تجمع المصابات بالوردية

السلام عليكم

أنا فيني الورديه وأعاني من سنين فكرت نسوي هالتجمع نفيد بعض لأنه أدري فيه بنات واجد نفس حالتي وبقولكم شنو المنتجات اللي جربتها ونفعتني وكله عن تجربة

للي مايعرفون شنو الوردية أهو مرض جلدي غير معدي يصيب الوجه ويشبه الأكزيما أو الحساسية البشرة تكون دايم وردية خاصة الخدود والخشم وممكن الحنج والجبهة

وفيه منه مراحل
1- المرحلة ما قبل الأولى:
وفيها احمرار شديد بمنتصف الوجه مع توسع بالشعيرات الدموية الجلدية، ويحدث ذلك مؤقتاً، وتظهر مع التعرض للحرارة أو الشمس أو مع حالات التوتر النفسي أو المشروبات الحارة.
2- المرحلة الأولى: وفيها يكون الاحمرار دائماً.
3- المرحلة الثانية: وفيها تظهر بعض الحبوب والبثور على المناطق في منتصف الوجه مع حدوث بعض التورم أو الاستسقاء الحلوى( Edema ) وتزداد سماكة الجلد. ويلاحظ عدم وجود رؤوس سوداء أو بيضاء ( زيوان )، وهذا ما يفرقها عن حب الشباب العادي .

4- المرحلة الثالثة: وفيها تتكون بثور التهابية كبيرة، تتجمع في صورة حويصلات، مع وجود تليف بالجلد وتضخم بالغدد الدهنية وبخاصة على الأنف مما يعطي شكلاً مشوهاً للمصاب.

وأنا بالثانوية طلعت فيني حبوب حب شباب ورحت لدكتورة بالحكومة الله يسامحها عطتني تقشير وماشرحت لي انه تقشير وانا ماكنت عارفه بس استخدم الكريمات اللي عطتني وأطلع بالشمس وأداوم بدون حماية وكنت أتعمد أقعد فترة أطول بالشمس على بالي انه الشمس مفيدة ليما صارت بشرتي متحسسه وخدودي حمر .. راحت الحبوب بس ظلت بشرتي حساسة ماقدر استخدم لها أي شي كله خدودي حمر كل شي جربت مابقى دكتور ماطقيت بابه .. أي دكتور جلدية بالكويت يخطر على بالكم راجعت عنده وكله ماشوف نتيجة رحت لعيسى بشور و علاء الطباخ ومشعل الغريب ودلال التركيت واسامة سرور وغيرهم ناسيه ولاحد نفعني بشي يمكن اللي نفع معاي بس الكرتيزون ومشكلة الكرتيزون يخلي البشرة هلكانه ورقيقة العروق تبين من تحت وتطلع تجاعيد وهالشي انا شفته بعيني بنات بعدوا عن الكرتيزون صج لحظة استخدامه تبين نتايج حلوة بس اقطعيه يعدم البشرة

من كل الدكاترة اللي رحت لهم بس اللي عرف يشخص حالتي دلال التركيت و مشعل الغريب بس والباجي عطوني تقشير وزاد الطين بله

الحين بقولكم من واقع تجربة نصايح وبعض المنتجات اللي نفعت معاي :

– أول شي اللي فيها ورديه تبتعد عن الشمس لأنها تهيج الوردية وكل ماطلعتي استخدمي واقي .. شوفوا ايفين حلو وسوسكن حلو بعد
– ابتعدي عن تيار الهواء الساخن مثل الحين احنا بالبرد نحط جمر أو دفايات كلها تهيج الوردية وااي لما يشبون فحم بالبيت على طول خدودي يقلبون حمر وأحس بحرارة بوجهي مع أني بردانه

– لا تشربون مشروبات حارة انطروا تبرد شوي أو حتى بالأكل لا تكلون شي حار حيل
– السبايسي والبهارات القوية تزيد الوردية
– الانفعالات القوية والنفسية بعد مو زينة
– تغيير الجو يعني من مكان حاار إلى بارد حيل بعد يهيجها
– البخار والسونا ابتعدوا عنه

الحين بقولكم شنو استخدمت ونفع معاي يعني خفف من حدت الوردية

أحسن غسوول اللي صج مريح وينظف بدون ما يهيج البشرة

– غسول ريجوفي rejuvi

يهببل وخفيف على البشرة قالت لي عنه اللي تشتغل ببوتس ولي سنتين ماستغني عنه اجرب غيره بس ارجع له

