اللي اسنانها تدخل

بنات انا عندي ضرس عليه نقطه و ( بقعه ) مادري شسميها

بس لونها ابيض بزياده عن لون ضرسي وطبعا اهي خلقة ماتروح

ماتدرون لها علاج او حل ؟ او ممكن يشيلها لي دكتور الاسنان؟؟

ليش مارحتي طبيب اسنان اتوقع الي عندج جير ويروح ويا السكيلنق تنظيف الاسنان راجعي طبيب وانشاء الله تكون مساله عاديه تروح بتنظيف

لا مو جير ابدا اشلون اوصف لج اياها

حتى بنت خالتي فيها

اهي نقطه صغيره على الضرس من جدام مو تحت !

ولا له علاقه بالتنظيف اهوا بالضرس نفسه

مشكوره حبيبتي عالرد

اختي عندها .. رحت سألتها قالت لي حشوة ..

اختي تقولج روحي سوي تنظيف يمكن بالحك اتروح

أأأم لا يكون الي مثل الشامه بس بيضه
ماتروح هذي

اذا تبينها تروح لازم يشيلها الدكتور مثل السوس ويحشي لج مكانها

البقعه هذي ما تروح وعادي طبيعيه ترى تطلع لكل الناس

مشكورين وااااااااااايد لكل وحده دون استثناء لاحد ماقصرتوا

مناوي يعني اطلب منه يشيلها ويحشي مكانها

عاد هالشي طبيعي والا اخاف يضحك علي او مايوافقني

بنات لو طلبت من دكتور اسنان يحك لي اسناني يعني انا عندي ضروسي من جدام واحد من طرفه انحت شويه صار اقصر من الثاني بشي بسيط

اقدر اقوله يحك اسناني ويخليهم بشكل متساوي يعني يحك فيهم ليما يصيرون كلهم اقصر من حجمهم السابق

لان عاجبني شكلها الحين

يصير والا لا؟ ويضحك علي لول

فركي ضرسج بكلوركس علشان يتوحد اللون وتروح البقعه ههههههههههههههههههههههههه اتغشمر معاج ياقلبي روحي الطبيب وماعليج الا العافيه ههههههههه

حبيبتي لاتروحين تحكينها ولا شي وروحي وشوفي الطبيب بيقول لج هذا نقص كالسيوم مثل ما يطلع بالاظافر يطلع بالظروس

وماكو علاج لها الا انج تعوضين بالكالسيون يمكن تخف بس ماتروح لانه الضروس لمه كانت تنموا كان وياج نقص الكالسيوم ومن جذي صارت عليها بقعه بيضا

الغاليه نونو لوووووول ودج اسويها خخخ بس اعتقد ان بهالوقت كل شي يصير

ام كرز اي والله صج ترى عندي نقص كالسيوم من ايام المراهقه حاد

اختي قبل لا تفكرين انج تبردين ضروسج الاماميه..
اقري هالحديث..

يقول رسول الله صلى الله عليه وسلم..
لعن الله الواشرة والمستوشرة .

( الواشرة هي التي تحدد اسنانها وترقق اطرافها. والمستوشرة هي التي يفعل لها ذلك).
المصدر كتاب الداء والدواء
لابن قيم الجوزية