|
السلام عليكم ورحمة الله وبركاته
بنات سؤاااااااااااااااال
الحين عقب التكميم…كم يكون معدل نزول الوزن؟؟
أنزين ينزل الوزن ألين متى؟
وهل يثبت بعدين خلاص ما ينزل؟؟؟
تعرفون ليش؟؟؟؟
لاني سويت العملية تاريخ 8/2/2011 وكنت 88.8
ومن امس الميزان وقف ما ينزل…والحين صرت 81.5
يعني عورت راسي ودخلت عمليات وسوي عملية عشان 7 كيلو؟؟؟؟؟ بصراحه محبطه جدا جدا جدا
شوفي وحدةاعرفها سوتها ونزلت 15 كيلو بشهر بس كانت متيينة حيل فوق ال150
والثانية خلال 4 شهور نزلت 25
يعني لاتستعجلين
عشان مايترهل جسمج
وزني 88 وطول 152 اكيد وزاني زايد
بس حد يقولي بينزل الوزن ولا بس وقف…انا ابا اوصل 70 ظنكم متى بوصل هالوزن؟؟ كم المدة؟
نزولج طبيعي
راح يتم ينزل لمدة شهرين تقريبا بس بعدين بيصير بطيء
والحمدلله انتي ما تحتاجين وايد عشان توصلين 70
شدي حيلج وواصلي ولا تنحبطين ولا تتضايقين انا بعد نزولي نفسج
واي سؤال انا حاضر
انتظري كم شهر وان شاءالله يوصل للوزن الي تبينه ياارب…………
الي ينزلون وايد وبسرعه اهم الي اوزانهم وايد ثقيلة فوق 100
بس انتي وزنج مو وايد فلا تحاتين يثبت وبرد ينزل ان شاء الله بالصحة والعافية
موفقة
انا سويتهاا قبلج بيووم تاريخ 7 – 2
ونفسج بالضبط وزني كان بحدود 89 و 90 ونزل وزني حاليااا وصل لي 81 وثبت
وصارلي الحين 5 ايااام واهوا ثابت حتى اخوي ومرت اخوي
شيء طبيعي لانه الحين هذا الماي كله طيحيته الحين بلشتي باللحم والشحم وهذا يبيله وقت
على ما تنزلين بس لازم مشييي امشي بهل فتره ورااح اتلاحظين بعد فتره فجاه يبدا وزنج ينزل وينزل بالهبل
ولا يضيق خلقج ولا شيء اخذيهاااااااا منييييييييييي نصيحه لا تيأسييين !!! اهم شيء النفسيه ..
بقول للي سألت…لا والله ما ندمت ابدا…إلا بس النفسية تعبانه عشان الترجيع والوزن ألي صار له كم يوم ثابت مايتحرك…قلبي عورني تحريت هالتعب كله وشوي بخف..وخاطري اوصل بس 70…بس بصراحه والله يعلم ألي في خاطري اني ما ندمت ولا لحظة…بالعكس فرحانه اني سويتها…
وسويتها في تايلند كنت هناك مع الاهل…وكلفتني بحدود 35 ألف درهم …بس الحمدلله اموري ماشيه تمام التمام…بس اوصل للـ 70 واحتفل احتفال لا صار ولا استوى
bmw الحين شو نظامج في الاكل؟ انا بعدني على الماي والعصير الفريش خصوصا التفاح…بس فيني دوخه…خبريني ما عليج امر شو الفيتامينات الي وصفلج أياهم الطبيب؟
بعد ما طلعت من المستشفى ما ترييت موعدي عشان يعطيني فيتامينات…سافرت على طول …عطي ملين للبطن وحبه آكلها الصبح يمكن للوعه…
ومشكورين حبايب قلبي الله لا يحرمكم الاجر ارتحت من كلامكم