|
|
سلام بنات ديرتي حبيت تستفيدون من هالموضوع و تديرون بالكم عدل من الاعراض اللي وايد ناس يستهينون فيها ….
راح احطلكم الاعراض اول شي ..(والاعراض ما تكون دايمه يعني تروح و ترجع )
1- نزول جفن العين اليمين او اليسار او اثنينهم
2- ازدواج الرؤيه يعني الحول
3-صعوبه كبيره بصعود و نزول الدرج
4-سقوط مفاجئ و الاحساس ان الرجل لا تتحرك و بعد ثواني توقفين و ماكو شي
5-تكونين شايله شي في ايدج حتى لو كان خفيف فجأة يطيح من ايدج
6-صعوبه كبيره بالنهوض من الكرسي اللي تجلسين عليه
7-اي احد يدزج تطيحين
8-صعوبه بمضغ الاكل او تسكير الفم عند الاكل او البلع
9-التعب السريع و التنفس السريع و ساعات صعوبه بالتنفس
بنات انا هالاعراض الله يكافيكم شرها يا رب صارتلي من 6 سنين و كنت ما اهتم صراحه لاني لمن كنت اروح مستشفياتنا و ما ادراك ما مستشفياتنا كنت امل و اتعييز و اطلع لين قامت الحاله تزيد فيني اللي صرت ماقدر اقوم من كاني الا بعد تعب و صرت اختنق و انحول بطريقه ماقدر اسوق السياره …
المهم مابي اطول عليكم اخيييييييير شي رحت حق دكتور سهيل الشمري و على طول قالي ان هالاعراض
هي اعراض مرض نادر يحوش 4 اشخاص من كل مئة الف نسمه و اسمه ..
الوهن العصبي العضلي الوخيم او الوبيل
و بعد التحاليل و الفحوصات اثنت ان فيني المرض و الحمدالله على كل حال طبعا اهو مرض مزمن و يحتاج دواء عشان يقدر الانسان يعيش طبيعي ….
و هالمرض مرض مناعي يهاجم كل عضلات الجسم ماعدا عضلة القلب بس للاسف ان يهاجم عضلة التنفس فلمن تضعف هالعضله راح يتأثر القلب و هذي يسمونها كارثة او ازمة المرض اللي اختصاره اهو (mg) و هذي الازمه الله لا يبليكم فيها توقف القصبه الهوائيه و جذي الواحد ما يقدر يتنفس و يحس بنبضات قلب مؤلمه و يفقد الوعي و لمن يقوم يلاقي نفسه بالعنايه تحت رحمة الله ثم التنفس الصناعي ربي لا يبلاكم …
هالقصه طبعا قصتي و اتمنى اني فدتكم بالشرح و ربي يبعد عنكم الامراض …بالكويت مافي وايد فيهم هالمرض و الحمدالله طبعا بس اتمنى اني اتواصل مع اللي نفس حالتي لاني للاسف هالمرض حتى الدكاترة نفسهم بالكويت ما يعرفون عنه وايد … و يلعبون فينا و يوصفون لنا ادوية والله لو احنا ما نقرى و ناخذها جان وقفت قلوبنا الله يسامحهم …
للعلم بنات هالمرض يصيب النساء اكثر من الرجال و باي عمر و انا حاشني من 7 سنين و وقتها عمري كان 20 سنه ….
و للعلم ترى اهوا يختلف عن مرض التصلب المتعدد ال (ms) …
انشالله ماكون طولت عليكم و افدتكم ……
6 سنين انا مادري شنو فيني و ما عرفت الا قبل سنه بس …
و جذي صارلي 7 سنين ….
مشكووووووووورين ….
تسلمين على المرور و اتمنى ان الكل يقرى الموضوع و يستفيد منه ……
شكرا على المرور ………
انا حاسه فيج
حاسه بشعور لما احد اييله المرض فجاه واهو صغير ويحسس ان شبابه مومثل باجي الناس
الله يشفيج يارب
لاتقولين ماله شفا ترى ماكو شي بعيد عن الله اهتمي من الناحيه الدينيه القران في ايات خاصه للشفاء من الامراض والله قادر على كل شي اقري على جسمج دايما وشربي ماي زمزم ان شاءالله تطيبين
وكله اجر ان شاءالله
وادري فيج تتمنين تلقين احد نفس حالبتج عشان تشكيله ووتتبادلين معاه السوالف لان محد بيفهمج غيره
الله يشفيج يارب ويبعد عنج الضيقه
حبيبتي مشكوره على المرور و الكلام الطيب …..
احص باغلب الاعراض الي قلتيها لكن مع تنميل مستمر
ان شاءالله يطيحون على السبب وارتاح من القلق الي انا فيه
ربي يشافي كل مريض امين يا رب
مشكوووره حبيبتي
وما يرد البلاء الا الدعاء
اسئل الله العظيم رب العرش العظيم ان يشفيج
بعد قلبـ قلبكمـ
مع تحياتيـ SOFTLADY
.
بالنسبه للاخت سمسميه الله يعينج والله على مستشفياتنا و مواعيدهم اللي تطلع الرووووح والله ……….
حبيبتي انصحج تروحين حق دكتور هشام الخطيب بدار الشفا صراحه انسان واااااايد شاطر و فاهم و تطلعين منه صج مرتاااحه لان يقعد مع المريض و يتكلم بكل صراحه ووضوع و على مهله يعني ما تحسين ان بس يبي يخلص عشان يروح حق اللي بعده ….
روحيله و انشالله ترتاحين و تعرفين شسالفه و باذن الله مافيج الا العافيه و كل خير …..
تسلمون يا بنات و اتمنى ان اللي تعرف احد فيه هالاعراض ما تبخل عليه و تنصحه قبل لا يفوت الفوت …..
يزاكم الله خير انشالله …………..
يعني منو الفضل هشام ولا سهيل الشمري؟