منو يعرف اي طبيب اروح

مرحبا خواتي
حبيت اسالكم سؤال حيل متعبني
انا ادرس بالجامعة بس احس نفسيتي حيل تعبانه
ومن دون اي سبب
انا فيني قولون عصبي من زمان
والحين كل ماداومت المحاضرة احس بمعدتي نار
وغثيان ودوخه واصير بعالم ثاني ولا ادري شنو يقولون
وبس اطلع مافيني شي وهالموضوع يتكرر مو بس بالدراسه
واضطرابات بالنوم ونسيان وصعوبة بالتركيز وعصبية زايده
والحين رحت اوقف قيدي لاني مااقدر ادرس نهائي
ادري طولت عليكم
سؤالي ياطويلات العمر
ابي اعالج نفسي وين اروح اي طبيب
طبيب للمعدة ولا طيب نفسي؟؟؟؟؟؟؟

حبيبتي اول شي روحي طبيب معده علشان يشخص الحالة ويعطيج حبوب تهدي القولون
وماتشوفين شر

اعتقد حالتك اسمها تلبك معوي Irritable Bowel Syndrome والقولون عادة يفاقم الحالة…
وإذا كان يتكرر في أماكن كثيرة، هذا ممكن يسهل العلاج، لأن المعالج يحتاج يشوفك في المكان اللي تحسين بالحالة …
أعرف شخص كانت في مثل حالتك، بأعراض أشد (خروج غازات – أعزك الله)، ومع علاج الحالة اختفت أعراض القولون العصبي..