ميني تامي تك وحقن دهون بالخلفيه عند دكتور اشرف

موعد عمليتي انشالله 264 ….
انا قبل سنه مسويه تكميم عند احمد الشرهان هالدكتور عسل ياناس احبه…. كنت 90 وصرت 61 مشكله ترهل بالبطن من حمل وولاده ومتن طبعا وخلفيه مسطحه وييييع
كنت ادور دكتولر زين اول دكتور كان كروز بس قالولي سافر وماراح يرد وثاني دكتور كان ماجد التقي بصراحه ماارتحت له ممثل مكسيكي مو دكتور بس بصراحه عطاني سعر خيالي بس شفط وحقن دهون 3000 دينار شدعوه مهم سمعت عن دكتور اشرف عبد القادر من منتدي الاني مااعرف احد مسوي شد ولاشفط مهم ..
بصراحه دكتور موريح و واقعي وفاهم استخرت وارتحت له بس طبعا للحين خايفه قالي بطنج مايحتاج تامي تك الان حرام توج صغيره في احتمال حمل وولاده مع اني مابي قالي عن ميني تامي تك الي هو شد الجلد من غير تغير مكان السره ولا شد العضلات بصراحه خوش شي الاني انا ماعندي كرش بس مشكله كانت بالجلد وشفط قالي انت مافيج شحم وااايد بس باحاول اعطيج نتيجه الي تبينها يعني قالي قللي طموحج بالنسبه للخلفيه الانها تعتمد علي شحم الي يحصله …..
السعر 1600 دينار شغل ايده ومستشفي 750 دينار وانا نقيت مستشفي السيف تحاليل 15 دينار وكورسه للحين ماشريته ……
بنات حبيت افيدكم مثل ماانتم كل مره تفيدوني وادعولي الله يوفقكم الدعوه الغيب مستجابه
والي عندهااا معلومات عن دكتور او عمليه تفيدني وتطمني الاني من صج خايفه بالصدفه موعد عمليتي للتكميم كان بمثل التاريخ العمليتي الحين ماادري صدفه حلوه ولا …..
اسفه طولت عليكم

الله يقومج بالسلامه وتفرحين بالنتايج

مشكور حبيبتي

الله يقومج بالسلامه

حيل يمدحون الدكتور اشوف للنحت والشفط

يمدحونه اشرف عبدالقادر موفقه واالله يقومج بالسلامه :**

تقومين منها بالسلامه
بس بسالج شسويتي بصدرج انا صدري مترهل من التكميم

الله يوفقج وسهل امورج ويرزقج كل لي بالج
وانا بعد خاطري اسويها الخلفيه مسطحه عندي

الله يقومج بالسلامة يارب

انا بعد اقولج توقعاتج للخلفية جدا قلليها بما ان مافيج دهون وايد

انا غرزت دهون بصدري عنده وقالي ولما طلعت من العمليات ينيت علي النتيجة

الحين صارلي تقريبا شهر وايد فش صدري عن اول ماطلعت طبعا بس ماشاء الله لي الحين حلو

الدكتور اينن مو مادي كلش واللي ياكد قاعد يقولج ماتحتاجين بس انتي مصرة

مشكوره يابعد عمري

وانا سمعت ان شاطر انشالله الله يقدره يعدل هالجسم

مشكوره حبيبتي

انا صدري كان مو كبير حتي وانا متينه كان عادي طبعا الحين صار صغير حده بس شسوي انا مابي احط سليكون مع اول ما دشيت علي دكتور حاطهم علي مكتبه واااي شكلهم يشوق بس قلت اعقلي يابنت ماله داعي … روحي استشاره وشوفي وفكري واستخيري والله يكتب الي فيه الخير

امين يارب ويرزقج انت بعد الي بالج … ادا لج نيه سويها انا غبيه لما ضعفت حيل استوعبت بس الله كاتب جدي والحين ماادري شنو راح يكون شكلي بس الي اعرف اي شي احسن اندروير الاسفنج بحرقه لوووووووول

مشكور حبيبتي …
بصراحه دكتور كان صريح معاي .. وانا فكرت فيها اي شي احسن من الحين حتي لو كان بروز خفيف انشالله تكون حلوه …ساشا يقولي احملي ويبي بعد اثنين اقوله دكتور انا الحمدالله مابي عندي ثلاثه يهال والحمدالله يقولي لا خمسه احسن