تكيس المبايض وتساقط الشعر ؟؟؟؟؟؟؟؟؟؟!!!!!!!!!!!!!!!!!!

السلام عليكم ورحمة الله وبركاته

بنات بغيت اعرف صج تكيس المبايض له علاقه بتساقط الشعر ؟ لانه احترت دكتور يقول له علاقه ودكتور يقول ماله علاقه

وانا عندي تساااااقط رهيييييييييييييب والفراغ يزيد يوم عن يوم ودكاترة الجلديه ماعندهم غير انيميا مااااصارت

خذيت فيتامينات عدلت اكلي حطيت خلطات تعبت بس ذاك اليوم مادري وين قريت انه وحده شعرها طاح بسبة التكيس

ولما عالجته رد شعرها !! فمااادري شرايكم انتوا التكيس له علاقه بتساقط الشعر ؟؟؟

انا فيني تكيس بالمبيض ويتساقط شعري بس خليه انتي لاتجيسينه وتلعبين فيه بالخلطات ومادري شنو اهو صج له علاقه بتساقط الشعر بس هالله هالله بنفسيتج يالحلوه عدلي نفسيتج ولا تفكرين واايد لأنه اساسن التكيس مرات يطلع من عين وصابتج اسمله عليج او من نفسية والنفسية تلعب دور في نمو الشعر وتساقطه ماعليج شر انشالله والله يشافيج ويعافيج اسمحيلي ^^

حياااااتي مشكوووووووووووووووره عالرد

من ناحية العين الناس تخلي احد بحاله على اسخف شي يحسدوون ماقووول الا الله يكافينا شر العين

والله شسوي قاعده اشوووفه حيل ايطيح وموقادره اسوي شي لما اروح الطبيب يقولولي انتي بنت ماله داعي انسويلج شي

مادري ناطرين يطيح كله ولا شنو بالضبط عشان جذي حطيت خلطات عالاقل احس اني قاعده اسوي شي

حياااتي مشكوووره والله يشافيج ياااااااااارب ويروح التكيس منج ويحفظ من كل شر

انا فيني تكيس بس ماعطوني شي للعلاج وصح كلام اختي قالت لي اهممممم شي النفسييييييييييييه وانا صج وحده آكل عمري بالمحاتات والتفكير

الله يشااافينا ياااااااااااااااااااااااارب بنات تكفون الي عندها حل تكتب حتى لو شي طبيعي يفيد الي فيهم تكيس

لانه ما اقدر آخذ حبوب منع الحبل قالولي لها اضرار موزين استمر عليها فمادري شسوي

يارب يشافيينا واهو له علاقه يسبب احيانا صلع الرجااال يعني من جدام الله يشافينا منه يارب

سلامتج اختي وماتشوفين شر

فعلا تكيس المبايض يسبب تساقط الشعر

اخذي حبوب منع الحمل زينين تنظم هرموناتج..انتي أي دوا يعطيج اياه الدكتور اخذيه

حبيبتي الدكتور وصف لي هالحبوب بس بنفس الوقت حذرني منهم ومانصحني قالي انتي جذي راح تسببين لج مشكله ثانيه

قلت شنو قال اولا انتي بنت احنا نعطي هالحبوب للمتزوجات وثانيا اذا خذيتي هالحبوب ماراح تييج الدوره الا لي خذيتيهم

لانه الرحم ماراح يقووم بوظيفته وقالي مو زين تاخذينهم هالحبوب طول العمر بس اذا انتي تبينهم كفيج انا نتبهتج

عااااد خوفني حيييييل احترت بعمري والله مادري شسوي

أنا فيني تكيس
ووصفلي الدكتور مانع الحمل ديانا35
وعلاقة التكيس بتساقط الشعر
لأنه التكيس يخلي هرمونات الذكور عندج مرتفعه فيسبب تساقط الشعر
هاذا كلام الدتور لأني سألته واذا نتي متينه
خففي وزنج
علشان يروح التكيس
الله يشافي الجميع

سبحان الله

اي نفس الحجي الي قاله لي الدكتور وانا الحين ودي آخذ لحبوب بس الدكتور مانصحني كلش قالي بعدين جسمج راح يتعود على لحبوب بالله شسيوي يعني موراضيه تييني الدوره

حبيبتي الحين شلون بعد ماخذيتي الحبوب تحسين قل التساقط ؟؟ والله يشــــافيج يارب ريحفظج قولي آمين

اختي ماتشوفين شر انا قبل فترة تساقط شعري فجأة بشكل رهيب رحت اخذت ابر الميزوثيرابي للشعر والله قعدت شهر اطقهم مرتين بالاسبوع بالعافية وقف التساقط بعد شهرين لاحظت التحسن والحين بعد 5شهور شعري من فوق ماشاء الله كأنه اسد رد حتى احسن من اول بس كنت اكل حبوب حديد لان طلع فيني نقص الحديد ’ بس تو نبهتيني للتكيس يمكن فيني ماشيكت لاني طولت ماحملت ولاراجعت
على العموم نصيحة طقى الابر وانتي مغمضة والوقت يمر بسرعة احسن من خبصت الدهونات والخلطات اللي نتيجتهم بطيئة والله ذكرتيني بحالتي لمل طاح شعري كنت ابجي بس رب ضارة نافعة كنت ادور الكثافة الحين الحمدلله بس ناطرة يصير طول شعري نصيحة لاتترددين

حيااااااااتي الشر ماييج انا متردده اسوي ميزوثروبي لانه انا متأكده انه التكيس اهوا السبب وايد رحت عيادات وجذي

وخذيت فيتامينات وحبوب ودنيا ماكو فايده ورفيجتي نفس حالتي سوت ميزوثروبي ماستفادت عرفتي فما ادري شسوي

الحين بس ناطره اقبض الفلوس واشوف شبسوي وحبيبتي لاتسكتين على نفسج روحي جيكي عالمبايض

وألف مبــــــــــــروك عالعلاج وانشالله يااارب يطول شعرج ويصير أحلى وأحلى

حبيبتي ادري انه الموضوع شوي قديم بس نصيحه ماكو كثري جرب خلطات وتونيكات وشامبوات وحبوب وابر قطيت شكثر وبالاخير طلع تكيس مبايض عالجي السبب بالاول تالي طقي ابر انا توني اليوم باديه علاجي مع اني بنت عطوني حبوب منع الحمل والصراحه اول شي خفت بس قالتلي لا عادي اهي بس تاخذينها جم شهر تالي تقطعين وتسوين تحليل ونشوف اذا التكيس خف ولالا وبعدين اهي ماتخرب بالعكس تنظم الهرمون استخيري وشوفي .