|
|
السلام عليكم ورحمة الله وبركاته
شلونكم بنات …؟؟ وشخبااركم ..؟
ومبارك عليكـــم الشهـــــــــر ,,, وعيدكـــم مبــــــــــــارك مقدما 
بدخل بالموضوع
انا توني مسويه عملية جراحيه بالمنطقه الحساسه لان كان فيني ثواليل !!!! وكانت متعبتني حييل وليلي ماقدر انامه منهم ويوم رحت الطبيب وكشفت علي قالت يبيلهم عمليه لان عددهم كبير وماينفع فيهم الكي !!!
المهم انا لاني حامل قلت لااازم اسويها لان اذا ماسويتها راح اولد قيصري واحتمال ينتقل للبيبي لانه فايروس وسريع الانتشار
انا سويتها قبل 3 ايام بس لا ليلي ليل ولا نهاري نهار بس منسدحه ولا اقدر اقعد ولا اقدر امشي وروحتي للحمام عزكم الله بالحسرره وهذا غير الالــــــــــــــــــــم الي ذابحني والدكتوره قالتلي راح يستمر اسبووع تقريبا ونسيت اقولكم ان فيها خيااااط
بس انا خايفه يستمر معاي فتره اطول وانا مو قادره اتحمل والله امووووت من البجي قبل لا اجي انام لاني ماقدر انام يذبحني حيل والله تعبت مادري شسوي
الي تعرف اي شي عن هالعمليه تطمني وتريحني …
للرفع
اخت رفيجتي مثلج كانت تعاني من الثواليل بحملها ومانفعها العلاج
عالجت نفسها بالرقية الشرعية وسبحان الله اختفوا
الظاهر كانت عين معاها
وانشاءالله اني افدتج وماعليج شر انشاءالله بس لا تهملين نفسج وعلى فكره ترى سوت العمليه بالعادي وما نفعت
والله ماعندي معلومة افيدج فيها
غير الدعاء لج
عسسى الله يشفيج ويزيله عنج بأقرب وقت ان شاءالله
وتولدين بصحة وسسلامة وماتحتاجين قيصرية يارب
ويشافيج
اسئل الله العظيم رب العرش العظيم ان يشفيك
وسوت العمليه وهي حامل بالسابع علشان البيبي اذا ولدته مايتأثر بس بباسف طلعوها من غرفه العمليات واهي لي الحين فيها يقول الدكتور فيها
اعداد كبيره وموزين تطول بطول فتره البنج وايد سوالها الي قدر عليه والباجي قال يروح عقب الولاده
ولدوها قيصري علشن يتفادون عدوه البيبي
اول ما ولدت اختفو كلهم من الله
واهيا نفسج بالضبط كان الالم عندها فظيع وماتقدر تروح عزج الله الحمام بس الحمدالله ازمه وعدت
و لا اتحاتين انشالله مثل ما قالوا البنات يروحون
بس من شنو يطلعون اساسا؟ شو سببهم ؟ ياليت الي اتعرف اتفيدنا