– صابونة اويل اوتم

صرفها لي استشاري وصج حلوة ناسبتني ماتنشف ولا تهيج البشرة

– غسول ماركة neova

صارفه لي دكتور مشعل الغريب اعطيه 5 من 10 مصنوع من زيت شجرة الشاي زين بس ماينظف عدل

طبعا مو كل هالصوابين تستخدمون انا اغسل وجهي بصابون مرتين أو 3 مرات أول ماقوم من النوم والعصر وقبل ما أنام بس انتوا شوفوا شنو يناسبكم من اللي ذكرت

فيه بعد سيتافيل حلو بس مو واااو بعد كانت صارفته لي دكتورة

هالمنتج بنات حيل زين اهو جل يستخدم للحروق صرفه لي دكتور طبعا يعتبر علاج مؤقت بس حلو ونفس الشي مصنوع من زيت شجرة الشاي هذي صورته

الحين بسأل يا حلوات منو منكم جربت الليزر أو البلازما لعلاج الوردية … أنا جربت البلازما للشعر جلسة وحدة بس بغيت أموت من العوار لاتقولون أبالغ لأني من النوع اللي ما أخاف من الابر وكنت مجربة الميزو ثيربي قبل مايعور من البلازما عوار ويطلع دم

خدودي ع طول تحمر ورحت للدكتوره تقول تحسس من الشمس

واسوي ليزر عاادي

لكن ماقالت لي إنه الورديه وأول مره أسمع عنه !!

***

والبلازماا حق شنو !!

البلازم من تقنية أبر الخلايا الجذعية prp حق الشعر والوجه تجدد الخلايا

أنتي تسوين ليزر بوجهج حق شنو ؟

أنا عندي الورديه من زمااااااااااان بس خفيفه الحمدلله بس في منطقة الخدود وبشكل يعني ما حسه اوفر
ما استخدم اي شي لان الدكتور قالي مب محتاجه الحاله ادويه ولا شي بس لازم تعرفين ان هالشي ما يطلع من الجسم ابدا …كل اللي تقدرين تسوينه انج تستخدمين واقي الشمس بدون اهمال
بالنسبه للغسول والكريمات عادي ما عندي شي معين حسب بشرتي الدهنيه طبعا
الفاونديشن ظليت سنين حايره بين درجاته كلما استخدم لون يطلع ويهي غامق ومب لوني الطبيعي لين بالاخير فهمت اني لازم استخدم فاونديشن بلون مايل للأصفر عشان يخفي الاحمرار في ويهي والحمدلله ماشيه الأمور بشكل مريح جدا

و انا بعد الحمد لله مع العناية مو قوية عندي الوردية بس مرات ودي بشرتي تصير لون واحد

حق الشعر

البلازماا إبر بالوجه ؟

ما تشوفون شر ان شاءالله

آآآآآآآآآآآآآآآآآآآآآآآآآب

اب اب اب اب

ما تشوفون شر ان شاءالله

مشكوووووووورة حبيبتي مس جيري عالإفااادة وعلى التجمع المفييييييييد

صج الموضوع قديم بس حبيت أقول تجربتي آنا مادريت أو ماستوعبت اني مصابة بالوردية الا قبل اربع شهور مع الحمال والحين انا بالثامن وويهي يقب علي( حبوب حمر بالخدود وحبوب صغار روسهم بيضة وحكة) ويطخ جربت الكورتزون عند عيادة بوحمره زاااااد الطين بلله .. بعدها ولأني حامل سويت سيييرج بالنت عن المرض وشفت الدكتور جابر القحطاني مادح جل الصبار الطبيعي وحبوب زهرة الربيع وزيت شجرة الجاي ..جربت في البداية زيت شجرة الجاي خفف حدة الاتهاب بس مااستمريت عليه فاستخدمت هلام الصبار رحت شريت من المشاتل صبار وقصيت اوراقه بالنص وطلعت المادة وخلطتها بالخلاط وقمت احطها مرتين او ثلاث باليوم وهذا ثالث اسبوع لي وتبارك الرحمن في تحسن لكن المشكلة اني بس اقطع الصبار تطلع لي الحبوب وحكة واتهيج بشرتي مادري من الحمال والا من شي انا اكله وغير هذا سبب لي جفاف ببشرتي أحتاج حق مرطب طبي أحطه اذاغسلت ويهي من الصبار وينفع للوردية فياااليت اللي جربت مرطب سنع وحلو ماتبخل علينا

والحمد لله على كل حال ..

اب اب اب