محتاره وابي مساااعده بخصوص د عبدالناصر خلاف والشد

السلام عليكم يعطيكم العافيه خواتي

معاكم عضوه يديده .. بصراحه انا من المعجبين بهذا المنتدى ووايد احبه لان ماشالله كل شي الواحد يلقاه ..

وعساكم عالقوه ..

ادش بالموضوع انا الله يسلمكم عمري 25 مو متزوجه .. وزني كان 99 وباراده الكل استغرب منها بحدود ال 5 اشهر نزلت 28 كيلو والحين وزني 71 .. ودشيت نادي شهر شد جسمي شوي مو واايد ومتاكده ان الرياضه ماتخلي الوحده توصل حق اللي تبيه انا اشوفها مجرد لياقه وشدد حق الجسم بس مو بصوره كامله ..المهم انا فيني ترهلات بالبطن وهمي الكبير المعده وغير الظهر .. وصدري وايد ترهل كنت البس ستيان مقاس 40 د والحين 36 سي ..

طبعا انا قريت وايد عن الدكتور عبدالناصر خلاف ووايد شفت مدح وبنفس الوقت ذم واشوف الناس تقول بسكم دعايه

انا اقول مو معقوله توصل للجذب والدعايه بشي في حياة او موت سمله علي وعليكم .. ورحتله ووريته صدري ووبطني وزنودي وقالي اسويلج شد وشفط حق البطن وشفط حق الزنود والظهر وشد ورفع حق الصدر .. وعطاني ورقه حق التحاليل .. انا مو هامتني الفلوس لان مجدده القرض بالحالتين .. بس ابي مصداقيه وابي احد يطمني وجان زين لو البنات ماعليهم امر يدزولي ارقامهم بالخاص اللي سووا عنده العمليه اذا ماعليكم امر واللي عادي عندها .. ابي ارتاح وخايفه ان اقط فلوس واتندم ولا جني مسويه شي وتظل الترهلات وخايفه ان يتشوه بطني مع ان الكل يقول خظ ضعيف وبسيط

فيدوووني واللي يعافيكم

والله يا قلبي انا بعد ودي اروحله لانه بعد قيصريتين البطن سلام عليكم بس مو وايد لاء شويه بس هم فيه يعني مو مثل قبل ووايد قريت عنه هني بالمنتدى والصراحه في بنات شوي يبالغون وطبعا الدعايات حدث ولا حرج
اهيا مو مسالت فلوس لاء بس انه الدكتور شاطر ولا لاء لانه على نفس هلسالفه من قبل تخيلي مدحولي دكتور وصلووه السما اخر شي رحت سويت عنده خشمي الله لا يوريج وعدلته عند دكتور ثني ورديت سويته مره ثالثه بس الحمدلله ضبط بس بعد معانات والحين الصراحه خاااااااايفه اعيد المأسات من جديه وايد قاعده اقرى وبروحله بشوفه يفهم ارتاحله ولا لاء
انزين انتي لما رحتيله حسيتيه فاهم ولا بس يبي فلوووس ؟؟ يعني بسوي وبسوي ويقولج شغلات انتي مو محتاجتها ؟؟ ولا عادي
عطيني رايج بليز

عادي ترى بدليات وايد لاني دااااااااااااااااااايخه

انا المشكله والحمدالله عمري ما سويت اي عمليه فوايد صعبه علي .. وانتي ما الومج مجربه وعداج الشر الحمدالله وما تعانين انشالله مره ثانيه

بس انا عمري مادشيت غرفة عمليات وخايفه ..

بصراحه انا اللي سالته عن الفلوس .. واول ما شفته قالي شنو اللي تبينه .. ماقال وريني جسمج كله وانا احدد .. انا كنت بوريه كل شي بس لما صارت الصجيه حدي انحرجت ووريته بس بطني وظهري ورحت قعدت وبدا يشرحلي وبعدين فتحتله موضوع صدري جان يشوفه والله من الاحراج اطالع سيده نسيت حتى ملامحه

وللحين مادري انتي شرايج ؟؟

يعني ارتحتيله ؟؟
شوفي لا تحاتين غرفة العمليات ترى سهالات من الله واقري اية الكرسي وانشالله ماكو الا العافيه وتعب اول الايام وانشالله تطلعين منكاااااان بس الي يبي الزين يتحمل
وو انتي شنو بتسوين بالضبط وبجم قالج يسويهم لج
اهوا مكانه بالمانر كلينيك صح؟

بصراحه ايي ارتحتله بس دشتي على مواضيعه اهنيه خلتني احاتي .. وان للحين ماحددت موعد العمليه ولا بلشت تحاليل

انا بسوي بطني مع ظهري مع زنودي شفط وشد حق البطن بس ورفع وشد صدر .. قالي شغل ايده 1500 والمستشفى 700 بالسلام والكورسيهات على 65 دينار وغير الستيان .. انا حسبتي طلعت تقريبا 3000 دينار .. وماكاسرته كلش .. والتحاليل يقولي تكلف 30دينار

انا ناطره معاملة القرض تخلص وابلش زيارات حقه بس ابي اتطمن اول شي ..

