تجمع الحشوات التجميليه تجارب x عيادات x اسعار

السلام عليكم

شلونكم يا حلويييين

قررت اسوي موضوع عن

الحشوات التجميليه (اللون الابيض)

ياليت البنات يشاركونا بتجاربهم

كل وحده تحط اسم العياده و السعر و اسم الدكتور و التجربه

يلا بنات خل نعرف اكثر

و هذي صور بتحركم

خصوصا اللي يبون يسوون هوليوود سمايل او فينير او لومينير

لا ينسون اسنانهم من داخل اذا فيها حشوات رماديه بيكون الشكل XXX

وهذي صور للتشجيع

وببدي انا بتجربتي

تجربتي كانت قبل سنه تقريبا في

عيادة الميدان – صباح السالم – دكتوره عروب

كان عندي ضرس ورا ثلاث ارباعه حشوه رماديه و لما ابتسم يبين طرفه شوووييه

و كان مضايقني .. رحت لها مارضت تبدل الحشوه لان 3 ارباعه محشي

قالت لي بلبسه زركون … و بردت الضرس صار جنه اسطوانه هههههههه

و لبسته برزركون و ماشاء الله لا اله الا الله يهبل .. لونه طبيعي و اطراف اللثه ورديه

اخذو مني 140 تقريبا وماني متحسفه عليهم كلللش لانه صج الشغل جنه ضرس صجي لا اله الا الله

للامانه الدكتوره نفسيتها تهبل ايدها خفيفه و تراعيج وايد واهيا تشتغل ماتضغط عليج .. تسلم ايدها صراحه

الحين بكمل الباقي من اسناني لان عندي كذا ضرس ورا لونهم رمادي من الابتدائي

و بسوي هوليوود سمايل فلازم ابدل اللي داخل بعد

يلا يلا يلا ياحلوين نبي تجااااااااااارب

الدكتور هادي ونفسيته حلوه

والاسعار تختلف في شي سواليه بـ 20 وفي بـ 30

وسويته حشوه لـ الضرسين الي جدام بـ cmc

ما عجبني شغل الدكتور كلششششش والضرس سواليه بـ 15

وبـ فيرجينيا سويت حشوه لـ ضرس عند دكتوره سوريه ناسيه اسمها

شغلها زووين

بس بـ النسبه لي احسن شي شغل د. شادي

اقتباس:

المشاركة الأصلية كتبت بواسطة bshbshanea انا اغلب الحشوات سويتها عند د. شادي بـ عيادة تيجان السالميه الدكتور هادي ونفسيته حلوه والاسعار تختلف في شي سواليه بـ 20 وفي بـ 30 وسويته حشوه لـ الضرسين الي جدام بـ cmc ما عجبني شغل الدكتور كلششششش والضرس سواليه بـ 15 وبـ فيرجينيا سويت حشوه لـ ضرس عند دكتوره سوريه ناسيه اسمها شغلها زووين بس بـ النسبه لي احسن شي شغل د. شادي

حبيبتي ماقصرتي عالتجربه الحلوه

معقوله حشوه بيضا مع الشغل ب 30 ؟؟

والله السعر واي واااااايد زين

ومشكوره على تجربتج

اقتباس:

المشاركة الأصلية كتبت بواسطة la moda حبيبتي ماقصرتي عالتجربه الحلوه معقوله حشوه بيضا مع الشغل ب 30 ؟؟ والله السعر واي واااااايد زين ومشكوره على تجربتج

انا الذاكره عندي لج عليها بس هذي الاسعار الي اتذكرها

مادري اذا سوالي اقل من جذي او لا بس اعتقد لا

لان بـ اعلانهم كاتبين الحشوات تبدي بـ 15

حتى سوالي حشوة عصب مع وتد مادري وتر بـ 30 كنت بسويها بعياده ثانيه اغلى من هـ السعر

يعطيح العافيه ع الموضوع ~

اقتباس:

