استفسارات عن عمليات المعده تكميم – )

السلام عليكم

شلونكم بنات

بغيت اسأل عن عمليات المعده
التحويل والتكميم والسليف والتصغير؟؟
شنو الفرق بينهم ؟؟
لاني ابي اسوي ومو عارفة شسوي
بستشير دكتور
بس في البداية ابي اعرف تجاربكم عشان اسأله

وماعندي امكانية اني اسويها بالخاص فبسويها بالحكومة يا اما بالعدان عند دكتور فهد الاصفر او محمد العجمي في العسكري؟

فجان زين الي مسويه عندهم تقولي شلونهم من دكاترة ؟
وشلون الوضع عقب العملية ؟؟
والنتايج

وكل شي

للعلم انا وزني 103

ومشكورين مقدما

اقتباس:

المشاركة الأصلية كتبت بواسطة حياة زوجي وانا بعد مسويتها عند فهد الاصفر وبعد العيد اتمم 4 اشهور والحمد الله وايد مرتاحه

قوة حبيبتي شلونج
والف الحمدلله على سلامتج
حبيبتي الدكتور فهد بجم سوالج العملية انا سمعت ان الاسعار زادت ضج!!!
انا سويتها من سنتين 850د
ونظام الاكل كان ب 6 شهور والحين سمعت سووها ب 3شهور
وشلون على الفيتامينات والابر
امبييييييييييييه انا كلش مومداومة عليهم
ادري واااااااااااجد قرقررررررررررر
لووووووووووووووول

اقتباس:

المشاركة الأصلية كتبت بواسطة miss kisses معاى بالدوام وحده مسويه عملية تحويل مسار عند نفس الدكتور اللى سوه حق ديانا كرزون والجسمى هوا دكتور سعودى وعنده منتدى بعد اذ تبين ايب لج اسمه والمنتدى بس شااااطر جسم ارفيجتى صار مو طبيعى الكل يقولها شنو هل جسم بس بعدها لازم تاخذين فيتامينات للشعر او ابر فيتامينات لانه راح تشوفين شعرج يطيح , اذا تبين اعطيج السايت تبع الدكتور بس نصيحه لا طوفينه

مشكورة وما قصرتي
جني اعرف الدكتور
وايد اسمع فيه سعودي
اسمه سلطان او اسم اوبه سلطان !!

اقتباس:

المشاركة الأصلية كتبت بواسطة juventus.girl.q8 السلام عليكم انا مسويه العملية بالعدان عند فهد الاصفر وماشاءالله خوووووووووش دكتور وشاطر وعمليتي تحويل مسار والحمدلله انا صارلي سنتين من سويتها وكل اموري زينة ولله الحمد حبيبتي انتي استخيري وتوكلي على وسويها وان شاءاله حياتج راح تتغير 360 درجة ودشي قوقل وراح تعرفين الفرق بين العمليات الثلاث

مشكوورة وما قصرتي

انا مرتاحه للدكتور بس خايفة من العدان
اخاف من هالمستشفى
البنج والعناية !!

اقتباس:

المشاركة الأصلية كتبت بواسطة حياة زوجي وانا بعد مسويتها عند فهد الاصفر وبعد العيد اتمم 4 اشهور والحمد الله وايد مرتاحه

مشكورة ما قصرتي

شنو العملية الي مسويتها ؟
و الابر حق شنو؟؟

ومدة العملية جم ساعه ؟؟

اقتباس:

المشاركة الأصلية كتبت بواسطة حياة زوجي فهد الاصفر الحين بلاميرى وعيادته كل اربعاء ناكل كل شى بس بسرعه نشبع اما من ناحيه الحلويات ما راح تقدرين تاكلين راح يصير فيج نغزات بالقلب الا اذا كان حلو دايت من حلويات دايت سنتر او دايت كير

يعطيج العافيه

اقتباس:

المشاركة الأصلية كتبت بواسطة حياة زوجي الله يسلمج حبيبتى للحين السعر ما تغير سويتها 850 وصح نظام الاكل 3 شهور الظاهر ملو لووووووووووول والابر قصدج السيوله خذيتها 5 ايام وتصدقين فيه وحده ماخذتها شهر بس عند دكتور ثانى اما الفتامينات عطانى كالسيوم وقالى اخذى فيتامين قوى ويكون شامل كل شى بس انا لما سويت بحث وسألت صديقاتى اللى مسوين عمليه مسار اتضح انى لازم آخذ الحديد والكاسيوم وب12 والزنك وآخذ معاهم بونتغار للشعر بس الحين دورى جهزى نفسج للاسأله انتى جم يوم عطوج ابر ؟ وعلى كلامج صارلج 3 اسنين جم نزلتى تقريبا؟ وكنتى تمشين او دخلتى النادى ؟ واذا انا بدخل النادى من اى شهر ادخل ؟ انا خاطرى ادخل النادى وره العيد بصير لى 4 شهور هل تمارين المعده تأثر على المعده؟ يالله عاد الهمه وردى على استفساراتى

هلا حبيبتي
انا حاضرة لكل اسالتج ياقلبي
الابر حبيبتي انا كل شهر اخذ وحدة اهيا اسمها ب12 لونها احمر بالعضل
وانا صارلي سنتين ونزلت 60كيلو ماشاءالله تبارك الرحمن
وانا لاكنت امشي ولا اسوي رياضة بس بصيحة سوي رياضة المشي عشان جسمج يشد ومايترهل وااايد ولاتنسين تمارين الزنود انا غلطتي اني ماسويت تمارين للزنود والله لايوريج المأساة اللي انا فيها
والله حبيبتي انا الدكتور ماقالي دشي نادي واعتقد ان تمارين المعدة اكيد تأثر على المعدة
ان شاءالله اكون جاوبت على كل اسئلتج وحبيبتي اذا تبين تساليني اي سؤال اتمنى انج ادشين موضوعي تجربتي مع الدكتور عهدي للتجميل عشان ناخذ راحتنا اكثر
_03ba:_03ba:_03ba:
وانتي حبيبتي اشكثر صارلج وجم نزلتي
وحبيبتي انا قريت لج رد تقولين ان فهد راح الاميري شنو طلع من العدان ؟؟؟؟وهل ليلحين عيادتة كل اثنين ؟؟؟
واتمنى يكون الرد بموضوعي
وشكررررررررااااااااااااااااااااا

اقتباس:

المشاركة الأصلية كتبت بواسطة carrot^cake مشكوورة وما قصرتي انا مرتاحه للدكتور بس خايفة من العدان اخاف من هالمستشفى البنج والعناية !!

حبيبتي لاتحاتين المستشفى زين بس عيبة الازعاج يعني مادري ليش اهالي المرضى ايون عيالهم معاهم لا وصبيان بعد واللع العظيم يلعبون كرة بالممر وغميضة وعاد سمعي الاصراخ
بس من ناحية البنج اللي بعد العملية واااايد زين وهم خلي الدكتور يكتبلج على مسكن قوي والسسترات هم زينات يعني انتي سولفهم معاي ووزعي عليهم كاكاو اغراءات اوووووووة يقومون فيج قووووووومة لاصارت ولا استوت اسال مجرب
والله يقومج بالسلامة ياقلبي