مهم جدا بالبلون بالمعده

شلونكم تعالوا لا تطلون من الدريشه

انا بدبه وابي اضعف كل مااسوي رجيم مااستمر عليه
فقررت اني اسوي بلون بالمعده بنات مو تعرف عن البلون شي تساعدني زين ولا مضر ارجوكم ساعدوني
عسى دربكم درب السلامه وشنو احسن دكتور يسويه

وشكرا ردو عفيه ولا ماترد ياليت ترفع رفع الله قدرها

اب اب

للرفع

وينكم كويتيات وخليجيات مارديتوا علي بليز ردوا ولا ارفعوا

هلا والله اختي
جم وزنج بالاول حبيبتي عشان ننصحج تسوينها ولا لا
انا اللي اعرفه انه محد ينصح في بالون المعدة حرام راح تتأذين
اذا زيادة وزنج 20 او 30 كيلو لعبي رياضة وخففي اكلج صدقيني تقدرين تتغيرين

تقبلي مرووووري

يارب يعود الغالي وتنزلين لين الوزن المثالي بس كم وزنج يا اخت كشحة وكيوت

(( دخلت انا ام تخصص لوووووووووووول ))

استغفر الله صار فيني وسواس من كثر ما اتابع التجميل .. حسبي الله على فنانات لبنان اشغلونا بنفسنا

ياطويلة العمر مابي اطول عليج

البالون يستخدم في حالتين

الحاله الاولى _ الوزن الزائد القليل يعني 10- 15 كيلو تقريبا اما اذا وزن كبير اعتقد ماينفع

الحاله الثانيه _ اللي وزنه جدااا كبير ومايقدرون الاطباء يجرون له اي عملية تحويل او تدبيس او حلقه (( مايقدرون يخاطرون لان احتمال يموت بالبنج )) .. عشان جذي يحطون له البالون كحل مؤقت يقللون من وزنه شوي وبعدين يشيلونه ويسووون له عمليه تحويل او حلقه

مثل ما سووا حق شعبوله الله يشافيه

والبالون ياطويلة العمر يكون عن طريق منظار يدخلون البالون للمعده ويتفخونه فيها ..

وينشال بعد 6 شهور فقط والوزن المتوقع نزوله تقريبا 20 كيلو

لكن بعد مايشيلونه احتمال 90 % او اكثر يرجع الوزن كما كان

يعني لا طبنا ولا غدا الشر

ملاحظه البالون قد يسبب تقرحات دائمه في المعده وهذا اهم عيب

مشكورات حبيباتي
انا وزني 76 وطولي 150 يعني يبيلي 27 او 25 كيلو
ماكوفايده اول اسبوع متحمسه لرجيم وثاني اسبوع اخليه
عندكم حل لي اي شي حبوب بس ماتكون مضره اي شي تكفون ساعدوني

مركز الطب الاسلامي عنده كبسولات تنزل الوزن اعشاب طبيعيه

انا نزلت خلال اسبوع 4 كيلو

بس وحده ثانيه استخدمتها مافادتها

يعني حسب الجسم

جربي وبالتوفيق

وطبعا المركز مجاني للكويتيين

رفيجتي سوت العمليه عند الجار الله كلفتها 800 مع المستشفى حلوو
كان وزنها 95 وصار 65 شوقتني وخذيت موعد عند الجار الله اذا عجبني كلامه بتوكل على الله واسويها

انا سويته ومانزلت الا 8 كيلوات ولما شلته رديتهم
حراااااااااااااام لاتقطين فلوسج عالفاضي
والله مامنها فايده
والله

اللي أعرفه انه رفيجتي حطته اليوم بالليل وما تحملته شاله من باجر الصبح وكلفها 1000 دينار قطتهم بالزباله تقول محد يتحمله جنه صخره بمعتدج والحين سوت تدبيس ومرتاحه عليه

بصراحة واايد ما ينصحون بعملية البالون

انا وحدة منهم بغيت اسوي الدكتور نفسه ما نصحني وقالي شوي رياضة ورجيم واعتدال بالاكل كل شي اوكي

اي انا رحت حق دكتور بالسلام بغى يطقني لول يقولي بالرجيم تنزلينهم .. وقالي تقعدين اسبوعين تقريبا ترجيع ولوعه

سمعت هالسالفه جاااااااااان انحششششششششششششش

بعدها بشهر رفيجتي قالت لي بحط .. عيزت وانا انصحها وماكو فايده ..

حطتها اسبوعين صار معاها التهاب بالمعده وقامت حشاكم ترجع دم والدكتور قالها لازم نشيلها .. كلفتها 1200 بالسلام

ولي الحين معاها عوار معده مسكينه

واعرف وحده مشت معاها ماشاء الله

بس تبين رايي .. ماانصح ليش تعرضين نفسج ل 50% فشل او نجاج