المشاركة الأصلية كتبت بواسطة &شواقة الكويت& انا كان عندي اسنان ورى فيها حشوات رصاص وسويتهم بعيادة تيجان تلبيس زيركوون السن الواحد ب120 الشغل رووووووووووووعه صراحه والدكتور محمد سماره شغله يهبل

اي تيجان فيهم ؟ بأي منطقه ؟؟

اقتباس:

المشاركة الأصلية كتبت بواسطة l e d i a سبحان الله توقيت موضوعج عجيب (: توني الاسبوع اللي طاف مبدلة حشوتين رصاص كنت مسويتهم سنة 95 والسبب طبعاً مثل ما قلتي، لمن أضحك حيل أحس فجأة أتذكر حشوات الرصاص فأسكر حلجي دايركت لأني أحس باحراج، وما رح تقدرين طبعاً إنج تشرحين للناس إن هذا رصاص مو سوس ههه اممم البعض بيقول شعليج من الناس دام الحشوة مو مضايقتج، أصلاً تخيلي اكتشفت إن محد منتبه لهم أساساً ولا ملاحظهم، بس اهيا السالفة زيادة ثقة بالنفس وبالضحكة (: آخر شي بقوله إني سويتهم بالحكومة ، اختي طبيبة أسنان وسوتهم لي ، طبعاً ما رضت تسويهم لي على طول، لأنها اهيا تشوفها من ناحية صحية فتقول لي الرصاص أفضل وأقوى وإنها لو شالت الحشوة رح تبتدي وياي حساسية بأسناني ، ايدها خفيفة بس صج تألمت لأن الحفر كان بجهاز معدن والحشوة رصاص فتخيلي الكهربا اللي كنت حاسة فيها ، بس كنت شطورة وماسكة عمري عن البجية (: أتمنى لكم جميعاً ابتسامة صحية وجميلة . .

حبيبتي عليج بألف عافيه والله .. ياليت اختي طبيبه اسنان اسوي شغلي ببلاش وناسه
صراحه ماعندي ثقه بدكاترة الحكومه مادري ليش

اقتباس:

المشاركة الأصلية كتبت بواسطة la moda اي تيجان فيهم ؟ بأي منطقه ؟؟

فرع الفحيحيل الدكتور محمد سماره

اقتباس:

المشاركة الأصلية كتبت بواسطة l e d i a سبحان الله توقيت موضوعج عجيب (: توني الاسبوع اللي طاف مبدلة حشوتين رصاص كنت مسويتهم سنة 95 والسبب طبعاً مثل ما قلتي، لمن أضحك حيل أحس فجأة أتذكر حشوات الرصاص فأسكر حلجي دايركت لأني أحس باحراج، وما رح تقدرين طبعاً إنج تشرحين للناس إن هذا رصاص مو سوس ههه اممم البعض بيقول شعليج من الناس دام الحشوة مو مضايقتج، أصلاً تخيلي اكتشفت إن محد منتبه لهم أساساً ولا ملاحظهم، بس اهيا السالفة زيادة ثقة بالنفس وبالضحكة (: آخر شي بقوله إني سويتهم بالحكومة ، اختي طبيبة أسنان وسوتهم لي ، طبعاً ما رضت تسويهم لي على طول، لأنها اهيا تشوفها من ناحية صحية فتقول لي الرصاص أفضل وأقوى وإنها لو شالت الحشوة رح تبتدي وياي حساسية بأسناني ، ايدها خفيفة بس صج تألمت لأن الحفر كان بجهاز معدن والحشوة رصاص فتخيلي الكهربا اللي كنت حاسة فيها ، بس كنت شطورة وماسكة عمري عن البجية (: أتمنى لكم جميعاً ابتسامة صحية وجميلة . .

حبيبتي أنا عندي مثلج ضرسين تحت غيهم حشوه رصاصيه

وحابه أسوي لهم حشوه تجميليه زي باجي الاسنان

بعد كلامك ذا أرتعت من صجك لازم يشيلون الحشوه الرصاصيه

مايصير يحطون فوقهاا حاجه يغطي اللون زي البورسلين كثير مدحوه لحالتي

يلا انتظر ردج قبل اتوهق وأركب بورسلين