أستفتاء أحسن دكاتره عيون يسون الليزك او الليز ؟

آنا سويت ليزك عند دكتور سامي الربيعة من تقريبا سنة وسواها ب 450 دينار شاملة الفحص مع زيارة بعد العملية وماشالله ماطولت العملية 10 دقايق وبعد العملية على طول اتحسين بالفرق بس مو 100% واتعانين من هالات الليتاتبس بعد فترة اتروح ويكون نظرج 6/6 بعد شهر تقريباً بس والله الحمد الله الحين كل شي تمام وانصح كل وحدة امفكره اتسويها اتروح عند دكتور سامي لأنه الله يبارك له شاطر وايد

هلا حبيبتي نواره اي انا مفكره اسويها عند سامي الربيعه وايد يمدحونه
بس عفيه حطيلي أرقام العياده ووين صاير بالظبط
—
بناااااااات وينكم شاركونا بالموضوع اللي سوت ليزك او ليزر تقولنا عند منو وبجم وشلون العمليه عفيييييييييييييييه

انا توني الحين صارلي سبوعين تقريبا امسويتها عند محسن ابل اب440 والحمدالله وااااااااااايد مرتاحه

فديتج والله يدوم عليج بالصحه والعافيه
حمدلله عالسلامه مغروره بس عفيه كتبي لنا ارقام العياده ووين صاير مكانهم

انا سويتها من سنتين تقريبا عند دكتور عبدالله المنصور ماشاء الله عليه خوش دكتور وحبوب عيادته بحولي كان مسوي لاخوي قبلي من ست سنين تقريبا ,,
كلفت على 600 يمكن الحين يسويها ارخص ,,
العمليه تاخذ 10 دقايق لكل عين خمس دقايق وما تحسين بشي بس ضغط خفييييف عالعين اثناء العمليه وبعدين عادي لازم تلبسين نظارات شمسيه سوووووده عن الشمس والتلفزيون والليتات كلها اول جم يوم ويعطيج قطرات لازم تحطينها لمدة شهر

مسويتها عند الدكتور سامي الربيعه قبل 3 سنوات ب450 وانصحكم فيه ماشالله ما يطول اقل من 10 دقايق والدكتور حيل احليو وحبوب وانصحكم الي بتسوي اتسوي عنده اعيال عم ابوي كلهم مسويين عنده

مشكوووووووووووره احلى حلووه اي مادري ليش خايفه من العمليه
—
اي مشاله خوش دكتور سامي ربيعه حاطه عيني عليه الكل يمدحه

انا انشاء الله بسويها بس خايفة

انا مسويتها عند الدكتور سامي الربيعه بمركزه اللي بالفروانيه دكتور وايد شاطر وبالتوفيق

أنا سويتها من 6 سنوات تقريباً عند د.سامي الربيعة لما كانت عيادته بالسالمية بـ 800 دينار تقريباً ماشاءالله إيده خفيفة وبـ 10 دقايق خلص ما حسيت فيها وللحين الحمدلله كل شي تمام .
عيادته الحين بالفروانية مركز الربيعة الطبي والحين أرخص من قبل وأعرف ناس واجد سووها عنده معاي وللحين تمام .
وسلامتج ما تشوفين شر انشاءالله .

عفيه بنات نبي أرقام عياده الدكتور سامي الربيعه لانه وايد مشهور صراحه
—
مشكووره منوورره وماقصرتي
—
لا عادي توته احنا كلنا خايفين بس كلام البنات يريح لانه وايد يمدحون الدكتور اللي يسوون عنده
—
الله يسلمج عواشه
بس ياريت عواشه تكتبين لنا ارقام العياده عشان نستفيد ومشكوره وايد

انا سويتها من ثلاث سنين في دار الشفار عند البروفوسور محمد وجيه وايد وين

مشكووووره عمري ريحانه والله يوفقج

اانزين انا سمعت ان العدسات الملونه ماتقدرين تلبسينها وفيه شغلات ماتقدرين تسوينها يعني بختصار اللي سوو الليزك شنو سلبياته؟؟