{ فيك أنيميا ؟؟ ـــــ .{ فيك هبوط ؟؟ ــــ دخلي أنا بحآجتك "

؛

السلآم عليكم ورحمة الله }

..

من زمان وانا اعاني من الهبوط .. ومن فتره احس فارقني وحمدت الله اكثيررر اني ارتحت منه ..

والحين رد لي ..

بس اليوم

احس الاعراض غير عن كل مره ..

والله ما ابالغ لو قلت لكم حسيت روحي وصلت أطراف أصابع ارجولي …!

،

انا قلت يمكن انيميا مو هبوط

ف أبي اعرف منكم شنو اعراض الانيميا وشنو اعراض الهبوط ؟
بعرف اشفيني ..

اليوم صج صج .. حسيت بنعمة العافيه

..

..} والحمدلله ع كل حآل .

….

تقريبا نفس الاعراض انا فيني انيميا دايما احس بدوخه و خموووول

دوخه و لما تقومين فجأه ماتشوفين شي ودوخين و بالحر دوخه
تحت عينج اسود انا جذي احس وفيني هبوط

دانوي
عازميه قمر

الله يجزاكم خير .. يعني نقدر نقول ان الانيميا والهبوط نفس الاعرض !

وين باقي البنات ؟
خلونااا نعرف المسأله وانتعمق فيها اكثررر ..
الله يجزاكن خير

حبيبتي روحي سوي تحليل احسن وشيكي اذا انيميا عشان تاخذين له دوا
وماتشوفين شر

انا كنت اتفشششششششششل من الهبوط مره بالجمعيه ناطره عند المحاسب وفجاه هبوط قعدت بالارض ماشفت الا مره تعطيني ماي وتحط على وجهي
ومره بكويت ماجيك هم فجاه قمت امشي جنه سكرانه سار هبوط واستحيت اقعد بالارض لما رفيجتي دخلتني محل عطوني ماي
ومره بالمسيله وكان حر شوي وهم فجأه وانا امشي هبوط وقعدت بالارض فتحت عيني الا البويات شايليني

يعني حيييييييييييييييييييييل تعبت منه عقب قمت اخذ حبوب خميره واكل فلفل بادر وتركت البيبسي والجاي مع اني ادمااااااااان جاي بس من تركتهم وانا بخير الحمدالله راح الهبوط بس قبل الدوره يجيني هبوط خفيف مثل قلبي يرقع حيييييل واحس بخمول ودوخه

انتي شتحسين فيه

هلا حبيبتي
انا فيني انيميا قبل سنه يتلي الانيميا
ومثل ما قالو البنات دووخه واول ما اقووم ادووخ وما اشوف عدل لازم اقعد شوي
وخموول وكله بنااام مافي نشاط كلش ولا تركيز وفقدان شهيه وضعف بالجسم يصير جسمج كله يعورج كل يوم يطلعلج شي
دير بالج وروحي سوي تحاليل شامله
والله يشافي الجميع ان شاءالله

انا نفس الاعراض بس كل يوم اقول بروح افحص ويمر الاسبوع وانا ماتحركت

حبيبتي انصحك كم كل قلبي اذا فيك فقر دم
خذي ماء دافي وضعي عليه عسل اصلي واشربيه في الصباح ع الريق تراه موصي عليه الرسول صلى الله عليه وسلم وهو المذكور با اللحديث وشربة عسل ابحثي عن الحديث
ثانيا الزبيب اليماني الاسود اخلطيه با الخلاط مع عصير البرتقال
او البنجر مع البرتقال وانشاالله انك بتدعيلي
اسال الله لك الشفاء العاجل

اسمله عليج

سوي تحليل لاتهملين عمرج

يمكن فقر دم

واذا هبوط كثري الملح بأكلج انا جذيه علي طول اكل ملح عشان لايصير فيني هبوط

هلا اختي

بالنسبه للانيميا : عباره عن انخفاض في تركيز الهيموجلوبين الموجود في كريات الدم الحمراء الى اقل من12 بالنسبه للنساء و 13 بالنسبه للرجال
اعراض الانيما : بالعاده يكون خمول وضعف في الجسم وارهاق دائم بالاضافه الى الاحساس بزياده في عدد دقات القلب واهم شي الاحساس بضيق في التنفس ورح تلاحظين بتغيرفي الشعر وظهور بعض الصفار في العينين او باطن الكفين تلاقيه صار لونه باهت بالاضافه الى عدم القدره على المشي وما رح يحدث فقدان للوعي الا في حالات نادره

اما بالنسيه للهبوط فعندك نوعين
هبوط الضغط: الام في الصدر وصعوبه في التنفس ورح تلاقون ان دقات القلب غير منتظمه واهم شي الصداع وممكن يكون مصاحب لارتفاع في درجه الحراره وممكن يأدي الى فقدا الوعي بدرجه اكبر من الانيميا
هبوط السكر : بالنسبه للاعراض رح يحس المريض بنفضه غريبه في الجسم ورح تلاقونه متوتر ويتصرف بعصبيه وهم زياده في دقات القلب بالاضافه الى دفء عام في اطراف الجسم وزيادة نسبة التعرق وتوسع في حدقة العينين او ممكن انه يشوف الاجسام بشكل ثنائي يعني double vision ,, ممكن يحس المريض بصداع ولوعه ورغبه في التقيء واهم شي الاحساس بالجوع .. واهم شي تسووه تعطون المريض اي شرب محتوي على السكر مو حلويات لان الشراب اسرع في الامتصاص

ماتشوفون شر بنات
والله يجزاكن خيرررر ويخليكم لمغليكم يارب =)
،

عازميه
والله اعلم انا وانتي نفس الحاله { الحمدلله ع كل حال
وانا من قبل كتبت اني كنت بالسوق وتعالي شوفي شلون جاني الهبوط والله والله حمدت ربي ان اختي معاي وعلى طول جابت لي ذره وكثّرت الملح فيها حييييييل ..
والحمدلله ربع ساعه ورجعت لطبيعتي !
…

انيني الورد

غلاي من الكلام اللي قريته ..
الاعراض اللي فيني وكأنها هبوط في السكر !
مع اني كنت اتوقعه هبوط في الضغط بس توني الحين منك اتضح لي شي ثاني !!!!!
من وين المصدر غلاي ؟
..

انا عندي هبوط اول شي الم بالراس ما تقدرين ترفعين راسج كله تبين تنامين دايخه تلوع جبدي ابي استفرغ احيانا
سواد تحت العين عيوني تعورني ما اقدر افتحهم من الدوخه والصداع
بس رحتي الطبيب مافيه علاج الا اكلي شي مالح او عصير دايم كانت تقولي الدكتوره خلي بالجنطه معاج عصير
او احيانا يحطون درب ملح بس

انا دايما يصير فيني هبوط وفيني انميا
بس الفرق بينهم الهبوط تاخذين شي ملاح ويرتفع ضغطج اما الانيميا يبيلج حديد علشان يرتفع دمج

عزيزتي انا طبيبه
والمعلومات الطبيه موحده بكل مكان
اذا عندج اي سؤال تفضلي
بس عذريني على دخولي القليل للمنتدى بسبب ظروفي العمليه
بس عطيني تفصيل عن حالتج وبعرف شنو فيج بالضبط