الي حطت تقويم و ما التزمت بالريتيرنر . عندي سؤال بلييز

السلام عليكم..
بنات انا الحين حاطه تقويم صارلي بالضبط سنتين و 9 اشهر و الحين خلصت منه و ان شاء الله بشيله الاسبوع الياي بس المشكله ان النتيجه النهائيه كلششششش مو عاجبتني لاني كنت احلى بوايد و تحسفت اني حطيت تقويم اصلا… لان سمايلي كان حلو و اسناني مافيها عيوب بس اللهم فتحات بسيطه بس الي خلاني ادش باب التقويم مشكله فكي عندي الفك السفلي بارز و عوي و الفك الفوقي داش لي داخل و هم عوي بس شي بسييط كلللللش مو مبين الي يشوفه يقول سليم و كان الفك الفوقي صغير بس عقب ما حطلي جهاز تعريض الفك عرض ويهي و صار واااااااااايد احلى و بعد التقويم الاسنان الفوقيه رجعت لي ورا زياده و الاسنان التحتيه هم رجعت و الحمدلله صارت عضتي عدله اهي كانت معكوسه يعني الاسنان الفوقيه كانت ورا و الاسنان التحتيه جدام اما الحين صارو صح بس الفك مازال بارز يعني الاسنان اهي الي رجعت انا الفك مثل ما اهو بمكانه ف قالي الدكتور انتي الحين مخيره بين امرين اما انج تشيلين التقويم مع العلم ان في احتمال انهم يختربون و ترد عضتج مثل قبل ف لازم تلبسين الريتيرنر طول عمرج و اذا اختربو نرد التقويم مره ثانيه و نسوي العمليه او ان اهم ما يختربون و تظلين مثل ما انتي ما ندري حسب قوة شفايفج و لسانج و اذا تبين تسوين العمليه لازم ارد اخرب الاسنان مره ثانيه واخلي يالسنان التحتيه ترد على مستوى الفك و ترد عضتي مقلوبه مثل قبل و بعدين يسويلي العمليه و لما رحت حق الجراح قالي اذا بسويلي ماراح يسويلي فك واحد راح يسويلي فكين و انا بصراحه مابي فكين لان راح يتغير شكلي بالكامل و خشمي راح يفرش و انا ماعندي استعداد ف بعد ما استخرت قررت اني خلاص اشيل التقويم و قلت يمكن ما يختربون و اظل مثل ما انا لان عيب فكي كلش مو مبين بس الحين الي مضيق خلقي ضحكتي مأساااااااة والله لما اضحك ما تبين ضروسي عدل الاسنان الفوقيه وايد راحت لي ورا قبل ما كنت جذي ف الحين انا افكر اذا شلت التقويم ما احط الريتيرنر حق فوق عشان يجدمون مثل قبل بس احط حق الي تحت عشان احافظ على عضتي .. ف السؤال اهو اذا ما لبست الريتيرنر و اهملته هل راح ترد الاسنان مثل ماكانت ولا راح تخترب بعض الشيء يعني ما ترد مثل قبل بس ان يختربون شوي ؟؟؟ و سوري اذا طولت عليكم بس شسوي مشكلتي مشكله طويله عريضه

هلا حبيبتي
انا كنت حاطه تقويم ولما شلته كاانت نتيجه حلووه وبعدين ما استمريت بالمتحررك ردو تعفسو شوي صار واحد فوق الثاني شوي لفوو عرفتي واضطرييت احط مرره ثاانيه اهى اهى

والحييييييييين تووبه بستمر على المتحرك ما ابيهم يردوووون

قلت لج تجربتي وان شاءالله اكوون فدتج

هلا حبيبتي
انا كنت حاطه تقويم ولما شلته كاانت نتيجه حلووه وبعدين ما استمريت بالمتحررك ردو تعفسو شوي صار واحد فوق الثاني شوي لفوو عرفتي واضطرييت احط مرره ثاانيه اهى اهى

والحييييييييين تووبه بستمر على المتحرك ما ابيهم يردوووون

قلت لج تجربتي وان شاءالله اكوون فدتج

اهااا .. انزين لما اختربو صارو نفس قبل لا تحطين التقويم ولا غيير ؟
انا ودي على الاقل ما احط الريتيرنر حق اللي فوق عشا ابي يجدمون شوي اسناني الي فوق وايد رايحين لي ورا