|
|
ناس كتير هتسأل وتقول :
إحنا عارفين إن شهر رمضان شهر بركة وإيمانيات وكل حاجة ..
بس ؛ ليه كل ده ؟؟
ليه الإهتمام الزيادة أوي ده برمضان ؟؟؟
اشمعنى رمضان اللي عمالين تقولوا لازم نستعد ليه ونجتهد فيه
ونموت نفسنا من الطاعة والعبادة ؟؟
لأن شهر رمضان ليه فضائل و مميزات لو عرفتها،
هتعرفى قد ايه انتى لازم تستعدى له..!!
هتعرفى قيمة رمضان و قدره الحقيقي ..!!
هتعرفى ان الثانية فيه من ذهب.. بل اغلى والله..!!
تعالوا يا اخواتي نشوف بعض فضائل شهر رمضان:
1. شهر البركـــــــــــة:
قال رسول الله صلى الله عليه و سلم: ( أتاكم رمضان شهر مبارك …. ) صححه الالباني،
و قال ايضا: ( رمضان شهر مبارك ) صححه الالباني،
رمضان شهر البركة.. بركة في كل حاجة..
2. شهر تسلسل فيه الشياطيـــــــن:
قال رسول الله صلى الله عليه و سلم: ( أتاكم رمضان شهر مبارك ، فرض الله عز وجل عليكم صيامه ، تفتح فيه أبواب السماء ، وتغلق فيه أبواب الجحيم ، وتغل فيه مردة الشياطين ، لله فيه ليلة خير من ألف شهر ، من حرم خيرها فقد حرم ) صححه الالباني.
و قال صلى الله عليه و سلم: ( اذا دخل شهر رمضان فتحت ابواب الجنة و غلقت ابواب جهنم و سلسلت الشياطين ) متفق عليه.
بقالك 11 شهـــــــــــر بتقولى الشيطان الشيطان…
اهو الشياطين اتسلسلت يا اختى..
يا ترى ايه اللي هيخليكى تعصي ربنا بعد كده ؟؟
استغلى بقى الفرصة دي عشان تصلحى نفسك ..
نكمل مع بعض فضائل رمضان
3- تُفتح فيه أبواب الجنة وتُغلق فيه أبواب الجحيم :
قال رسول الله ( صلى الله عليه وسلم) : " إذا دخل شهر رمضان فُتِّحت أبواب الجنة وغُلّقت أبواب جهنم " متفق عليه
أبواب النار كلها مقفولة .. اللهم لك الحمد ..
وأبواب الجنة كلها مفتوحة قدامك ..
يــــــا ترى هتلحقى كام باب فيها ..؟؟
ولو لاحظنا الأحاديث دي يا اخواتى .. هنلاقي ورد فيها 3 روايات .. كل واحدة بلفظ مختلف ..
* أول رواية : " تفتح فيه أبواب السماء"
╝◄إشارة إلى استجابة الدعاء
* و ثاني رواية : " تفتح فيه أبواب الجنة "
╝◄إشارة للخير والبركة والحث على التنافس والمسارعة في الطاعة ..
* والرواية الثالثة : " تفتح فيه أبواب الرحمة "
╝◄إشارة لكثرة الرحمة والعفو والمغفرة …
4- شهر الصيام = ثواب سنة صيام :
◄◄ قال رسول الله صلى الله عليه وسلم :" صيام شهر رمضان بعشرة أشهر وصيام ستة أيام بعدها بشهرين فذلك صيام السنة " صححه الألباني
30 ( رمضان) + 6 ( من شوال ) = 360 ….!!!
5- شهر تكفير الذنوب والخطايا :
◄◄ قال رسول الله صلى الله عليه وسلم :" الصلوات الخمس والجمعة إلى الجمعة ورمضان إلى رمضان مكفرات لما بينهن إذا اجتنبت الكبائر " رواه مسلم