|
|
السلام عليكم ورحمة الله وبركاته,,,
عندي جم سوال ياريت تجاوبوني عليهم؟
1س:انا حامل بالشهر السابع وميتة واسوي تكميم وزني فوق 100 كيلو وبسويها ان شاء الله بعد ماطلع من النفاس بالسلامة بس محتارة عمري 37 سنة فمادري جم وحدة بعمري سوتها ؟
س2:المراحل اللي بعد العملية السوائل وغيرها جم تاخذ شهر تقريبا او اكثر والمراحل اللي بعدها مثل الاكل المهروس والمطحون ووو ياريت تعددون لي كل مرحلة وشنهو اكلها ؟؟
انا الحمدلله صحتي زينة ماعاني غير من السسسسسسسسسسسسسسمنة اللي ملوعة جبدي
ياريت تجاااااوبني وترفعون لي الموضوع
العمر ماله شغل اعرف ناس بالـ 55 مسوينها
امي عمرها46 ومسويتها وماشاء الله اضعفت
..
بالنسبة للسوائل
اهي شهر بس ومن بداية الشهر الثاني تبلشين اكل طبيعي بس على حسب معدتج وتقبلها للاكل
…
اول اسبوع سوائل شفافه مثل الشاي والماي وعصير التفاح والاناناس والشوربات الخفيفة وماي اللحم والدجاج
2 اسبوع سوائل ثقيله مثل القهوات بأنواعها والشوربات الثقيله المضروبة بالخلاط وعصير المنجا
3 اسبوع الاكل بقوام الروب والسيريلاك والجلي والمحلبيه والسوالف هاذي
4 اسبوع الاكل المهروس مثل جزر مهروس بطاط مهروس تفاح مهروس والخ
..
طبعا مثل ماقلت لج كل واحد وتقبل جسمه للاكل انا تميت شهر على السوائل ماقدرت على الاكل
طبعا نوعت من بعد الاسبوع الاول بين السوائل الثقيلة والخفيفة والروب والجلي والسوالف هذي
حتى المهروس ماقدرت عليه
..
ترا العملية سهالات من ربي لاتحاتين اهم شي الاستخارة والتوكل على الله
موفقه
بالنسبه للاكل
اول اسبوعين بعد العملية سوائل شفافة مثل عصير التفاح و الماي و ماي الشوربة
بعدها مرحلة الاكل الناعم مدة اسبوعين
بعدها مرحلة الاكل المهروس مدة اسبوعين
بعدين اكل طبيعي بس نظامه نظام دايت و كثر ما تقدرين لازم تشربين ماي