عن الدهون وكم تقعد بالثلاجه
بعدين قام يدلك خدودي ويوزع الدهن
ونسيت اقولكم انهم كل شوي يحطون مطهر ..ويمنعوني المس اي شي عشان الجراثيم
يقول عشان ماتصير كدمات او اي شي
بعدين حطو كريم بوجهي ونظفوه
ووراني وسالني وسال الممرضه قالت خدها الايمن يبغاله شوي
وحقن لي فيه 2 سم وحط بلاستر بمكان الابر
وقالي اجي بعد اسبوع مراجعه ولو ماعجبني يزيد الدهون
وعطاني مضاد ومسكن وكمادات ثلج
انا شفت وجهي بلوووووونه بس مايبان بالتصوير كنه عادي
هو الدكتور مارضى يحقن عند الفك
فـ انا كنت اضغط بالثلج عالخدود واوزعهم
لين تشكلو شوي وحاولت اقربهم امس واليوم اقربهم صوب الفك والحمدلله صار شكلهم احسن
بس الخدود للحين مالانو يقول الدكتور لاز م انطر كم يوم لين يلينون وبعدين راح يمتص وجهي جزء من الكميه ويقول لو بغيتي تحقنين مره ثانيه تحقنين بالف ريال يعني 100دينار
المهم الصور بحطهم بالرد
واهم شي انج راضيه بالنتيجه
بس تقعد الدهون بالجسم ماتفش؟؟
الحمدلله عاجبتني النتيجه صح متورم كنه بلونه بس مافي كدمات ولا ازرق ولاشي وقاعده اسوي مساج واوزع الدهون براحتي
قال لي الدكتور تجلس طول العمر وقال بحقن لك كثييييرب عشان بعد اسبوعين وشهر تقريبا يمتص الجسم كميه كبيره من الدهون
والباقي بيكون حلو وطبيعي .. فعشان كذا نفخلي اوفر عشان ماحتاج مره ثانيه
بس لو خلصت مناسبتنا اللي بعد شهر ونص وشفت اني احتاج بتفخ مره ثانيه قبل ينتهي تاريخ الدهون عشان يكون في احتماليه اكبر ان الدهون تبقي
نرجس ..
حياج قلبي ..ايه الكل يمدح لي الدهون بصراحه وانا حيييل مرتاحه واللي عجبني شغله مرتب وسعره زين لان بالرياض على 7000 و 8000 = 800دينار
عكس اللي انا سويت عنده برفسور + وبـ 450 دينار بس
واذا في طريقه احط الصور ياريت تعلميني او اعطيك ايميلي وتحطين الصور بدالي
بس حبيت اسال جم مدة حفظ الدهون بالثلاجة
الله يبارك فيج حبيبتي
يقول مدتها 3 شهور …
ماشاء الله لاقوة الا بالله
الله يهنيج فيهم
انا مثلك حتى اذا سمنت مايبين في السمنه لان الفك عندي طوويل ماهو عريض
وناويه اسوي حقن فلر اما دهون صعبه لان مافيني شحووم ههه
بس مين الدكتور الي رحتي له وباي عياده لاني بالرياض
فدوش .
انا خذ من فخوذي وسويته بالاحساء ..عيادة جميل خطاب
عند البرفسور عاطف امين
سعرها 4500ريال بس ماسألت عن المواد الثانيه والبوتكس 1500 نفس اسعاركم بالرياض
انا كنت اقول ليش نفخ لي الوجنات والجوانب من قدام مانفخ من عرض
بعدين لاحظت الدهون تنزل وقام وجهي يصير دائري على مربع بس بشكل حلو
كأني انا متنانه وكأن وجهي هو من اصله عريض
اهلي شافو وجهي وحييل عجبهم خصوصا انه مشدود ووردي وفتحت بشرتي اكثر
بس باقي كل يوم بيقل الدهون لين يصير حجمه حلو ومناسب لوجهي
وااو صجج فررق كبير وروووعه النتيجة
بالعافية عليج حبوبة والله تستاهلين
وتحمست اسوي دهوون هالمرة
وباجر بسال الدكتور لاني سايرتله حق نفخ شفايفي الله يستر اووول مرة اسوي شفايفي
بساله عن نقل الدهون والتفاصيل
الف شكر لج ملوكة على نقل تجربتج
انا الحمدلله راحت عقدتي من الويه الضعيف اول لازم ابتسم دوووم عشان تطلع لي خدود
بس الحين شكلي كيوت بدون مابتسم ..
انصحج تسوين دهون
وبالنسبه للصور ماقدر اراسل المشرفات ولا كان عطيتهم روابط الصور يحطونها