انتي جم وزنج وجم طولج .؟؟ وشنو ودج تسوين ؟

انا طولي 162 ووزني الحين 64 بس بحمالي الثاني وصل وزني لما يوم الولاده 84 تخيلي وليلحين نازله 20 كيلو ووقفت وانشاله ناويه اكمل لانه انا قبل قمت المتن عندي كان 58 من جذيه لا وولاده وقيصريه بس ترى مو وااايد بس انا ماحب جذيه بطن مو شي
انا ان شاءالله ناويه اشد بطني ب خااايفه ما يضبطه واعااااااااااني عاد هدا بطن مو هين وودي اتفخ سدري مو وايد لانه سدري بي وودي اسويه سي شرايج؟

ماشالله وزنج مثالي واللي ماذيج الزوايد .. ياربي ما احب اكوون عصله وااايد شتبين بالضعف وايد ..حلاته البنت متروسه .. وسالفة الصدر ما اقدر افتيلج .. بس اتوقع انه شكله مو غلط صدرج لانج مو متينه وايد .. اهو شكله صغير وغير عن جسمج بصوره واضحه ؟

لاا يا قلبي انا ماصير عصله لو مهما ضعفت جسمي يتم فييه اشيااء بس انا ينيي من الله هذوول الي منيه ومنييه والكرش الي ناط مااال امه داعي وصدري بالنسبه لجسمي شوي شوي صغير وودي اسويه من بي ليه سي يعني مجرد اني اتفخه سوي واخليه واقف مع انه مو نازل بس يعني حركات ويعني متردد على صدري بس بطني ان شاءالله راح اسويه
ويييييييييييييي انتي بروحج محتاره وانا ييت عفست الدنيا
انتي متى ناويه تسوين ؟؟
انزين عندي لج نصيحه ليش ما تصلين استخاره

نطري واستفسري .. انا ما راح اسوي الا لما اشوف ردود البنات وانشالله غير صلاة الاستخاره

والله كريم

عالاقل انتي اهون من الي تقول الدكتور جذي فعلته وجذي فعلته ويخرعون الواحد

نطري واستفسري .. انا ما راح اسوي الا لما اشوف ردود البنات وانشالله غير صلاة الاستخاره

والله كريم

عالاقل انتي اهون من الي تقول الدكتور جذي فعلته وجذي فعلته ويخرعون الواحد

لا والله لا تستعيلين صلي استخاره وانشالله راح ترتاحين وتسوينها وماكو الا العااااااااااااااافيه ان شاءالله

سكوووووووووووتكم يخرع .. انا اشوف يوميا تدشون .. يوم صار موضوعي محد رد علي

هلا وغلا حبيبتي
شلونج بشريني عنج .. غالييتي انا حاولت أمس ادزلج عالخاص وارد على أسئألتج ما يستقبل محظور عندج مادري ليش؟
عموما لا اتحاتيين اذا حابة اتكلميني على الموبايل انا حاضر واذا حابه اتشوفيني واتشوفين شغل الدكتور هم حاضر انتى اختي
واحنا كلنا اهنية نساعد بعض وكلنا عندنا مصداقيه للدكتور عبدالناصر خلاف ..
شوفي شلون اقدر ادزلج عالخص رقمي ضبطية وقوليلي..

شلونج حبوبه أنا أول مرة أدخل موضوعج .. ونفسج محتارة

أنا سألت وايد عن الدكتور الكل يمدحه الأغلبية يعني وشخصيا ما أعرف أحد سوا عندة

ورفيجت أمي قالتلي عن دكتور نيشو إهيا مسويه عنده من سنتين بس شد بطن

تمدحه ,انا أشوف أن بطنها زين بس إهيا للحين متينه فالنتيجه ما تشجع بس العيب فيها ماضعفت

وترى بالنسبه للأسعار ما يفرقون وايد

د. عبدالناصر أرخص شوي .. وصراحه أنا من رايج أهم شي أن يكون زين وشاطر

نصيحتي كثري الأستغفار وصلي استخارة وتصدقي وبعدين قررى بإذن الله تاخذين القرار الزين لج

لا تفكرين وايد ترى تضيعين

أنا سالفتي غيير للحين ما وصلت الوزن إلي أبيه

وموعدي مع دكتور عبد الناصر الخميس إن شاء الله أول زيارة لي

أبي أستشيرة وبنفس الوقت أبي يشفط دهون ويساعدني على الضعف .. يعني بشوف شنو اقتراحاته

بالتوفيق حبيبتي – وناطرة أخبارج طمنيني عليج