اللي مجربه تبييض منزلي () تسدح تجربتها هني :)))

بنات حسيتو بفرق ؟؟ او لا؟؟ ومتى بانت النتايج؟؟
انا لما اشيل القالب اشوف خطوط بيضا على ضرسي في احد نفسي

انا مسويتها عند عيادة اسنان ياليت احد مسويها باسنان خصوصا يفيدنا

شدعوه محد مجرب ؟؟!!

هلا حبيبتي انا مسويتها عند عياده الفوزان احطه ساعتين لمدة اسبوع وبعدها كل اسبوع مره

شوفي اول الايام حسيت في فرق بس عقبها احسه ماسوت شي

اختي كانت تراجع بالفوزان وعطاها الدكتور القوالب وطريقة استعمالهم لمده 5 ايام وتقريبا 5 ساعات باليوم ناسيه بالضبط صرااحه بيضو اسنانها يمكن من شخص لشخص يختلف ,,, وموفقه ^_^

أنا حاليا اسويها وبمستشفى الهادي
بس صارلي 6 ايام واحس بتغيير عجييييييييييييب
والله ما اقص عليج اسناني كانو حيل صفر وصارت بيضا
بس لازم احافظ عليها وصرت اتجنب كل الاشياء اللي تلون الاسنان مثل الشاي والقهوه والبيبسي وهالامووور
اهم شي البيبسي كنت مدمنه عليه وقطعته عشان اسناني بس
اذكر اول يومين اسناني كانو يعوروني بس الم بسييييط
الحين الوضع جدا عادي
انصحطم بهالتبييض آآمن ويجيب نتيجه

جربتهم !! عطانياهم دكتور انعرفه لونهم ازرق من بره !! اول ماجربتهم اسناني قبت علي خصوصا اسناني حساسه وايد !! واوقفهم بس فتره والثانيه

اول ماتشيلين القالب اتصير اتينن عطيهم جم ساعه ويردون نفس اول :/ مادري اذا هالشي بس على اسناني

عموما انا ابي اسوي تبيض بالعياده اعتقد يكون بالليزر انشالله يكون مضمون اكثر

نصيحه سوي بالعياده و استخدمي الخيط وانتي بالتمام

انا سويتهم بعيادة الثريا بالفروانية ماتذكر بجم سوا لي القوالب

طبعا ماقدر اطول فيهم حدي ساعتين بعدين تعورني اسناني عوار مثل عوار العصب ..
بس النتيجة حيل مرضية تصير اسناني بيض واضحك بثقة

لكن اتم يومين بعد القالب ماشرب لا قهوة ولا شاي ولا بيبسي او اي شي يلون الاسنان مثل الفيمتو .. واذا شربت بالغلط فنجال قهوة – لاني ماصبر عنها – تقلب اسناني صفر

صح انا لاحظت بعد فتره من شلت القالب يرد لونهم بس خفيييف ولما ارد احط القالب يردون يلقون بس عموما خوش تبييض وايد يغير اناا اخليه يوم وترك 8 ساعات

بنات نصيحة ……….تري موووو زين ياثر علي اللثة والأسنان
بعد مدة يبين……………….