|
|
مرحبا بنات
بغيت اسال شنو نظامج مع الدوره او لما تيجيج الدوره
يعنى
1- شنو تشربين ؟
2- شتلبسين؟
3- شتاكلين ؟
فى ادويه تاخذينها
بالتفصيل ابى اعرف
يا بنات
اول شي لانها تتعبني واحس بألام فلازم اخذلي مسكن واصفه لي الدكتور بسبب التقلصات
اسم المسكن Cataflam 50
واهم شي ادفي نفسي ألبس بجامه يبره وفوقها الروب ودلاقات ثقيله مخصصتها لوقت الدوره
وطبعا مطارة الماي الحار على بطني كل ما حسيتها بردت غيرت الماي وهذي ما استغني عنها لي
ثاني يوم لانها صج تريحني تلقيني حتى وقت النوم اقعد اغير الماي اذا حسيته فتر شوي
بالنسبه للاكل بصراحه اكل عدل لانه موزين تيوعين نفسج حتى لو مو شتهيه الاكل غصبي نفسج عليه
اهم شي ابتعدي عن البيبسي واللبن و عصاير اي شي حامض وخري عنه
عموما انا ابتعد عن الفواكه وقت الدوره والرقي والبطيح بعد ما اكله
واشرب دارسين على طول و البابونج وزعتر
وفي جاي يايبينه لي من الامارات اسمها الخلطه المخففه لألام الدوره الشهريه من شركة النور الطبيه
وايد يريحني اشربه مثل الجاي
وفي شي ثاني للي يحسون بآلام مثلي وقت الدوره (معانات 
) في لصقات اخذهم من
مركز سلطان نتحط آخر البطن تحسين بحراره وبدفا مكانها تريح وتسكن الالم شوي
انا احطها اول يومين وقت النوم تريحني بصراحه
واول يومين حاولي لا تسبحين مو زين يدشج برد ووقف نزول الدم
وحاولي تدفين نفسج كثر ما قدرين
الدارسين مو زين يزيد تدفق الدم
عوار وترجيع تكرمون ونفسية زفت
وقت الدورة بيجاما شوية دافية ومطارتين ماي حار
يقولون موزين المطاطير وايد بس ماقدر لازم مطاطير
واخذلي بندولتين اكسترا
واحوس بفراشي لما يطخ العوار ثاني يوم 
وما اقدر لا اشرب ولا اكل كله جبدي تقلب
وماتشوفين شر
وحق العوار مطاره ماي حار أحطها صوب العوار وأتدفى
و حبة بسكويان او كاتفلام لعوار البطن .
ودايما شربي اشياء دافيه ولاتشربين ليمون وبرتقال ولبن وحلييب وبس . من احس انها قربت اتدفى شوي والبس دلاقات ومن تهل اشرب دارسين ومراميه وجاي ومرات احط معاهم مسمار وزعتر
وماستغني عن البندول
وخامس يوم من الدوره انقع مره اخليها خاثره واتوضا فيها تطلع كل الوصخ والبلاوي بس سالفه المره مرات انسى اسويها ومرات اتذكرها ارتاح وايد اذا سويتها
بس اشرب بذرة الكراوية قريتها من دكتور بالمنتدى والصراحة وااايد تريحني لانة انا بدورتي يجيني عوار اسفل البطن وتكرمون ما اقدر اروح الحمام
هالمرة عاد بشرب الزعتر والمرمية